ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মহারাস্ত্রগী বাধবন্দা অনৌবা মরুওইবা হিথাংফম অমা শেমগৎনবা অয়াবা পীখ্রে।
প্রোজেক্ত অসিগী অপুনবা শেনফম অসি লুপা কোতি ৬৫,৫৪৪.৫৪ ওইরবা য়াই।
বাধবন হিথাংফম অসি “লেন্দ লোর্দ মোদেল”দা দিবেলপ তৌগনি। প্রোজেক্ত অসি হৌদোক্নবগীদমক চাদা ৫০গা মানবা নত্রগা হেনবা ইক্বিইতী পার্তিসিপেসনগা লোয়ননা মকোকথোংবা পার্তনর ওইনা জৱাহরলাল নেহরু পোর্ত ত্রস্ত (জে.এন.পি.তি.)গা লোয়ননা স্পিসিয়েল পর্পজ ভেহিকল (এস.পি.ভি.) অমা শেমগনি। স্পিসিয়েল পর্পজ ভেহিকলনা রিক্লেমেসন, ব্রেকৱাতরগী কন্সত্রক্সন, সমুদ্রগী তোর্বান্দা লৈবা লমদমদা কনেক্তিবিতী হৌদোকপা য়াওনা পোর্ত ইনফ্রাস্ত্রকচর দিবেলপ তৌগনি। বিজিনেস এক্তিবিতী পুম্নমক প্রাইবেত দিবেলপরশিংনা পি.পি.পি. মোদেলগী মখাদা পায়খৎকনি।
ভারতকী খ্বাইদগী চাউবা কন্তেনর হিথাংফম ওইরিবা জৱাহরলাল নেহরু পোর্ত অসি তি.ই.য়ু.এস. (ত্বেন্তী-ফীৎ ইক্যুবেলেন্ত য়ুনিতস) মিলিয়ন ৫.১গী ত্রাফিক্কা লোয়ননা মালেমদা ২৮শুবা মফমদা লৈরি। ২০২৩ ফাওবদা তি.ই.য়ু.এস. মিলিয়ন ১০ ফাওবগী কেপাসিতী হেঙ্গৎহনবগা লোয়ননা জৱাহরলাল নেহরু পোর্ততা ৪শুবা তর্মিনেল শাবা লোইশিল্লবা মতুং ফাওবা মসি মালেমদা খ্বাইদগী চাউবা ১৭শুবা কন্তেনর পোর্ত ওইগনি। বাধবন হিথাংফমগী দিবেলপমেন্তকা লোয়ননা ভারত মালেমদা মকোকথোংবা কন্তেনর পোর্ত ১০গী মনুংচনবা লৈবাক ওইরগনি।
ভারতকী খ্বাইদগী চাউবা কন্তেনর পোর্ত জে.এন.পি.তি. মহারাস্ত্রদা লৈরি মদুনা মহারাস্ত্র, নোর্থ কর্নাতকা, তেলঙ্গনাগী সমুদ্র নত্রগা তুরেলগী তোর্বান্দা লৈবা লমশিং অমসুং গুজরাত, মধ্য প্রদেশ, রাজস্থান, এন.সি.আর., পঞ্জাব অমসুং উত্তর প্রদেশকী মরুওইবা সমুদ্র নত্রগা তুরেলগী তোর্বান্দা লৈবা লমশিংদা অচা-অথক হুল্লি। মালেমদা লৈরিবা খ্বাইদগী চাউবা কন্তেনর জহাজশিং চংবা য়াগদবা অমসুং দীপ দ্রাফ পোর্ত অমা মথৌ তারি। লৈবাক অসিগী খ্বাইদগী চাউবা কন্তেনর হেন্দলিং পোর্ত অনি জে.এন.পি.তি. অমসুং মুনদ্রাগী মথংশিৎনা ১৫ মীতর অমসুং ১৬ মীতরগ দ্রাফ লৈরি, অদুবু মালেমগী খ্বাইদগী চাউবা কন্তেনর হেন্দলিং মোদর্ন দীপ দ্রাফ পোর্তশিংনা ১৮ মীতরদগী ২০ মীতর ফাওবগী দ্রাফ অমা দরকার ওইরি। বাধবন হিথাংফম অসি তোর্বানগা নক্ননা মীতর ২০গী মহৌশাগী দ্রাফ অমা লৈরি। বাধবন হিথাংফম দিবেলপ তৌনবা ১৬,০০০-২৫,০০০ তি.ই.য়ু.এস. কেপাসিতীগী কন্তেনর ভেসেলশিং কৌবা ঙমহল্লগনি।
কন্তেনর জহাজশিংগী সাইজ লেপ্পা লৈতনা হেঙ্গৎলকপনা মরম ওইদুনা ভারতকী ৱেস্ত কোস্ততা দীপ দ্রাফ কন্তেনর পোর্ত অমা দিবেলপ তৌবা অসি য়াম্না দরকার ওইরি। ভেল্যু এদেদ মেনুফেকচরিং সেক্তর মার্কেতশিংদা কার্গোগী কন্তেনরাইজেসন হেঙ্গৎলকপনা মেনুফেকচরিং এক্তিবিতী লাইথোকহন্নবা ভেল্যু এদেদ ইম্পোর্ত অমসুং এক্সপোর্ত হেন্দল তৌনবগীদমক ঐখোয়গী পোর্ত ইনফ্রাস্ত্রকচর শেম শাবা মরু ওই। ২০২২-২৫ ফাওবদা জে.এন.পি.তি. সমুদ্র নত্রগা তুরেলগী তোর্বান্দা লৈবা লমশিংদা কন্তেনর ত্রাফিক অসি হৌজিক্কী এম.তি.ই.য়ু.এস. ৪.৫ অসিদগী এম.তি.ই.য়ু.এস. ১০.১দা হেঙ্গৎলগনি হায়না থাজবা থম্লি।
