ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা পোস্ত এন্দ তেলেগ্রাফস বিল্দিং ৱার্কস সর্বিস (পি. এন্দ তি.বি.দব্লিউ.এস.), গ্রুপ এগী কেদর রিভিয়ু পাংথোকপা অয়াবা পীরে।

দ্যুতী পোস্ত মশিং ১৫০দা লেপ্লে। অয়াবা পীবা অসিনা তেলিকম্যুনিকেসন অমসুং পোস্ত দিপার্তমেন্তশিংগী হেদ ওফিসশিং অমসুং ফিল্দ য়ুনিতশিংদা দরকার ওইবা কেদরশিং হেনগৎহনবা ঙম্লগনি। মসিনা হৌজিক পি. অমসুং তি.বি.দব্লিউ.এস. ওফিসরশিং অৱাৎপা লৈরিবা হন্থহনবা ঙম্লগনি। ৱারেপ অসিনা কেদরদা অনৌবা থবক লৌররোই অমসুং কেদরশিং তাঙ্কক ওইনা লৌথোক্লগনি।

নুংগী ৱারোল:

পোস্ত এন্দ তেলেগ্রাফস বিল্দিং ৱার্কস সর্বিস (পি. এন্দ তি.বি.দব্লিউ.এস.), গ্রুপ এ সর্বিস অসি ১৯৯০দা লিংখৎখিবনি। সর্বিস অসিদা সিবিল, ইলেক্ত্রিকেল অমসুং আর্কিতেকচর হায়না মশা অহুম লৈরি অমসুং তেলিকম্মুনিকেসন অমসুং পোস্ত দিপার্তমেন্তশিংদা শীজিন্নরি। য়ু.পি.এস.সি.না পাংথোকপা কম্বাইন ইঞ্জিনীয়রিং সর্বিসেস একজামিনেসনগী খুৎথাদা খনখিবা পি অমসুং তি.বি.দব্লিউ.এস. ওফিসরশিং অসি তেলিকম্যুনিকেসন দিপার্তমেন্ত, পোস্ত দিপার্তমেন্ত, দি.ও.তি.গী পি.এস.য়ু.শিং অমসুং দিপুতেসন্দা কেন্দ্রগী মন্ত্রালয়শিং, দিপার্তমেন্তশিং, ওতোনোমস বোদীশিং অমসুং রাজ্য সরকারশিংদা মেনেজমেন্ত অমসুং লৈঙাক্কী থবক পাংথোক্লি। সর্বিস অসি ১৯৯০দা লিংখৎপদগী হৌজিক ফাওবা কেদর রিভিয়ু পাংথোক্ত্রি অমসুং মতম শাংনা পন্দুনা লাক্লি।

বি.এস.এন.এল. শেম্বদগী তোঙান-তোঙানবা ওফিসরশিং বি.এস.এন.এল.দা লৌশিনখিবদগী থবক পাংথোকপদা অকায়বা লাকখি। দি.ও.তি.গী তেলিকোমগী থবকশিং অমসুং মথৌশিং বি.এস.এন.এল.দা শীন্নরবা মতুংদা, পি. অমসুং তি.বি.দব্লিউ.এস.তা দি.ও.তি.গী এসেতশিং য়েংশিন্নবা, অনৌবা প্রোজেক্তশিং পায়খৎনবা, সেন্ত্রেল ইলেক্ত্রিসিতী ওথোরিতী রিগুলেসন্স, ২০১০গী মতুংইন্না ইলেক্ত্রোমেকানিকেল ইন্সতোলেসনশিং য়েংশিনবা, সরকার অমসুং লনাই তেলিকোম সেক্তরশিংগী এ.এম.এফ. রেদিয়েসন য়েংশিনবা অমসুং তেলিকম্যুনিকেসন অমসুং পোস্ত দিপার্তমেন্তশিংগী ইনফ্রাস্ত্রকচর শেমগৎপগী থৌদাং লৌরি।

তেলিকম্যুনিকেসন অমসুং পোস্ত দিপার্তমেন্তশিংগী থৌদাং অমসুং পাংথোকফম থোকপা থবকশিং পাংথোক্নবা পি. অমসুং তি.বি.দব্লিউ.এস. ওফিসরশিংগী কেদর রিভিয়ু পাংথোকপা অসি অয়াবা পীখিবনি।

কেদর মশিং অসি হৌজিক লৈরিবা মশিং অসিদগী হেলহল্লোই অমসুং কেদর রিভিয়ু অসিদা সরকারনা অনৌবা শেন-থুমগী থাজবা পীরোই।