ପିଏମଇଣ୍ଡିଆ

ମହାମହିମ ଏନରିକ ପେନା ନିଏତୋ

ଶ୍ରଦ୍ଧେୟ ବନ୍ଧୁଗଣ,

ମୁଚାସ ଗ୍ରାସିଆସ, ସେନର ପ୍ରେସିଡେଣ୍ଟେ !

ରାଷ୍ଟ୍ରପତି ମହୋଦୟ ଆପଣଙ୍କ ହାର୍ଦ୍ଦିକ ସ୍ୱାଗତ ପାଇଁ ଅଶେଷ ଧନ୍ୟବାଦ ।

ମୋ ପ୍ରତି ଆପଣ ଖୁବ ସୁନ୍ଦର ଆତିଥ୍ୟ ଦେଇଥିବାରୁ ମୁଁ ଆପଣଙ୍କ ନିକଟରେ କୃତଜ୍ଞ । ପ୍ରଧାନମନ୍ତ୍ରୀ ହେବାପରେ ଆପଣଙ୍କର ପ୍ରସିଦ୍ଧ ଦେଶକୁ ଏହା ମୋର ପ୍ରଥମ ଗସ୍ତ । ଜଣେ ସାଧାରଣ ଭାରତୀୟ ଭାବେ ନବେ ଦଶକରେ ମୁଁ ଆପଣଙ୍କ ଦେଶକୁ ଆସିଥିଲି ଏବଂ ସେତେବେଳେ ଆପଣଙ୍କ ଦେଶର ସାଂସ୍କୃତିକ ସମୃଦ୍ଧିର ଅନୁଭବ କରିଥିଲି । ବିଗତ ଦୁଇ ବର୍ଷ ମଧ୍ୟରେ ଏହା ହେଉଛି ଆମର ତୃତୀୟ ସାକ୍ଷାତ । ଆପଣଙ୍କ ସହିତ ଆଲୋଚନାଗୁଡିକ ଗଭୀର ଭାବେ ଉତ୍ସାହପ୍ରଦ ହୋଇଥାଏ । ମୁଁ ବାସ୍ତବରେ ରାଷ୍ଟ୍ରପତି ମହୋଦୟଙ୍କର ବନ୍ଧୁତ୍ୱକୁ ଅତି ଗୁରୁତ୍ୱ ପ୍ରଦାନ କରେ ।

ବନ୍ଧୁଗଣ,

ମେକ୍ସିକୋ ହେଉଛି ପ୍ରଥମ ଲାଟିନ ଆମେରିକା ଦେଶ ଯିଏକି ଭାରତର ଚିହ୍ନଟ କରିଥିଲା । ସେବେଠାରୁ ଆମର ସମସ୍ତ ଦ୍ୱିପକ୍ଷୀୟ ବନ୍ଧୁତ୍ୱରେ ଦୃତ ବିକାଶ ହୋଇଛି । ୨୦୦୭ ମସିହାରେ ବିଶେଷ ଭାଗିଦାରୀରେ ବନ୍ଧୁତ୍ୱ ସ୍ଥାପନ କରିଥିଲୁ । ଆଜି ଆମ ଆଲୋଚନାରେ ଦ୍ୱିପକ୍ଷୀୟ ବନ୍ଧୁତ୍ୱ, ଦୁଇ ଦେଶର ପାରସ୍ପରିକ ବିଶ୍ୱିକ ସମସ୍ୟା ଉପରେ ରାଷ୍ଟ୍ରପତି ଏବଂ ମୁଁ ଆଲୋଚନା କରିଥିଲୁ । ଦ୍ୱିପକ୍ଷୀୟ ବନ୍ଧୁତ୍ୱକୁ ଆହୁରି ସୁଦୃଢ କରିବାକୁ ଏକ ରୋଡମ୍ୟାପ ପ୍ରସ୍ତୁତ କରାଯିବ ବୋଲି ଆମେ ସହମତି ଜଣାଇଛୁ ।

