ভারতকী প্রধানমন্ত্রী

ফম্বাকথক্তা লেংশিনবীরিবা ওরিশাগী মুখ্যমন্ত্রী শ্রী নবীন পতনায়কজী, কেন্দ্র মন্ত্রীমন্দলদা ঐহাক্কী মরূপ শ্রী ধর্মেন্দ্র প্রধানজী, শ্রী কিরন রিজিজুজী, ওরিশা সরকারদা মন্ত্রী ওইবীরিবা শ্রী অরুন কুমার সাহুজী, শ্রী তুশারকান্তি বেহেরাজী অমসুং লৈবাক্কী মফম পুম্নমক্তগী লাক্লিবা নহা মরূপশিং!!

ঐহাক অদোমগা লোয়ননা তেক্নোলোজীগী থোংদা শম্নরি, অদুবু মফম অদুগী অকোয়বগী ফিভম, থৱায় য়াউরিবা অদু, ইনর্জী অদু ঐঙোন্দা ফাওরি।

ঙসি ওরিশাদা অনৌবা ইতিহাস শেম্লে। ভারতকী পুৱারীদা অহানবা খেলো ইন্দিয়া য়ুনিবর্সিতী গেম্স ঙসিদগী হৌরি।
মসি ভারতকী শান্ন-খোৎনবগী পুৱারীদা পুৱারী ওইরবা খোংথাং ওইবতা নত্তনা ভারতকী শান্ন-খোৎনবগী তুংগীদমকসু য়াম্না চাউবা খোংথাং অমনি।

অসিগুম্লবা থাক্তা য়ুনিবর্সিতী গেম্স পাংথোকপা মালেমগী অদুগুম্লবা লৈবাকশিংগী লীগতা ঙসি ভারত য়াওরে।

ওরিশাগী প্রজা অমসুং মফম অদুগী সরকারবু শিল্লি-লাংলিবা অসিগীদমক অদুগা লৈবাক্কী মফম পুম্নমক্তগী লাক্লিবা নহা শান্নরোই লিশিং ৩ হেনববু গেম্স অসিগীদমক হন্না-হন্না নুঙাইবা ফোংদোকচরি অমসুং য়াইফ পাউজেল পীজরি।

মরূপশিং,

লাক্কদৌরিবা নুমীৎশিংদা পান্দম ২০০দগী হেনবা গোল্দ মেদল লৌগদৌরিবনি, মদুদগীসু হেন্না মরু ওইরিবদি অদোম্না অদোমগী পর্ফোমেন্সতা ইমপ্রুবমেন্ত, অদোমগী ইশামক্কী থৌনাবু অনৌবা অৱাংবা থাক অমা পীবনি।

ভুবনেশ্বরদা অমনা অমগা কম্পিৎতি তৌরগনি, ইশামকপুসু কম্পিৎ তৌরি।

নিংশিংবিয়ু, ভুবনেশ্বরদা অদোম্না হোৎনরিবা অদুা অদোমগী মংলানবু, অদোমগী ইমুং মনুংগী মংলানবু অমসুং ভারতকী মংলানবু মাংলোমদা পুখৎলগনি।

অদোমগী মাংদা থৌরম অসিগী তোর্চ পুদুনা চৎলিবা দুতী চন্দজী গুম্বা শক্নাইরবা কয়া অমা য়াওরি। অদোম মেদলসু লৌগনি অমদি লৈবাক অসিবু ফিৎনেসকীদমক পুক্নিংসু থৌগৎকনি, ৱাখল্লোন অসিগা লোয়ননা ফিল্দদা থোকপীয়ু।

মরূপশিং,

ঙসিগী নুমীৎ অসি তুর্নামেন্ত অমা হৌবা খক্তা নত্তে, ভারততা শান্ন-খোৎনবগী অন্দলোনগী মথংগী ফেজ হৌরকপনি।
খেলো ইন্দিয়া কেম্পেন্না লৈবাক অসিগী কাচিন-কোয়া খুদিংদা শান্ন-খোৎনবদা পুক্নিং চিংশিনবা অমসুং য়ুথ তেলেন্ত খংদোকপদা মরুওইবা থৌদাং লৌরি।

