ভারতকী প্রধানমন্ত্রী

ঙসি রাস্ত্রাপতি ভাবন্দা লোইশিনখিবা ৫০শুবা রাজ্যপালশিংগী মীফমদা ঈশিং, লৌউ–শিংউ, অৱাংবা থাক্কী মহৈ তম্বা অমসুং হিংবদা লাইহনবগী মতাংদা ৱাফম কয়া খন্নখি।

রাজ্যপালশিংগী সব–গ্রুপ মঙানা মখোয়গী ওইবা পাউদমশিং পীশিনখি অমসুং রাজ্যপালশিংনা লৌবা য়াবা থৌদাংশিংগী মতাংদা খন্নখি। ত্রাইবেলশিংগী ফিবম ফগৎহন্নবা থৌরাং কয়া মীফম অদুদা খন্নখি।

কনফরেন্স অসিগী ৫০শুবা ইদিসন মাইপাক্না পাংথোকপদা পি এম মোদীনা থাগৎখি অমসুং মসিগী মীফম অসিনা লৈবাক্কী চাউখৎপা পুরকপা অমসুং মীচমশিংগী দরকার ওইবা ফংহনবা ঙমগনি হায়খি।

অহানবা নাগরিকশিং অমা ওইনা রাজ্যপালশিংনা মখোয়গী রাজ্যশিংগা চুনবা থবক কয়া পায়খৎনবা ৱাফমশিং খন্ননবা শরুক য়াবগীদমক থাগৎখি।

ত্রাইবেলশিংগী লমশিং চাউখৎহন্নবা তুনবা তেক্নোলোজী শীজিন্ননবা পি এম মোদীনা তকশিনখি। মরুওইনা লৈবাক ত্রাইবেলশিং নম্না খুন্দাবা জিলা ১১২ চাউখৎনবা মিসনগী থাক্ত থবক পায়খৎনবা মহাক্না তকশিনখি।

প্রধান মন্ত্রীনা রাজ্যপালশিংগী লোয়ননা জল জীবন মিসনগী মতাংদা খন্নখি অমসুং মীয়ামগী লমদম লমদমগা চুনবা ঈশিংগী থবকশিং পায়খৎনবা তকশিনখি। মখোয়না য়ুনিবর্সিতীশিংগী চাঞ্ছেল্লরশিং ওইনা থবক পুবা মরম্না মহৈরোইশিংদা ঈশিং লোকশিনবগী হৈনবী লৈহন্নবা পাউজেল পীনবা মহাক্না রাজ্যপালশিংদা তকশিনখি।

হেক্কাথোনশিং অমসুং স্তার্ত–অপ কলচরশিং শীজিন্নদুনা য়ুনিবর্সিতীশিংনা মগুন লৈবা রিসর্সকী থবক পায়খৎনবা মহাক্না অৱাংবা থাক্কী লাইরিক তম্বগী মতাংদা পনখি।

হিংবদা লাইহনবগী মতাংদা প্রধান মন্ত্রীনা হায়খি, অনা–লায়েং অমসুং লাইরিক তম্বা অসি অহোংবা মমলদা মীচম মীয়ামদা ফংহন্নবা থবক পায়খৎকদবনি।

লৌউ–শিংউগী লমদা এগ্রিকলচরেল য়ুনিবর্সিতীশিংনা অচৌবা থৌদাং অমা লৌদুনা খ্বাইদগী ফবা লৌউ–পথাপশিং হৌদোক্নবা মহাক্না রাজ্যপালশিংদা তকশিনখি।

মীফম লোইশিনবা থৌরম অদুদা রাস্ত্রাপতি, উপ–রাস্ত্রাপতি অমসুং হোম মিনিস্তরশু ৱা ঙাংখি।