ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দল মীফমদা ফাইনান্স এক্ত, ২০০৭কী সেক্সন ১৩৬-বি.গী মখাদা হেল্থ অমসুং এজুকেসন সেসতগী কারকপা শেনফমশিংদগী হেল্থকী ওইনা কারকপা শরুক অদুনা সিঙ্গল নন-লেপসেবল রিজর্ব ফন্দ ওইনা থমদুনা প্রধান মন্ত্রী স্বাস্থ্যিা সুরক্ষা নিধি (পি.এম.এস.এস.এন.) শেম্বদা অয়াবা পীখ্রে।
পি.এম.এস.এস.এন.গী মরু ওইবা মশক-মওংশিং
কান্নবশিং:
তোখাইনা রিসোর্সশিং থম্বদুনা য়ুনিভর্সেল অমসুং অহোংবা হেল্থ কিয়র ফংবা হেনগৎহনবগা লোইননা নাকল অমরোমদা শেনবা চহি লোইরকপদা শেনফম অসি শিজিন্নহৌদবা তৌদনবা হোৎনগনি।
হৌরকফম:
অফবা চাউখৎ-থৌরাংগী কান্নবশিং ফংনবা হোৎনবদা হেল্থ মরু ওই। শেন্মীৎলোনগী ওইবা ৱাখল্লোনগী মতুং ইন্না হেল্থ হেন্না ফগৎহনবনা প্রদক্তিবিতী হেনগৎহল্লি অমসুং মনুং মতম চাদনা শীবা, মতম শাংনা হকচাংগী ফীভম শোইনাইদুনা লৈবা অমসুং ঙন্না থবক্তগী পোত্থবনা মরম ওইদুনা অমাং-অতা থোকপা হন্থহল্লি। হেল্থ অমসুং ন্যুত্রিসন্না মহৈ-মশিংগী ওইবা কান্নবশিংদা হকথেংননা শাফু পীরি অমসুং প্রদক্তিবিতী অমদি শেন্থোক্তা কান্নবা পীরি। হেল্থকী কান্নবশিংনা হেল্থতা সরকারনা চাদিং তৌবগী মখা চাউনা পোল্লি। পোপ্যুলেসন লাইফ এক্সপেক্তেন্সী চহি অমা হেন্না শাংদোকপা জি.দি.পি. পর কেপিতা ৪% হেনগৎহল্লি, হেন্না চাউথোকপসু মথৌ তারিবা হেল্থ ৱার্কফোর্সশিংগী খুত্থাংদা হেল্থতা ইনবেস্তমেন্ত তৌবনা থবক কয়া পীগনি মরু ওইনা নুপীশিংদা চাউনা থবক পীগনি।
২০১৮গী বজেৎ স্পীচতা শেনথুম মন্ত্রীনা আয়ুশ্মান ভারত স্কীম লাউথোকপদা এজুকেসন সেসকী লৈরিবা ৩% অদু হেল্থ অমসুং এজুকেসন সেসকী ৪%না মহুৎ শিল্লগনি হায়নসু লাউথোকখি।
***************