স্কুল চৎলিবা অঙাংশিংগীদমক পাংথোক্লিবা নেস্ননৱাইদ কেম্পেন অসিবু হৌজিক থাক অমা হেঙ্গৎহন্দুনা য়ুনিবর্সিতীগী থাক্তা হৌদোক্লে।

খেলো ইন্দিয়া কেম্পেন্দগী লৈবাক অসিদা করি অহোংবা লাক্লে হায়বদু গুৱাহাতিদা হৌখিবা থাদা উবা ফংখ্রে।

মরূপশিং,

চহী ২০১৮দা খেলো ইন্দিয়া গেম্স হৌদোকখিবা অদুদা শান্নরোই ৩৫০০না শরুক য়াখি। অদুবু চহী অহুমদা শান্নরোইশিংগী মশিং লিশিং ৬তগী হেনখ্রে, হায়বদি চাউরাক্না শরুক অনি।

শুপ্নতগী মশিং হেঙ্গৎপদা নত্তনা শান্ন-খোৎনবা অমসুং শান্নরোইশিংগী থাক, শান্ন-খোৎনবগী ইনফ্রাস্ত্রকচরগী থাকসু লেপ্পা লৈতনা ফগৎলক্লি। চহী অসিগী খেলো ইন্দিয়া স্কুল গেম্সতা রেকোর্দ ৮০ থুগায়খি, মদুদা রেকোর্দ ৫৬তি ঐখোয়গী ইচানুপীশিংগী মিংদা লৈরি।

মরুওইবা ৱাফমদি মসিমসুনি মদুদি কেম্পেন অসিগী মখাদা মথক্তা লাক্লিবা শক্তমশিং অদু খুঙ্গংশিংগীনি, অপিকপা শহরশিংগীনি, লাইরবা ইমুংশিংগীনি, তায়র-৩, তায়র-৪ শহরশিংগীনি।

মসি অদুগুম্লবা তেলেন্ত অদুনি মদুনা কৈদৌনুংদা রিসোর্স ৱাৎপনা মরম ওইদুনা, এক্সপোজর ৱাৎপনা মরম ওইদুনা মাংলোমদা চংশিনবা ঙমলমদবশিংনি।

মসি রিসোর্স ৱাৎপনা মরম ওইদুনা, এক্সপোজর ৱাৎপনা মরম ওইদুনা কৈদৌনুংদা মাংলোমদা চংশিনবা ঙমলমদবা তেলেন্ত অদুনি।

হৌজিক তেলেন্ত অসিনা রিসোর্সসু ফংলে অমদি নহা ওইনা জাতিগী থাক্তা এক্সপোজরসু ফংলে।

মরূপশিং,

হৌখিবা চহী ৫-৬তগী ভারত্তা স্পোর্তসকী প্রমোসন অমসুং পার্তিসিপেসনগীদমক পুকচেল শেংনা হোৎনরি। তেলেন্ত খংদোকপা ওইগেরা, ত্রেনিং ওইগেরা, নত্রগা সেলেক্সন প্রোসেস ওইগেরা, মায়কৈ খুদিং ত্রান্সপরেন্সী প্রমোৎ তৌরি। মসিগী মহৈ ইন্তরনেস্নেল বাউতশিংদা ভারতকী পর্ফোমেন্স অদুসু উবা ফংলি।