ବନ୍ଧୁଗଣ,

ବାଣିଜ୍ୟ ଏବଂ ପୁଞ୍ଜି ନିବେଶ ଆମ ବନ୍ଧୁତ୍ୱର ଗୁରୁତ୍ୱପୂର୍ଣ୍ଣ ଚାଳକ । ମେକ୍ସିକୋ ଭାରତର ଶକ୍ତି ସୁରକ୍ଷା ପାଇଁ ଏକ ଗୁରୁତ୍ୱପୂର୍ଣ୍ଣ ଅଂଶୀଦାର । ଏବେ ଆମେ କେବଳ କ୍ରେତା-ବିକ୍ରେତା ସମ୍ପର୍କର ଉର୍ଦ୍ଧ୍ଵରେ ଏକ ଦୀର୍ଘକାଳୀନ ଭାଗୀଦାରୀ ପାଇଁ ଆଗ୍ରହୀ । ସୂଚନା ପ୍ରଯୁକ୍ତି ସେବା, ଶକ୍ତି, ଫାର୍ମାସ୍ୟୁଟିକାଲ ଏବଂ ମୋଟର ବାହନ ଉଦ୍ୟୋଗଗୁଡିକ ଆମର ବାଣିଜ୍ୟିକ ସମ୍ପର୍କର ମୁଖ୍ୟ ବିକାଶ କ୍ଷେତ୍ରଗୁଡିକ ମଧ୍ୟରୁ ଅନ୍ୟତମ । ବାଣିଜ୍ୟିକ, ପୁଞ୍ଜି ନିବେଶ ଏବଂ ନୂତନ କ୍ଷେତ୍ରରେ ବିଜ୍ଞାନ ଏବଂ କାରିଗରୀ କୌଶଳ ଭାଗୀଦାରୀକୁ ବିସ୍ତୃତ କରିବାର ପ୍ରଚ୍ଛନ୍ନ କ୍ଷମତା ରହିଛି । ଏହି ପରିପ୍ରେକ୍ଷୀରେ ରାଷ୍ଟ୍ରପତି ଏବଂ ମୁଁ ଅନ୍ତରୀକ୍ଷ ବିଜ୍ଞାନ ଏବଂ ପ୍ରଯୁକ୍ତି କୌଶଳ କ୍ଷେତ୍ରରେ ସହଯୋଗକୁ ଆହୁରି ସମୃଦ୍ଧ କରିବା ପାଇଁ ସହମତି ଜଣାଇଛୁ । କୃଷି ଅନୁସନ୍ଧାନ, ଜୈବ ପ୍ରଦ୍ୟୋଗିକି, ବର୍ଜ୍ୟବସ୍ତୁ ପରିଚାଳନା, ବିପର୍ଯ୍ୟୟ ଚେତାବନୀ ଏବଂ ପ୍ରବନ୍ଧନ ଏବଂ ସୌର ଶକ୍ତିକୁ ପ୍ରାଥମିକତା ଦିଆଯିବ । ଅନ୍ତର୍ରାଷ୍ଟ୍ରୀୟ ସୌର ଚୁକ୍ତି ପାଇଁ ଭାରତକୁ ସମର୍ଥନ କରିଥିବାରୁ ମୁଁ ରାଷ୍ଟ୍ରପତି ପେନା ନିଏତୋଙ୍କୁ ଅଶେଷ ଧନ୍ୟବାଦ ଜ୍ଞାପନ କରୁଛି । ଏହା ବିଶେଷ ଭାବେ ବିକାଶଶୀଳ ଏବଂ ବିକାଶଶୀଳ ଛୋଟ ଦ୍ୱୀପ ଦେଶଗୁଡିକ ପାଇଁ ସୌର ପ୍ରଯୁକ୍ତି କୌଶଳ ବିଶ୍ୱିକ କାନଭାସରେ ପରିବର୍ତ୍ତନ ଆଣିବ ।

