ভারতকী প্রধানমন্ত্রী

অহানবা মতমদা লৈখিবা চৎনবী অদুগী মখা তারকপা ওইনা, ঙসি প্রধান মন্ত্রী নরেন্দ্র মোদীনা জম্মু অমসুং কশ্মীরগী রাজৌরি জিলাদা লাইন ওফ কন্ত্রোলদা ভারতকী লান্মীশিংগা লোইননা দিৱালী কুম্মৈ পাংথোক্লি। জম্মু অমসুং কশ্মীরদা প্রধান মন্ত্রীনা লান্মীশিংগা লোইননা শেংলবা কুম্মৈ অসি পাংথোকপা হন্দক্কী অসিনা অহুমলকশুবনি।

প্রধান মন্ত্রীনা রাজৌরিদা ‘হোল ওফ ফেম’ য়েংখি অমসুং রাজৌরি অমসুং পুঞ্জ সেক্তরশিং ঙাকপদা থৱায় কৎখ্রবা থৌনা ফরবা লান্মীশিং অমসুং নাগরিকশিংদা ইকায়খুম্নবা উৎখি। মহাক্না হোল ওফ ফেম অসি ‘পরাক্রম ভুমী, প্রেরনা ভুমী, পাৱন ভুমী’ হায়না শিংথাখি।

তুংদা, প্রধান মন্ত্রীনা পাথানকোত এয়রবেজদা চৎতুনা ইন্দিয়ন এয়র ফোর্সকী লান্মীশিংগা উনখি।

লান্মীশিংদা ৱা ঙাংবদা প্রধান মন্ত্রীনা হায়খি, মী খুদিংমক লম লাপ্না চৎথোক-চৎশিন তৌদুনা মখোয়গী ইমুং-মনুংগা দিৱালী কুম্মৈ পাংথোক্লি অমসুং মতৌ অসিগুম্না প্রধান মন্ত্রীশু লাপ্না চৎতুনা মহাক্কী ইমুংগী মীওইশিং, আর্মদ ফোর্সশিংগী থৌনা ফরবা লান্মীশিংগা লোইননা দিৱালী পাংথোকলি।

প্রধান মন্ত্রীনা হায়খি ১৯৪৭গী ওক্তোবর ২৭দা আর্মদ ফোর্সশিংনা কৎথোকখিবা অদু ইনফেন্ত্রীগী নুমিৎ হায়না থৌরম পাংথোক্লি। ভারতকী লান্মীশিংগী থৌনা থাগৎলদুনা মহাকনা হায়খি পাংথোকপা ঙম্লোই হায়না খন্নবা থবকশিং কেন্দ্র সরকারগীদমক মখোয়না থবক ওইনা পাংথোকখি। লৈবাক অসি ঙাক্নবা ফোর্সশিং থৌনা ফনা মথৌ পাংথোক্লি। মখোয়গী থবকশিং অদুগীদমক লৈবাক মীয়ামগী মহুৎশিন্দুনা মহাক্না লান্মীশিংবু থাগৎখি।

প্রধান মন্ত্রীনা হায়খি মখোয়গী কৎথোকখিবশিং অদু ইকায়খুম্নবা উৎনবা লৈবাক্কী কোনুংদা অচৌবা নেস্নেল ৱার মেমোরিয়েল অমা সরকারনা শারে। নেস্নেল ৱার মেমোরিয়েল অসিদা লাকপা মীওইশিং মশিং হেনগৎলক্তুনা মীওই কয়ানা লান্মীশিংগী মফমদা ইকায়খুম্নবা উৎলি।

ভারতকী দিফেন্স ফোর্সশিং মপাঙ্গল কনখৎহন্নবা অমসুং মতমগা চুননা শেমগৎনবা সরকারনা পায়খৎলিবা থবকশিং প্রধান মন্ত্রীনা পনখি। মহাক্না হায়খি লান্মীশিংগী য়াইফনবা সরকারনা থবক কয়া পায়খৎলি।