ভারতকী প্রধানমন্ত্রী

খুরুমজরি!

মিস্তর প্রসিদেন্ত,

ৱর্ল্দ ৱেলফেয়র অসি পব্লিক ৱেলফেয়রগা লোয়ননা হৌই অমদি হকচাং ফবা অসি মসিগী য়াম্না মরুওইবা য়ুনিৎ অমনি। মরম অদুনা হিরম অসি ভারতকীদমক য়াম্না চাউবা প্রায়োরিতী অমনি।

য়ুম্বী মরিগী খুত্থাংদা অচৌবা খোংথাংগা লোয়ননা মসিদা ঐখোয়না থবক তৌরি। অহানবা য়ুম্বী অদুদি ঙাকথোকপা ঙম্বা হেল্থনি। ঐখোয়না য়োগ, অয়ুর্বেদ অমসুং ফিৎনেসতা অকন্নবা মিৎয়েং চংলি। ঐখোয়না ৱেলনেস সেন্তর লাখ ১.২৫ হেন্না শাখ্রে।

মসিনা দাইবেতিজ, ব্লদ প্রেসর, দিপ্রেসন অসিনচিংবা লাইফ স্তাইল লাইনাশিং কন্ত্রোল তৌবদা মতেং পাংলি।

ই-সিগরেত্তা লাইচুবা হেঙ্গৎলক্লিবা অসি চাউনা খন্থনীংঙাই ৱাফম্নি। শাথিরবা থ্রেৎ অসিদগী নহাশিংবু কন্নবা ভারতনা ই-সিগরেত্তা অথিংবা থম্লে।

ঐখোয়গী ক্লিন ইন্দিয়া মিসন্না পুন্সি কয়া কনবদা থৌদাং লৌরি।

তিকা থাবদা ঐখোয়না অখন্নবা খোংথাংসু লৌখৎলে। অনৌবা তিকাশিং হাপচিন্দুনা ঐখোয়না অথাপ্পা মনুং হুঞ্জিনবা মফমশিংদসু তিকা থাবা ফংহল্লে।

অনিশুবা য়ুম্বী অসিনা অহোংবা মমলগী হেল্থকেয়রনি। ঐখোয়না মালেমগী খ্বাইদগী চাউবা হেল্থ এসুরেন্স স্কিম আয়ুশ্মান ভারত হৌদোক্লে। মসিগী মখাদা লাইরবা মিলিয়ন ৫০০বু চহীগী ওইনা লুপা লাখ ৫ ফাওবা লেম্না লায়েংবা ফংহল্লে। হৌখিবা চহী অমা খক্তদা মীওই মিলিয়ন ৪.৫না মসিগী কান্নবা ফংখ্রে।

ঐখোয়না অখন্নবা ফার্মাসী ৫,০০০ হেন্না হাংদোক্তুনা মরুওইবা হিদাক লাংথক মখল ৮০০ হেন্না অহোংবা মমলদা ফংহল্লে।
থম্মোইগী স্তেন্তকী মমল চাদা ৮০ হন্থহল্লে অমদি খুউ ইমপ্লান্তকী মমল চাদা ৫০দগী ৭০ ফাওবা হন্থহল্লে।

ভারত্তা কিদনীগী প্রোব্লেম্না মরম ওইদুনা নারবা মীওই মিলিয়ন কয়াবু লেম্না দাইলাইসিস তৌবগী খুদোংচাবা পীরি।
অহুমশুবা য়ুম্বী অসি সপ্লাই সাইদ ফগৎহনবনি। মসিগীদমক ঐখোয়না ভারত্তা ক্বালিতী মেদিকেল এজুকেসনগীদমক অমসুং মেদিকেল ইনফ্রাস্ত্রকচরগীদমক পুৱারী ওইরবা খোংথাং করা পায়খৎলে।

অমদি মরিশুবা য়ুম্বীনা মিসন মোদ চৎনহনবনি। করিগুম্বা মমা অমসুং অঙাংশিং মশা মউ ফরগদি খুন্নাই পুম্বা মশা মউ ফনবা য়ুমফম অমা শেমগৎপা ঙমই। মরম অদুনা ঐখোয়না মিসন মোদতা নেস্নেল ন্যুত্রিসন কেম্পেনগুম্বা অনৌবা খোংথাংশিং পায়খৎলে।

সস্তেনেবল দিবেলপমেন্ত গোল্সনা ২০৩০ ফাওবদা ত্যুবর্ক্যুলোসিস মুথৎনবা পান্দম থম্লি। ভারত্তা ইং ২০২৫ ফাওবদা মিসন মোদতা মসি ফংবা ঙম্নবা ঐখোয়না হোৎনরি অমসুং ফংবসু ঙমগনি হায়না ঐহাক্না থাজবা থম্লি।

ঐখোয়না এয়র পোলুসন্না মরম ওইদুনা থোকহনবা অমসুং শা-উচেকশিংদগী মীওইবদা শন্দোরকপা লৈনাশিংগী মায়োক্তা খোংজং চংশিনবসু হৌরে।

এক্সিলেন্সীশিং,

হকচাং ফবা হায়বসি লাইনা-তিন্নাদগী নান্থোকপা অদু খক্তা নত্তে। হকচাং ফবা পুন্সি অমা হায়বসি মীপুম খুদিংমক্কী হকনি। মসিগীদমক লৌখৎফম থোকপা লৌখৎপা অসি ঐখোয়গী সরকারগী তৌফম থোকপা থৌদাংনি।

ভারতনা হোৎনরিবশিং অসি ঙমখৈ লৈতে। ভারতনা অতোপ্পা লৈবাক কয়ামরুমদা, অখন্ননা আফ্রিকা লৈবাকশিংদা তেলি-মেদিসিনগী লম্বী য়াওনা অহোংবা মমলগী হেল্থ কেয়র ফংহন্নবা তেংবাংলি।

এক্সিলেন্সীশিং,

ঐহাক্না ঐহাক্কী ৱারোল অসি পুম্নমক্কী মফমদা নুংঙাই য়াইফবা অমসুং অনা অয়েক য়াওদবা পুন্সি অমগী পাওজেল পীজবগা লোয়ননা লোয়শিঞ্জরি।

হন্না-হন্না থাগৎচরি!