ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা রেলৱেমেনগী ইন্দস্ত্রীয়েল পিছ অমসুং মোতিভেসন ঙাক্তুনা থম্নবা শেনবা চহী ২০১৮-১৯গীদমক মতিক চারবা নন-গেজেতেদ রেলৱে এমপ্লোই লাখ ১১.৫২ হেনবদা (আর.পি.এফ./আর.পি.এস.এফ. পর্সোনেল য়াওদনা) নুমীৎ ৭৮গী খুৎশুমলগা মান্নবা প্রদক্তিবিতী লিঙ্ক বোনস (পি.এল.বি.) পীবদা অয়াবা পীখ্রে। মসিনা এক্সচেকরদা লুপা কোতি ২০২৪.৪০গী শেনফম অমা চাদিং তৌরগনি।

কান্নবশিং:

মতিক চারবা রেলৱে এমপ্লোইশিংদা (আর.পি.এফ./আর.পি.এস.এফ. পর্সোনেল য়াওদনা) শেনবা চহী ২০১৮-১৯গীদমক নুমীৎ ৭৮গী খুৎশুমলগা মান্নবা প্রদক্তিবিতী লিঙ্ক বোনস (পি.এল.বি.) পীবনা রেলৱেগী পর্ফোমেন্স ফগৎহন্নবা রেলৱে এমপ্লোই কয়া অমা মোতিভেৎ তৌবা ঙমহন্দুনা প্রদক্তিবিতীগী থাক মখা তানা হেঙ্গৎহনবগা লোয়ননা ইন্দস্ত্রীয়েল পিছ ঙাক্তুনা থম্লগনি।
নন-গেজেতেদ রেলৱে এমপ্লোই পুম্নমক্তা পি.এল.বি. পীরিবা অসি রেলৱেগী থবক থৌরম পাংথোকপদা মখোয়গী থৌদাং অদু শকখংবনি। মসিনা মশিং য়াম্লবা রেলৱেমেন অমসুং মখোয়গী ইমুং মনুংশিংদা অমত্তা ওইবগী ৱাখলোন হেঙ্গৎহল্লগনি।
*******