ବନ୍ଧୁଗଣ,

ରାଷ୍ଟ୍ରପତି ଏବଂ ମୁଁ ଏହି ଦଶନ୍ଧିର ଆହ୍ୱାନ ଏବଂ ସୁଯୋଗଗୁଡିକର ଚିହ୍ନଟ କରିସାରିଛୁ । ଆମେ ଅନୁଭବ କରୁଛୁ ଯେ ଅନ୍ତର୍ରାଷ୍ଟ୍ରୀୟ ସ୍ତରର ସମସ୍ୟା ଉପରେ ଆମର ଏକାଭିମୁଖତା ରହିଛି । ଏନଏସଜିରେ ଭାରତର ସଦସ୍ୟତାକୁ ସକାରାତ୍ମକ ଏବଂ ରଚନାତ୍ମକ ସମର୍ଥନ ଦେଇଥିବାରୁ ମୁଁ ରାଷ୍ଟ୍ରପତି ପେନା ନିଏତୋଙ୍କୁ ଧନ୍ୟବାଦ ଜ୍ଞାପନ କରୁଛି ।

ମହାମାନ୍ୟ,

ମୁଁ ଆପଣଙ୍କଠାରେ ଏହି ଦେଶର ସଂସ୍କାର ଏବଂ ଏହାର ଭାଗ୍ୟ ଦେଖୁଛି । ମୁଁ ମଧ୍ୟ ଭାରତର ଅର୍ଥନୈତିକ ଏବଂ ପ୍ରଶାସନିକ ଢାଞ୍ଚାରେ ସଂସ୍କାର ଆଣିବା ଦିଗରେ ଅଧିକ ଧ୍ୟାନ ଦେଉଛି । ଏହା ଏଭଳି ଏକ କ୍ଷେତ୍ର ଅଟେ ଯେଉଁଠି ଶ୍ରେଷ୍ଠ କାର୍ଯ୍ୟ ପଦ୍ଧତି ଆଦାନ ପ୍ରଦାନ ଦୁଇ ଦେଶର ସମାଜ ପାଇଁ ହିତକର ହେବ । ବନ୍ଧୁଗଣ, ‘ଇନ ଲାଇଟ ଅଫ ଇଣ୍ଡିଆ’ ପୁସ୍ତକରେ ମହାନ ଲେଖକ ଅକ୍ଟୋଭିଓ ପାଜ ଲେଖିଛନ୍ତି ଯେ ‘ମୁଁ ବୁଝିପାରେ ଯେ ଭାରତୀୟ ହେବାର ମର୍ଯ୍ୟାଦା କଣ, କାରଣ ମୁଁ ହେଉଛି ଜଣେ ମେକ୍ସିକାନ’ । ମୋର ବିଶ୍ୱାସ ଯେ ଆମର ଦ୍ୱିପକ୍ଷୀୟ ବନ୍ଧୁତ୍ୱକୁ ସୁଦୃଢ କରିବାରେ ଆମେ ସଫଳ ହୋଇଛୁ ଯାହା ଆଗକୁ ଆହୁରି ଅନେକ ସଫଳତା ଆଣିଦେବ । ଏହା ମୋ ପାଇଁ ଏକ ଆନନ୍ଦଦାୟକ ଗସ୍ତ ଥିଲା । ମହାମାନ୍ୟ, ଆପଣଙ୍କ ଆତିଥ୍ୟ ଏବଂ ସୌହାର୍ଦ୍ଦ୍ୟପୂର୍ଣ୍ଣ ସ୍ୱାଗତ ପାଇଁ ମୁଁ ପୁଣି ଥରେ ଆପଣମାନଙ୍କୁ ଧନ୍ୟବାଦ ଜଣାଉଛି । ମୁଁ ଅତିଶୀଘ୍ର ଭାରତରେ ଆପଣଙ୍କୁ, ରାଷ୍ଟ୍ରପତି ମହୋଦୟଙ୍କୁ ସ୍ୱାଗତ କରିବାର ସୁଯୋଗ ପାଇବି ବୋଲି ଆଶା କରୁଛି ।

ଧନ୍ୟବାଦ,

ଅନେକ ଅନେକ ଧନ୍ୟବାଦ ।