ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা পব্লিক সেক্তর বেঙ্ক তরাবু মরিদা মেগা কন্সোলিদেসন তৌবগী অয়াবা পীখ্রে, তিন্নশনগদৌরিবা অদুদি- 

(অ)  ওরিয়েন্তেল বেঙ্ক ওফ কম্মর্স অমসুং য়ুনাইতেদ বেঙ্ক ওফ ইন্দিয়াবু পঞ্জাব নেস্নেল বেঙ্কতা তিন্নশনবা

(আ)  সীন্দিকেৎ বেঙ্কপু কানারা বেঙ্কতা তিন্নশনবা

(ই) অন্ধ্র বেঙ্ক অমসুং কোর্পোরেসন বেঙ্কপু য়ুনিয়ন বেঙ্ক ওফ ইন্দিয়াদা তিন্নশনবা

(ঈ) এলাহাবাদ বেঙ্কপু ইন্দিয়ান বেঙ্কতা তিন্নশনবা

তিন্নশনবা অসি ১.৪.২০২০দগী চৎনগনি অমসুং মসিগী মহৈ ওইনা লুপা কোতি লাখ নিপাল হেনবগী বিজিনেস অমা লৈবা তিন্নশল্লবা খুদিংমক্কা লোয়ননা অচৌবা পব্লিক সেক্তর বেঙ্ক তরেৎ শেম্বা ঙমহল্ললগনি। চাউনা তিন্নশনবা অসিনা ভারত অমসুং মালেমদা গ্লোবেল বেঙ্কশিংদা স্কেল কম্পেরেবলগা লোয়ননা বেঙ্কশিং শেমগৎপদা মতেং পাংগনি। তিন্নশনবা অসিগী থোংদা অহেনবা স্কেলদা কোস্ত বেনিফিৎশিং ফংহল্লগনি মদুনা পব্লিক সেক্তর বেঙ্কশিং ইন্দিয়ান বেঙ্কিং সিস্তেমদা মখোয়গী কম্পিতিতিবনেস অমসুং পোজিতিব ওইবা ইম্পেক্ত হেঙ্গৎহনবা ঙমহল্লগনি।

মসিগী মথক্তা তিন্নশনবা অসিনা বেঙ্কশিং অসিদা অচৌবা থাক্কী লেন্দিংদা তেংবাংগা লোয়ননা গ্রেতর ফাইনান্সিয়েল কেপাসিতীগী থোংদা কম্পিতিতিব ওপরেসনবুসু পুক্নিং থৌগৎলগনি। তিন্নশল্লবা বেঙ্ক পুম্নমক্তা খ্বাইদগী ফবা প্রেক্তিসশিং এদোপ্ত তৌবনা বেঙ্কশিংদা মখোয়গী কোস্ত ইফিসেন্সী অমসুং রিস্ক মেনেজমেন্ত ফগৎলক্লগনি অমদি হেন্না পাক চাউনা য়ৌশিনবগী থোংদা ফাইনান্সিয়েল ইনক্লুজনগী পান্দমসু ইনোৎ পীরগনি।

তিন্নশল্লবা বেঙ্ক পুম্নমক্তা তেক্নোলোজীশিং এদোপ্ত তৌবনা হেন্না পাক চাউবা তেলেন্ত পুল অমা অমসুং হেন্না চাউবা দাতাবেজ অমা ফংহনবগা লোয়ননা পব্লিক সেক্তর বেঙ্কশিংনা লেপ্পা লৈতনা দিজিতেলাইজ তৌরক্লিবা বেঙ্কিং লেন্দস্কেপ অমদা লিবরেজিং এনালাইতিক্না কম্পিতিতিবকী খুদোংচাবা ফংনবা ফিভম অমদা লৈরগনি।