ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଔଦ୍ୟୋଗିକ ସମ୍ପର୍କ ସଂହିତା ବିଲ 2019କୁ ସଂସଦରେ ଉପସ୍ଥାପନ କରିବା ପ୍ରସ୍ତାବକୁ ମଞ୍ଜୁରି ପ୍ରଦାନ କରିଛନ୍ତି ।

ଲାଭ:

ଦୁଇ ସଦସ୍ୟ ବିଶିଷ୍ଟ ଟ୍ରିବ୍ୟୁନାଲ (ଜଣେ ସଦସ୍ୟଙ୍କ ସ୍ଥାନରେ) ଗଠନ ଜରିଆରେ ଏପରି ଏକ ଅବଧାରଣା ଆରମ୍ଭ କରାଯାଇଛି, ଯାହାଦ୍ୱାରା କେତେକ ଗୁରୁତ୍ଵପୂର୍ଣ୍ଣ ମାମଲାରେ ମିଳିତ ଭାବେ ବିଚାର କରାଯାଇ ରାୟ ଦିଆଯାଇପାରିବ । ଅବଶିଷ୍ଟ ମାମଲାରେ ଜଣେ ସଦସ୍ୟଙ୍କ ଦ୍ଵାରା ଶୁଣାଣି କରାଯାଇପାରିବ, ଫଳରେ ମାମଲାଗୁଡିକର ସମାଧାନ ଦ୍ରୁତ ଗତିରେ ହୋଇପାରିବ ।

• “ଏକ୍ଜିଟ” ବ୍ୟବସ୍ଥା (ଛଟେଇ ଆଦି ସହ ଜଡିତ)ରେ ନମନୀୟତା ଆସିବ, ଯାହାର ଅନ୍ତର୍ଗତ ସମ୍ପୃକ୍ତ ସରକାରଙ୍କ ଆଗୁଆ ମଞ୍ଜୁରି ଲାଗି ଆବଶ୍ୟକ ପ୍ରାରମ୍ଭିକ ସୀମାକୁ 100 କର୍ମଚାରୀଙ୍କ ସ୍ତରରେ ଯଥାନୁଯାୟୀ ରଖା ଯାଇଛି ।

• ରି-ସ୍କିଲିଙ୍ଗ ଫଣ୍ଡ, ଯାହାର ଉପଯୋଗ ଶ୍ରମଜୀବୀମାନଙ୍କୁ ଋଣ ଦେବା ଲାଗି କରାଯିବ, ତେବେ ଏହାର ପଦ୍ଧତି ପରବର୍ତ୍ତୀ ସମୟରେ ନିର୍ଦ୍ଧାରଣ କରାଯିବ ।

• ନିର୍ଦ୍ଧାରିତ ଅବଧିର ନିଯୁକ୍ତି ପରିଭାଷା, ଏହାର ଅନ୍ତର୍ଗତ କୌଣସି ନୋଟିସ ଅବଧି ନାହିଁ, ତଥା ଛଟେଇ ଲାଗି କ୍ଷତିପୂରଣ ପ୍ରଦାନ ମଧ୍ୟ ସାମିଲ ନାହିଁ ।

ଜୋରିମାନା ଆକାରରେ ପେନାଲ୍ଟି ସହ ଜଡିତ ବିବାଦ ଉପରେ ଶୁଣାଣି ଲାଗି ସରକାରୀ ଅଧିକାରୀମାନଙ୍କୁ କ୍ଷମତା ଦିଆଯିବ, ଫଳରେ ଟ୍ରିବ୍ୟୁନାଲର କାର୍ଯ୍ୟଭାର ହ୍ରାସ ପାଇବ ।

******