ভারতকী প্রধানমন্ত্রী

3. লৈবাক্কী চাউখৎ-থৌরাংগী মতাংদা মখোয় মশাগী ওইবা মিৎয়েংশিং মখোয়না পুথোক্তুনা খন্নখি।

4. মখোয়না নাকল অনিগী মরীশিংগী মাইওনশিং অফবা মওংদা খল ওনখি অমসুং মালেমগী ফম্বাক্ত লৈবাক অনিগী থৌদাংশিং হেনগৎলক্লিবা অসি মমি তাহন্নবা মতৌ করম্না ভারত-চাইনাগী মরী চেৎশিনহনগদে হায়বা খন্নখি।

5. মালেমগী ফিবম অসি অমুক হন্না হোংদোক-হোংজিন তৌরক্লিবা অসিদা লুচিংবা অনিনা মখোয়গী মিৎয়েংশিং পুথোকখি। নিয়মদা য়ুম্ফম ওইবা মালেমগী কাংলোন অমগী মনুংদা লৈবাক খুদিংমক চাউখৎহন্দুনা হেন্না নুংঙাইবা অমসুং শান্তি লৈবা মালেম অমা শেমগৎনবা ভারত অমসুং চাইনা অপুনবা পান্দম অমদা থবক তৌমিন্ননবগী মিৎয়েং মখোয়না থমখি।

6. হৌজিক লৈরিবা মালেমগী ফিবম অসিদা ইংনা লৈনবগীদমক ভারত অমসুং চাইনা দরকার ওইরিবা অমসুং নাকল অনিনা মখোয়গী য়ানদবশিং ফজনা লোইশিনবা অমসুং য়ানদবা অমা হেক্ত ৱাথোক ওইহন্দবা হায়না ২০১৮গী এপ্রিলদা চাইনাগী ৱুহানদা পাংথোকখিবা অহানবা ইনফোর্মেল সমিৎতা য়ানখিবশিং মখোয়না অমুক নীংশিংখি।

7. ২১শুবা চহিচাগী নৌনা দরকার ওইবশিং য়েংদুনা অওনবশিং পায়খৎতুনা নিয়মদা য়ুমফম ওইবা অমসুং পুম্নমক কোনশিনবা মালেমগী কাংলোন অমা শেমগৎনবাগী অপাম্বা অদু ভারত অমসুং চাইনাগী লুচিংবশিংনা শকখঙখি। মালেম্না য়ানরিবা ললোন-ইতিক্কী থবকশিং অমসুং কাংলোনশিংগী মথক্ত অখন্নবা ৱাহং হংনরক্লবা মতমদা নিয়মদা য়ুমফম ওইবা মালেমগী লৈবাক খুদিংমক্কী ললোন-ইতিক্কী থৌরাং অমা শেমগৎপা অমসুং ফগৎহনবগী মরুওইবা অদু নাকল অনিনা য়ানখি। লৈবাক খুদিংমক কান্নবা ফংগদবা মনীংতম্বা অমসুং অপুনবা ললোন-ইতিক্কী থৌরাং অমা শেম্নবা ভারত অমসুং চাইনানা পুন্না থবক তৌমিন্নগনি।

8. অইং-অশাগী খল কাইরকপা অমসুং স্তেনেবল দিবেলপমেন্ত গোল য়াওনা মালেমগী চাউখৎ-থৌরাংগী শিংনরকপশিং থেংননবা মখোয় মখোয়গী লৈবাকশিংদা পায়খৎকদবা মরুওইবা থবকশিং লুচিংবা অনিনা খঙমিন্নখি। হিরম অসিগী মতাংদা মখোয়না লনাই ওইনা পায়খৎপা থবকশিং অদুনা মালেমগী লৈবাকশিংনা পান্দম ফংবদা মতেং পাংগনি হায়না মখোয়না তকশিনখি।

