ভারতকী প্রধানমন্ত্রী

মমাংঙৈগী লায়য়েং কাংলোনগী লমদা মতেং পীননবা ভারত অমসুং সেন্ত ভিনসেন্ত অমসুং গ্রেনেদাইন্সকী মরক্তা মেমোরেন্দম ওফ অন্দরসতেন্দিং (এমওয়ু) অমা খুৎয়েক পীনখ্রবা মতুংদা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীখ্রে। ২০১৯গী সেপ্তেম্বর ১১দা নই দিল্লীদা এম.ও.য়ু. অদু খুৎয়েক পীনখিবনি।

কান্নবশিং:

এম.ও.য়ু. অদুনা মমাংঙৈগী লায়য়েং কাংলোনগী লমদা ভারত অমসুং সেন্ত ভিনসেন্ত অমসুং গ্রেনেদাইন্সকী মরক্তা মতেং পীননবা ঙাক্লৌ অমা পীগনি অমসুং হায়রিবা লম অসিদা নাকল অনিমক কান্নবা ফংলগনি। মসিনা সেন্ত ভিনসেন্ত অমসুং গ্রেনেদাইন্সদা মমাংঙৈগী লায়য়েং কাংলোন চাউখৎহনগনি অমসুং শন্দোক্কনি। এম.ও.য়ু. অদুদা পল্লিবা থবকশিং অদুনা সেন্ত ভিনসেন্ত অমসুং গ্রেনেদাইন্সদা আয়ুশ মেদিসিনগী মরুওইবা হেনগৎহনগনি। এম.ও.য়ু. অদুগী মখা তারকপা ওইনা, মমাংঙৈগী লায়য়েং কাংলোনগী লমদা থবক তৌরিবশিং অমসুং সাইন্তিস্তশিং পীথোক-পীশিন তৌনদুনা লম অসিদা অপুনবা রিসর্স পাংথোক্তুনা হিদাক পুথোকপদা অমসুং মহৌশাগী লায়য়েংগী থবক্তা অনৌবা কয়া পুথোক্কনি হায়না থাজবা থম্লি।