ভারতকী প্রধানমন্ত্রী

ঙসি ভারত-জাপান ফোরেন অমসুং দিফেন্স মিনিস্তরশিংগী মীফম (২+২) পাংথোকখ্রে। ২০১৮গী ওক্তোবরদা জাপান্দা পাংথোকখিবা ১৩শুবা ভারত-জাপান চহিগী মীফমদা নাকল অনি সেক্যুরিতী অমসুং দিফেন্সকী লমদা মতেং পীনবা হেনগৎহন্নবা ফোরেন অমসুং দিফেন্স মিনিস্তরশিংগী ৱারী শানবা ইন্সতিত্যুৎ অমা লিংখৎনবা প্রধান মন্ত্রী শ্রী নরেন্দ্র মোদী অমসুং জাপানগী প্রধান মন্ত্রী সিনজো অবেনা ৱারেপ লৌখিবগী মতুং ইন্না মসিগী মীফম অসি পাংথোকপনি।

২+২গীদমক ভারতকী মীহুৎ কাংবু অদু দিফেন্স মিনিস্তর রাজনাথ সিংহ অমসুং এক্সতরনেল এফেয়ার্স মিনিস্তর এস জায়সংকরনা লুচিংখি অদুগা জাপানগী মীহুৎ কাংবু অদুনা ফোরেন এফেয়ার্স মিনিস্তর তোসিমিত সুমোতেগী অমসুং দিফেন্স মিনিস্তর তারোকোনোনা লুচিংখি।

২+২গী মীফম অসিনা ‘ইন্দিয়া-জাপান স্পিসিয়েল স্ত্রাতেজিক এন্দ গ্লোবেল পার্তনরসিপ’ হেন্না ফগৎহন্নবা ভারত অমসুং জাপানগী মরক্ত দিফেন্স অমসুং সেক্যুরিতীগী মতেং পীনবা হেনগৎহন্নবা নাকল অনিনা হৌজিক লৈরিবা ফিবম অমুক হন্না য়েংশিন্নবগী খুদোং চাবা অমা পীরে।

ভারতকী ‘এক্ত ইস্ত পোলিসী’ অমসুং জাপানগী ‘ফ্রি এন্দ ওপন ইন্দো-পেসিফিক ভিজন’গী মখাদা ইন্দো-পেসিফিক লমদমগী ওইরিবা ফিবম নাকল অনিনা অমুক হন্না খন্নখি অমসুং লৈবাক অনিগী মীয়ামগী অমসুং লমদম অসিগী তুংগী ফিবম ফগৎনবা শান্তি, নুংঙাই য়াইফবা অমসুং চাউখৎপা পুরক্নবগী মখোয়গী পান্দম অদু খন্নখি।