ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ন্যু য়োর্কতা য়ুনাইতেদ নেসন্সস জেনরেল এসেম্বলীগী ৭৪শুবা মীফমদা ৱা ঙাংখ্রে।
মহাত্মা গান্ধীগী মতাংদা ঙাংলদুনা প্রধান মন্ত্রীনা হায়খি মদুদি গান্ধীজীগী অচুম্বা অমসুং অহিংশাগী পাওজেল অদু ঙসিসু মালেমগী শান্তি, প্রোগ্রেস অমসুং দিবেলপমেন্তকা মরী লৈনরি।

প্রধান মন্ত্রীনা স্বচ্ছ ভারত, অয়ুশ্মান ভারত, জন ধন য়োজনা অমসুং দিজিতেল আইদেন্তিফিকেসন (আধার) অসিনচিংবা সরকারগী প্রো-পিপল ইনিসিয়েতিবশিংনা পুরক্লিবা অচৌবা অহোংবশিং অদু পাউদমখি। ভারতনা অসিগুম্বা ইনিসিয়েতিবশিং পায়খৎপা মতমদা, মসিনা মালেম পুম্বদা আশা পুরকই হায়না মহাক্না মখা তাখি।

প্রধান মন্ত্রীনা অমুক্তগী হেন্না শিজিন্নদবা প্লাস্তিক থিংনবগী মায়কৈদা ভারতকী ফিরেপ অদু ফোংদোকখি। মহাক্না লাক্কদৌরিবা চহী মঙাদা য়ুমথোং খুদিংদা ঈশিং ফংহন্নবা, ইমুং খুদিংদা য়ুম অমমম পীনবা অমসুং ত্যুবরকুলোসিস মুত্থৎনবা সরকারগী ফিরেপ অদুগী মতাংদা ঙাংখি।
ভারতকী সংস্কৃতিগী মতাংদা ঙাংলদুনা প্রধান মন্ত্রীনা হায়খি মদুদি মীয়ামগী য়াইফ থৌরাং অসি ঐখোয়গী সংস্কৃতিগী শরুক্নি। মীয়াম্না শরুক য়াবগী খুত্থাংদা মীয়ামগী য়াইফ থৌরাং পুরকপা অসি মহাক্কী সরকারগী মন্ত্রনি হায়না মহাক্না ফোংদোকখি।

ভারত মচা কোতি ১৩০গী মংলানবু মংফাওনহনবগী মথক্তা সরকারনা হোৎনরিবশিং অসিনা মালেপ পুম্বদসু কান্নবা পীরগনি। প্রধান মন্ত্রীনা মখা তাখি, “ঐখোয়না ঐখোয়গী প্রজাগী য়াইফনবা খক্তা নত্তনা মালেম পুম্বগী য়াইফনবগীদমক থবক তৌরি। মরম অদুননি ঐখোয়গী মোতো অসি ‘সবকা সাথ, সবকা বিকাস, সবকা বিশ্বাস’ ওইরিবা।”
তেরোরিজম অসি মালেমগী খ্বইদগী চাওবা শিংনবনি হায়রদুনা প্রধান মন্ত্রীনা লৈবাক পুম্নমকপু মীওইবা জাতিগীদমক তেরোরিজমগী মায়োক্তা অমত্তা ওইনা লেপনবা তকশিনখি। প্রধান মন্ত্রীনা হায়খি, “ভারত অসি মালেমদা লান নত্তবা বুদ্ধগী শান্তিগী পাউজেল পীখিবা লৈবাক অমনি”। য়ুনাইতেদ নেসন্স পিচ্ছ কীপিং মিসন্দা ভারতকী থৌদাংগী মতাংদসু মহাক্না পনখি।

মল্তিলেতরেলিজমদা অনৌবা মায়কৈ অমা পীনবা প্রধান মন্ত্রীনা ইন্তরনেস্নেল কমুনিতীদা তকশিনখি। প্রধান মন্ত্রীনা হাখি, “মালে্ম অসি য়েন্থোকপনা কনাদসু কান্নবা পীরোই। ঐখোয়না মল্তিলেতরেলিজম অমসুং য়ুনাইতেদ নেসন্সপু নৌনা শেমদোকপদা শাফু পীগদবনি”।

প্রধান মন্ত্রীনা তামিল ফিলোসোফর পুনগুনদ্রানর অমসুং স্বামি বিবেকানন্দগী ৱাফমশিং ফোংদোক্লদুনা তোঙান তোঙানবা মালেমগী শিংনরিবশিং থেংননবা অপুনবা খোংথাং লৌখৎনবা ৱাফম থমখি। ‘মত তিন্নবা অমসুং শান্তি’ অসি মালেমগী খ্বাইদগী চাওবা লোকতন্ত্রগী পাউজেলনি হায়না মহাক্না ফোংদোকখি।

গ্লোবোল ৱার্মিংগী মতাংদা ঙাংলদুনা প্রধান মন্ত্রীনা হায়খি মদুদি পর-কেপিতা ইমিসনগী মতাংদা গ্লোবোল ৱার্মিংগী মায়কৈদা ভারতকী কন্ত্রীব্যুসন অসি য়াম্না নেমজরবসু মসিগী মায়োক্তা লৌখৎপা খোংথাংদা ভারতনা মাংজিল থারি। মসিগী মনুং চন্না মহাক্না রিন্যুয়েবল ইনর্জীগী পান্দন গিগা ৱাৎ ৪৫০ থম্বা অমসুং ইন্তরনেস্নেল সোলর এলাইন্স শেম্বা য়াওনা ক্লাইমেৎ চেঞ্জ থেংননবা মহাক্কী সরকারনা লৌখৎলিবা খোংথাংশিং শন্দোক্না পনখি।

**************