ବୟନ ଶିଳ୍ପ ଏବଂ ପୋଷାକ ପ୍ରସ୍ତୁତି କ୍ଷେତ୍ରରେ ଅଧିକ ନିଯୁକ୍ତି ସୁଯୋଗ ସୃଷ୍ଟି ଏବଂ ରପ୍ତାନୀ ବୃଦ୍ଧି ନିମନ୍ତେ ସ୍ୱତନ୍ତ୍ର ପ୍ୟାକେଜ ପ୍ରଦାନ ପ୍ରସ୍ତାବକୁ କେନ୍ଦ୍ର କେବିନେଟ ମଞ୍ଜୁରି ପ୍ରଦାନ କରିଛନ୍ତି । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବୁଧବାର ଦିନ ଅନୁଷ୍ଠିତ ବୈଠକରେ ଏହି ପ୍ରସ୍ତାବକୁ ଅନୁମୋଦନ ମିଳିଛି ।
ସରକାର ନିକଟରେ ଘୋଷଣା କରିଥିବା ସଂସ୍କାର ପେକେଜ ପୃଷ୍ଠ ଭୂମିରେ ଏଭଳି ପଦକ୍ଷେପ ଗ୍ରହଣ କରିଛନ୍ତି । ଏହାଫଳରେ ବୟନ ଓ ପୋଷାକ ପ୍ରସ୍ତୁତି ଉଦ୍ୟୋଗ କ୍ଷେତ୍ରରେ ଆଗାମୀ ତିନି ବର୍ଷ ମଧ୍ୟରେ ଏକ କୋଟି ନିଯୁକ୍ତି ସୁଯୋଗ ସୃଷ୍ଟି କରାଯିବ । ଏହି ପେକେଜରେ ଶ୍ରମ ଅନୁକୂଳ ଏବଂ ନିଯୁକ୍ତି ସୁଯୋଗ ସୃଷ୍ଟିକାରୀ ଅନେକଗୁଡିଏ ନୂଆ ପଦକ୍ଷେପ ଗ୍ରହଣ କରାଯାଇଛି । ଏହାଦ୍ୱାରା 30 ବିଲିୟନ ଡଲାର ମୂଲ୍ୟର କପଡା ଓ ପୋଷାକ ବିଦେଶକୁ ରପ୍ତାନୀ ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି । ତିନି ବର୍ଷରେ ସରକାର ଏହି କ୍ଷେତ୍ରରେ 74 ହଜାର କୋଟି ଟଙ୍କା ବିନିଯୋଗ କରିବେ । ପୋଷାକ ପ୍ରସ୍ତୁତି କ୍ଷେତ୍ରରେ ଅଧିକ ମହିଳାଙ୍କୁ ନିଯୁକ୍ତି ସୁଯୋଗ ମିଳିପାରିବ । ସେମାନଙ୍କ ମାତ୍ରା ମୋଟ ଶ୍ରମ ଶକ୍ତିର 70 ପ୍ରତିଶତ ହେବ ବୋଲି ଆଶା କରାଯାଉଛି । ମହିଳା ସଶକ୍ତିକରଣ ଦିଗରେ ଏହା ଏକ ଯୁଗାନ୍ତକାରୀ ସାମାଜିକ ପରିବର୍ତନ ହେବ ବୋଲି ବିଶ୍ୱାସ କରାଯାଏ ।
ସରକାର ଏହି କ୍ରମରେ ଯେଉଁ ପେକେଜ ଘୋଷଣା କରିଛନ୍ତି ସେଥିରେ :
• କର୍ମଚାରୀ ଭବିଷ୍ୟନିଧି ପାଣ୍ଠି ଯୋଜନାରେ ସଂସ୍କାର ଘଟାଯିବ,
• ଓଭର ଟାଇମ ସୀମାକୁ ବୃଦ୍ଧି କରାଯିବ,
• ନିର୍ଦ୍ଧାରିତ ଅବଧିଭିତିକ ନିଯୁକ୍ତି ବ୍ୟବସ୍ଥାର ପ୍ରବର୍ତନ,
• ଏଟିୟୁଏଫଏସ ଅଧିନରେ ଅତିରିକ୍ତ ପ୍ରୋତ୍ସାହନ ରାଶି ପ୍ରଦାନ,
• ବର୍ଦ୍ଧିତ ଡ୍ୟୁଟି ଜନିତ ଦୋଷ ତୃଟି ସାମିଲ ଏବଂ
• ଆୟକର ଆଇନର ସେକ୍ସନ 80 ଜେଜେଏଏ ର ପରିସର ବୃଦ୍ଧି
Special package approved by the Cabinet today pertaining to textile & apparel sector will boost youth employment, manufacturing & exports.
— Narendra Modi (@narendramodi) June 22, 2016
Farmers have a very strong link with the textile sector. The package will further lead to value addition of agro products & help farmers.
— Narendra Modi (@narendramodi) June 22, 2016
The package is labour friendly & women will greatly benefit from it. It is a step for #TransformingIndia. https://t.co/rGF9BClFEw
— Narendra Modi (@narendramodi) June 22, 2016