9. তেরোরিজম্না লেপ্তনা শিংনরকপা অসিদা লুচিংবা অনিনা নুংনাংবা ফোঙদোকখি। লৈবাকশিং অসি য়াম্না চাউবা অমসুং খেন্নবা কয়া লৈবনা, মালেম শীনবা থুংনা অমসুং মীচং-মীখাই নাইদবা মওংদা তেরোরিস্ত গ্রুপশিং ত্রেনিং পীবা, শেন্থং পীবা অমসুং শৌগৎপগী মায়োক্ত মালেমগী লৈবাকশিং লৈনবা কাংলোন মপাঙ্গল কনগৎহন্নবগী পুন্না থবক তৌমিন্ননবগী মরুওইবা অদু মখোয়না খঙখি।

10. থাক ৱাংলবা চৎন-লোনচৎশিং লৈবা হৌজিক্কী মতম অসিগী মরুওইবা সিবিলাইজেসনশিং ওইনা, লৈবাক অনিগী মরক্ত কলচরগী খঙমিন্নবা হেনগৎহন্নবা ৱারি শানবা হেনগৎহন্নবগী মরুওইবা অদু লুচিংবা অনিনা পুখৎখি। পুৱারীদা মরুওইবা সিবিলাইজেনশিং ওইনা, ৱারী শানবা হেনগৎহন্নবা অমসুং মালেমগী অতৈ মফমশিংদা লৈবাক অনিগী কলচরশিং অমসুং সিবিলাইজেসনশিং খঙহন্নবা পুন্না থবক তৌমিন্ননবা লুচিংবা অনিমক্না য়ানখি।

11. লমদম অসি নুংঙাই-য়াইফবা অমসুং তংদু-লৈতাবা পুরক্নবা মনীংতম্বা, অপুনবা অমসুং নুংঙাই-য়াইফবা অমসুং অতপ্পা ফিবম অমা লৈহন্নবা মখোয়না খন্নখি। নাকল অনিমক কান্নবা ফংনগদবা রিজনেল কমপ্রিহেন্সিব ইকোনোমিক পার্তনরসিপ অমা লৈহন্নবা ৱারী শানবা লোইশিন্নবা মরুওইবা অদু মখোয়না য়ানখি।

12. হৌখিবা চহি ২০০রোমদা সমুদ্রগী মরীশিং য়াওনা, ভারত অমসুং চাইনাগী মরক্ত ললোন-ইতিক অমসুং মীগা-মীগা শম্নবগী মরী অদু লুচিংবা অসিনা মখোয়গী ৱাখল্লোনশিং ফাওদোক্নখি। মসিগী মতাংদা, আজন্তা অমসুং দুনহুৱাং অনিগী মরী য়েংলগা মহাবলিপুরম অমসুং ফুজিয়ান প্রোবিন্সকী মরক্ত লৈনরিবা মরী থিজিন্নবা একাদেমী অমা লিংখৎনবা তামিল নাদু অমসুং ফুজিয়ান প্রোবিন্সকী মরক্ত মরী লৈনবা লুচিংবা অনিনা য়ানখি। লোয়ননা চহিচা কয়া চাইনা অমসুং ভারতকী মরক্তা সমুদ্রগী মরী লৈনরকপশিং রিসর্চ তৌগনি।

13. মখোয় মখোয়গী ইকোনোমীশিং চাউখৎহন্নবা মখোয়গী পান্দমশিং লুচিংবা অনিনা খন্নখি। ভারত অমসুং চাইনা মতম অমত্তদা চাউখৎপা অসি অমনা অমগী কান্নবনি হায়না মখোয়না য়ানখি। নাকল অনিনা মখা তানা অফবা অমসুং অরোনবা লৈতবা থৌওংশিং চৎথগনি অমসুং অমনা অমগী থৌশিলশিং থাগৎনবা হেনগৎহনগনি অমসুং মতেং পীনবা অমসুং মরূপ-মপাং ওইবা মখা তানা চৎথগনি। মসিগী মতাংদা, নাকল অনিমক্না কান্নবা ৱাফমশিংদা মচং ওইবা ৱাফমশিং পাউ ফাউনবা হেনগৎহনবা অমসুং অৱাংবা থাক্কী ৱারী শানবা মপুং ফানা পাংথোকপা হায়না য়ানখি।