খেলো ইন্দিয়া কেম্পেনদি য়ং তেলেন্তকী আইদেন্তিফিকেসনগী অচৌবা উপায় ওইরি। মসিদা খনগৎলবা নহা শান্নরোইশিংবু চহী খুদিংগী চাউরাক্না লুপা লাখ তরুক লিশিং কুনমঙা ফাওবগী মতেং পীরি। মসিদসু নত্তনা মখোয়বু লৈবাক অসিগী একাদেমী ১০০ হেনবদা ত্রেনিংপীরি। হৌজিক ফাওবদা অসিগুম্লবা শান্নরোই চাউরাক্না লিশিং ৩ খনগৎখ্রে। ইকুই কুইদ্রিঙৈ মমাংদা খেলো ইন্দিয়া মোবাইল এপ্লিকেসন অমসু হৌদোকখ্রে।

মতৌ অসুম্না ওলেম্পিক পোদিয়ম স্কিমগী মখাদা লৈবাক অসিগী তেলেন্ত লৈরবা শান্নরোইশিংবু অৱাংবা থাক্কী বাউতকীদমক থৌরাং তৌরি। স্কিম অমসিগী মখাদা হৌজিক লৈবাক অসিগী মকোকথোংবা এথেলেৎ চাউরাক্না ১০০বু তেংবাংলি।

মরূপশিং,

মখোয় অদু তোকিয়ো ওলেম্পিক্তা শরুক য়াবগী ওইথোকপা য়ারবা শান্নরোইশিংনি। স্কিম অসিগী কানবা ফংলবা শান্নরোইশিংনা কমনৱেল্থ গেম্স, এসিয়ান গেম্স, এসিয়ান পেরা গেম্স, য়ুথ ওলেম্পিক অসিনচিংবশিংদা ২০০দগী হেনবা মেদল লৈবাক অসিদা ফংহল্লে। মসিদা নত্তনা মেরিতোরিয়স স্পোর্তসপর্সন্সকীদমক পুন্সী চুপ্পা পেন্সন ফংহন্নবা থৌরাংসু তৌরে।

মরূপশিং,

শান্নরোইনা মহাক্কী পুক্নিং অদু মশাগী বেস্ত পর্ফোমেন্সতা থমগদবনি, মখাতাবা চিন্তাদি লৈবাক অসিনা তৌরি। হোৎনরিবা অসি লাইরিক তম্বগা লোয়ননা শান্ন-খোৎনবসু মাংলোদা পুখৎপা অমসুং ফিৎনেসপুসু অৱাংবা থাক্তা পুখৎপনি। ঐখোয়গী নহা ওইরিবা শান্নরোইশিং মখল খুদিংমক্কী করিয়ারগীদমক ফিৎ ওইহন্নবগীদমক নেস্নেল স্পোর্তস য়ুনিবর্সিতীগুম্বা ইন্সতিত্যুৎ শেমগৎলি।

মরূপশিং,

লৈবাক অসিগী নহাশিংগী ফিৎনেস ওইগেরা নত্রগা ইন্তরনেস্নেল স্পোর্তসতা ভারতকী অৱাংবা থাক ওইগেরা, মসিগীদমক ঐখোয়না থৌনা পুম্নমক্কা লোয়ননা হোৎনগদবনি।

হৌজিক ঐহাক্না অহানবা খেলো ইন্দিয়া য়ুনিবর্সিতী গেম্স হৌদোক্লে হায়না লাউথোকচরি।

অদোম্বু অমুক হন্না য়াইফ পাউজেল পীজরি।

শ্রীমান নবীনজীবু, ওরিশা সরকারবু, অসুক য়াম্না চাউখ্রবা থৌরম কোকথক্তা থাংগৎপগীদমক থমোই শেংনা থাগৎপা ফোংদোকচরি, তৌবিমল খংবা উৎচরি অমদি জগন্নাথকী মীংখৈ শোন্দুনা, জগন্নাথকী থৌজালগা লোয়ননা ঐখোয় মালেম অসি থোইনবগীদমক থোরক্লি, মসি ময়াম পুম্নমক্কী মফমদা ঐহাক্কী য়াইফ পাউজেলনি।

হন্না-হন্না থাগৎচরি।