Search

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

মন্ত্রীমন্দলনা হীরোইশিংগী কোম্পেতেন্সীগী সর্তিফিকেৎশিংগী নাকল অমগী ওইবা/নাকল অনীগী ওইবা রিকোগনিসনগীদমক মীরমগী লৈবাকশিংগা লোয়ননা য়ানা ৱারোল অয়াবা পীখ্রে


প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা হীরোইশিংগীদমক ত্রেনিং, সর্তিফিকেসন অমসুং ৱাচকীপিং (এস.তি.সি.দবল্যু.), ১৯৭৮দা ইন্তরনেস্নেল কনভেন্সন ওন স্তেন্দর্দকী রেগুলেসন ১/১০গী তুংইন্না সর্তিফিকেতকী নাকল অমগী ওইবা/নাকল অনীগী ওইবা রিকোগনিসনগীদমক য়ানা ৱারোল অয়াবা পীখ্রে। য়ানা ৱারোল অসি শিপ্পিগী মিনিস্তর ইন চার্জ অমসুং এক্সতর্নেল এফিয়ার্সকী মিনিস্তরগী এপ্রুবেলগা লোয়ননা ভারত সরকারগী দাইরেক্তোরেত জেনরেল ওফ শিপ্পিং অমসুং মীরম লৈবাকশিংদা লৈরিবা মসিগী কাউন্তরপার্তশিংগা লোয়ননা খুৎয়েক পীনগনি।

কানবশিং

নাকল অমত্তগী ওইবা য়ানা ৱারোলনা ভারতকী হীরোইশিংদা শিপ্পিগী দাইরেক্তোরেত জেনরেলনা ইশু তৌবা সর্তিফিকেতশিংবু অতোপ্পা লৈবাকশিংদগী নাকল অমগী ওইবা রিকোগনিসন ফংবা লাইথোকহল্লগনি।

মসিনা ভারতকী হীরোইশিং এমপ্লোইমেন্তগীদমক লৈবাক অদুগী ফিরালগী মখাদা জহাজশিং তোংবা ঙম্লগনি, মতৌ অসুম্না এমপ্লোইমেন্তকী খুদোংচাবসু হেঙ্গৎহল্লগনি। প্রপোজ তৌরিবা নাকল অনিগী ওইবা য়ানা ৱারোলনা ভারত অমসুং য়ানা ৱারোল পীনরিবা অতোপ্পা লৈবাক অদুগা, এস.তি.সি.দবল্যু. কনভেন্সনগী রেগুলেসন ১/১০গী প্রোভিজনগা লোয়ননা মশা-মশাগী লৈবাকশিংগী হীরোইশিংবু নাকল অনিমক্না রিকোগনাইজ তৌরবা মেরিতাইম এদজুকেস অমসুং ত্রেনিং, কম্পেতেন্সীগী সর্তিফিকেত, এন্দোর্সমেন্ত, ত্রেনিংগী দোকুমেন্তরী ইভিদেন্স অমসুং মেদিকেল ফিৎনেস সর্তিফিকেতশিং পীবা ঙমহল্লগনি।
নাকল অনিগী ওইবা য়ানা ৱারোল অসিনা লৈবাক অনিমক্কী হীরোইশিংবু নাকল অমা হেক্তগী হিশিংদা রিকোগনাইজ তৌরবা সর্তিফিকেতশিংদা য়ুমফম ওইরগা থবক ফংবা ঙম্লগনি। খ্বাইদগী য়াম্লবা ত্রেন তৌরবা হীরোইশিংগা লোয়ননা হীরোই সপ্লাই তৌরিবা লৈবাক অমা ওইরিবা ভারতনা মসিদগী কানবা ফংলগনি।