14. লৈনরিবা মরীশিং অফবা মাইকৈদা পুরকপনা নাকল অনিগী মরীশিং অৱাংবা থাক্ত পুখৎকনি হায়না লুচিংবশিংনা মিৎয়েং থমখি। মসিগী থবক অসিদা লৈবাক অনিগী মীয়াম্না কন্না শৌগৎপা দরকার ওই হায়বা মখোয়না য়ানখি। মসিগী মতাংদা, ২০২০ অসি ভারত-চাইনা কলচরেল অমসুং মীগা মীগা চৎথোক-চৎশিন তৌনবগী চহি ওইনা লাউথোকপা লুচিংবা অনিনা য়ানখি অমসুং ভারত-চাইনা মরী লৈনরকপদগী চহি ৭০শুবা থৌরম ২০২০দা পাংথোক্তুনা লৈবাক অনিগী লেজিসলেজরশিং ,রাজনিতী দলশিং, কলচর অমসুং নহারোলগী লুপশিং অমসুং মিলিতরীশিংগী মরক্তা থাক খুদিংমক্ত পীথোক-পীশিন তৌনবা হেনগৎহনবা হায়না য়ানখি। লৈবাক অনিগী দিপ্লোমেতিক্কী মরী লৈনরকপগী চহি ৭০শুবগী থৌরমগী শরুক অমা ওইনা সিবিলাইজেসন অনি শম্নবগী পুৱারীগী খোঙ্গুল লিদুনা জহাজগী খোঙচৎ অমা মীফম অমা পাংথোকপা য়াওনা থৌরম ৭০ পাংথোক্কনি।

15. শেন-থুমগী মতেং পীনবা হেনগৎহন্নবা অৱাংবা থাক্কী ইকোনোমিক অমসুং ললোন-ইতিক্কী ৱারী শানবগী থৌরাং অমা শেমগৎপা হায়না লুচিংবা অনিনা য়ানখি। মেনুফেকচরিংগী মতেং পীনবগী খুৎথাংদা মশক খঙদোক্লবা সেক্তরশিংদা লৈবাক অমনা অমদা শেন থাদবা হায়না মখোয়না য়ানখি অমসুং অহানবা অৱাংবা থাক্কী ইকোনোমিক অমসুং ললোন-ইতিক্কী ৱারী শানবদা মসিগী ৱাখল্লোন অসি চাউথোকহন্নবা মখোয়গী ওফিসিয়েলশিংদা খঙহনখি।

16. ঙমখৈগী য়াওনা ৱাফম কয়া লুচিংবা অনিনা মখোয়গী ৱাখল্লোনশিং ফোংদোক্নখি। নাকল অনিনা ২০০৫দা য়ানখিবা রাজনিতীগী পেরামিতরশিং অমসুং প্রিন্সিপলশিংদা য়ুমফম ওইরগা নাকল অনিনা য়ানগদবা থবকশিং পাংথোক্নবা অখন্নবা মীহুৎশিংনা পায়খৎলিবা থবকশিং মখোয়না তরাম্না ওকখি। ঙমখৈদা শান্তি থম্নবা অমসুং মসিগী পান্দমদা অহেনবা থাজবা লৈহন্নবা থবকশিং মখা তানা নাকল অনিনা মখা তানা পায়খৎপা হায়না মখোয়না অমুক হন্না নীংশিংখি।

17. ‘ৱুহান স্পিরিত’ অমসুং ‘চেন্নাই কন্নেক’কী পরিংদা ইনফোর্মেল সমিৎশিংদগী ফংলিবা মহৈশিং অসিনা লুচিংবশিংগী থাক্ত অকুপ্পা ৱারী শানবা অমসুং অমনা অমবু মশক খঙবা হেনগৎহন্নবগী মরুওইবা খুদোংচাবা অমা পীরে হায়না প্রধান মন্ত্রী মোদী অমসুং রাস্ত্রপতি সিনা থাগৎখি। মসিগী থবক অসি মতুংদসু পাংথোকপা হায়না মখোয় অনি য়ানখি। ৩শুবা ইনফোর্মেল সমিৎকীদমক চাইনাদা লাক্নবা রাস্ত্রপতি সিনা প্রধান মন্ত্রী মোদীদা চেবাউ পীখি। প্রধান মন্ত্রী মোদীনা চেবাউ অদু য়াখি।