ভারতকী প্রধানমন্ত্রী

দিপার্তমেন্ত ওফ পরসোনেল এন্দ ত্রেনিং অমসুং লাল বহাদুর শাস্ত্রী নেসনেল একাদেমী ওফ এদমিনিস্ত্রেসন, মুসোরিনা পুন্না শীন্দুনা গুজরাতকী কেবদিয়াদা ৯৪শুবা সিবিল সর্বিসেস ফাউন্দেসন কোর্সকী ওফিসার ত্রেনি ৪৩০গা প্রধান মন্ত্রী নরেন্দ্র মোদীগা ৱারী শানখি।

মখলগী অসিগী অহানবা চয়োল অমগী য়ুনিক কমপ্রেহেন্সিপ ফাউন্দেসন কোর্স–আরাম্ব(অহৌবা)গী মতাংদা প্রধান মন্ত্রীদা পাউদমখি। থৌরম অসিদা  ওফিসার ত্রেনিশিংনা হিরম মঙাদা হায়বদি এগ্রিকলচর, খুঙ্গং চাউখৎহনবা, হকশেলগী অওনবশিং অমসুং থৌশিল শেম্বা, খুঙ্গংগী অশীন–অরাংগী থবকশিং, সহর শেমগৎপা অমসুং তুংগী লাইরিক তম্বগী মতাংদা শন্দোক্না তাক্কনি।

ৱাল্দ বেঙ্কগী চেয়রমেন দেবিদ মালপাস, প্রধান মন্ত্রীগী প্রিন্সিপাল সেক্রেতরি, কেবিনেত সেক্রেতরি, অখঙ–অহৈশিং অমসুং ইন্সতিতুৎ ওফ ফিউচর অমসুং য়ুনিভর্সিতি ওফ দাইভরসিতিগী নৈন্নরোইশিংনা পুখৎলকপা ৱাফমশিংগী মতাংদা খন্নখিবা সেসনশিংগী প্রধান মন্ত্রীদা পাউদমখি।

ইন্দিয়ান সিবিল সর্বিসকী মপানি হায়না খন্নরিবা সরদার ভল্লবভাই পতেলগী মপোক নুমিৎ ওক্তোবর ৩১দা মসিগী কোর্স অসি পাংথোকপগীদমক প্রধান মন্ত্রীনা থাগৎখি।

মহাক্না হায়খি ইন্দিয়ান সিবিল সর্বিসতা সরদার পতেলগী লমন য়াম্না তোল্লি। স্তেচু ওফ য়ুনিতি লৈরিবা কেবদিয়াদগী লৈবাক্কী করিগুম্বা খর পাংথোক্নবা থৌনা অমসুং ইনোৎ ফংবা য়াই। ভারত অসি দোল্লর ত্রিল্লিয়ন ৫গী ইকোনোমি অমা লৈনবা ঐখোয় থবক পায়খৎলসি।

আরাম্ব ফাউন্দেসন কোর্স অসিনা লৈবাক ঙাকপদা অচৌবা অহোংবা অমা পুরকপা ঙমগদবা ইতোপ তোপ্পা তুংগী য়েংবা কোর্স অমনি হায়না প্রধান মন্ত্রীনা ফোংদোকখি।

“আরাম্ব কোর্স অসি লৈবাক্কী অমসুং তুংগী খনবা অমনি। মসিনা লৈবাক ঙাকপদা অহোংবা অমা পুরক্তুনা মীয়াম পাউ ফাওনদবা কোকহনগনি। মদুগী মহুত্ত মীয়াম পুন্না থবক পাংথোকমিন্নগনি”।

মহাক্না হায়খি ত্রেনিং চৎথরিবা ত্রেনিশিং মখোয়গী মীৎয়েং হোংহনগনি, করিগুম্বা মতমদা তরমিনোলোজি হোংবনা মখোয়গী মীৎয়েং হোংহনবদা মতেং পাংগনি।

“ঐখোয়গী মীৎয়েং হোংহনসি। মমাংদা মীয়াম্না চাউখৎত্রিবা জিলাশিং হায়নরম্মি। ঙসিদি ঐখোয়না চাউখৎনবা হোৎনরিবা জিলাশিং হায়রে। করিগী পোস্তিংশিং দন্দিগী পোস্তিং ওইগদৌরিবনো। মসি করিগী খুদোংচাবা ফংবা পোস্তিং ওইরোইদৌরিবনো”।

মখোয়গী অনৌবা ৱাখল্লোনশিংগীদমক ওফিসার ত্রেনিশিং থাগৎলদুনা প্রধান মন্ত্রীনা হায়খি মসিগী অখন্নবা কোর্স অসিনা পীরিবা মালেমদা খ্বাইদগী ফরবা থবকশিং অমসুং তেক্নোলোজিশিং অসিনা থৌশিল শেম্বা অমসুং লৈবাক ঙাকপদা মমাংদা লৈরিবা মখোয়গী শীনফম অসিদা কান্নবা পীরগনি।

মহাক্না হায়খি লৈবাক অসিদগী অমগা অমগা পাউ ফাওনদবা অমসুং অনেম-অৱাং নাইবা লৌথোক্কদবনি। অমগা অমগা পাউ ফাওনদবা অমসুং অনেম-অৱাং নাইবা লৈবনা ঐখোয়গী লৈঙাক অসিদা মতেং পাংদে। ঐখোয় ওইনিংবা ওইজসনু, ঐখোয় লৈবাক্কীদমক পুন্না থবক তৌমিন্নগদবনি।