ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা চেয়র লৌবা কেন্দ্রগী মন্ত্রীমন্দলনা তানা চহি মঙাগী হায়বদি ০১.০৪.২০২১ দগী ৩১.০৩.২০২৬ ফাওবা অপুনবা শেনফম লুপা কোতি ৯০০০গী মনুংদা কেন্দ্রনা পীবা লুপা কোতি ৫৩৫৭ ওইগদবা মসিদা লুপা কোতি ৫০ অমা জস্তিস দেলিবেরী অমসুং লিগেল রিফোর্মসকীদমক নেস্নেল মিসনগী মখাদা মিসন মোদ অমদা গ্রাম ন্যায়ালাস স্কীম ওইগদবা জুদিসিএরিগী ওইবা ইনফ্রাস্ত্রকচর ফেসিলিতীগী চাওখৎ থৌরাংগীদমক পীবা  সেন্ত্রেল্লী স্পোন্সর স্কীম (সি.এস.এস.) চৎথনবগী অয়াবা পীখ্রে।

কোর্ত কয়া অমা হৌজিকসু ভারা শানবা য়াম্না পীকপা মফমশিংদা লৈরি অমসুং খর অমনা মচাক অমত্তা য়াওদনা য়াম্না ফত্তবা ফিভমদা লৈরি। লৈনবা মফম মতিক চাদবা মরমনা জুদিসিএল ওফিসরশিংগী মথৌদা অকায়বা কয়া অমা ওইরি। হৌজিক লৈরিবা সরকার অসিনা মতম চানা ৱায়েল চৎথবা য়ানবা মচাক নিংথিনা লৈরবা জুদিসিএল ইনফ্রাস্ত্রকচর অমা পীনবা হোৎনরি। জুদিসিএল ইনফ্রাস্ত্রকচর মতিক চানা থম্বা অসি কোর্তকী কেসশিং পন্দুনা লৈবা অমসুং অথিংবা কয়া অমা হন্থনবদা য়াম্না মরু ওই।

হায়রিবা প্রোপোজেল অসিনা দিস্ত্রীক্ত অমসুং সবওর্দিনেৎ কোর্তশিংগী জুদিসিএল ওফিসরশিংগীদমক কোর্ত হোল ৩৮০০ অমসুং রেসিদেন্সিএল য়ুনিৎ ৪০০০ (অনৌবা অমসুং হৌজিক চৎথরিবা প্রোজেক্তশিং য়াওনা), লোয়র হোল ১৪৫০, তোইলেত কম্প্লেক্স ১৪৫০ অমসুং দিজিতেল কম্প্যুতর কা ৩৮০০ শাগৎপদা মতেং ওইগনি। হায়রিবা অসিনা লৈবাক অসিদা জুদিসিএলগী থবকশিং নিংথিনা তৌবদা মতেং ওইরগনি অমসুং অনৌবা ভারতকী হেন্না ফবা কোর্তশিং শেম্বদা অনৌবা খোঙথাং অমা ওইরগনি। 

মন্ত্রীমন্দলনা চহি ৫গী অপুনবা শেনফম লুপা কোতি ৫০ চংগদবা নন-রিকরিং গ্রান্তদা প্রুব তৌদুনা গ্রাম ন্যায়ালায়াসতা শৌগৎনবগী ফিরেপ্তা অয়াবা পীখ্রে। অদুম ওইনমক ফন্দ অসি রাজ্যদা শকখংলবা  গ্রাম ন্যায়ালায়াসনা মথৌ তৌরবা অমসুং ন্যায়ালায়াসকারীশিং থবক পীরবা অমসুং জস্তিস দিপার্তমেন্তদা রিপোর্ত পীরবা মতমদা কাইগনি। চহি অমগী মতুংদা গ্রাম ন্যায়ালায়াস স্কীম অসি পীখিবা মতমদা মায় পাক্না পাংথোকপরা হায়বা রিভ্যু অমা তৌগনি।

স্কীম অসিগী মরুওইবা থবকশিং:

জুদিসিএরীগী ইনফ্রাস্ত্রকচর ফেসিলিতী চাওখৎনবা সেন্ত্রেল্লী স্পোন্সর স্কীম (সি.এস.এস.) অমা ১৯৯৩-৯৪দগী চৎথরক্লি। জুদিসিএল ইনফ্রাস্ত্রকচর মতিক চানা থম্বা অসি কোর্তকী কেসশিং পন্দুনা লৈবা অমসুং অথিংবা কয়া অমা হন্থনবদা য়াম্না মরু ওই। অদুবু ইনফ্রাস্ত্রকচর চাওখৎনবা সি.এস.এস.কী খুত্থাংদা রাজ্য সরকার অমসুং কেন্দ্র সরকারনা অমুক হন্না শেম্লি। হৌজিক পীরিবা প্রোপোজেল অসিনা অহেনবা থবকশিং মদুদি লোয়র হোল, তোইলেত কম্প্লেক্স অমসুং দিজিতেল কম্প্যুতর কানি। মসিনা দিজিতেল দিবাইদ হন্থহনবতা নত্তনা লোয়র অমসুং লিতিগেন্তশিংদা খুদোংচাবা হেনগৎহল্লি।  

২০১৪দগী স্কীম অসি হৌরকখিবদগী, কেন্দ্র সরকারনা রাজ্য সরকার/য়ুনিয়ন তেরিতোরীদা চহি ২০ অসিদা লুপা কোতি ৩৪৪৪ খক্তা পীখি। মসিগী য়াম্না খেন্নবা মওংদা হৌজিক লৈরিবা সরকার অসিনা চহি তরেৎ অসিদা লুপা কোতি ৫২০০ চাওরাক্না ৬০% কাইখ্রে।

গ্রাম ন্যায়ালায়াস এক্ত, ২০০৮ অসি ভারতকী খুঙ্গংগী মফমশিংদা জস্তিসকী সিস্তেমশিং অসি য়াম্না থুনা অমসুং লায়না চৎথবা য়ানবা ২০০৯গী ওক্তোবরগী ২দা লিংখৎখিবনি। মরক অসিদা কেন্দ্রনা মতেং তৌবা স্কীম অমা গ্রাম ন্যায়ালায়াসশিংদা অমুক্তং ওইনা লুপা লাখ ১৮.০০ কোর্তশিং লিংখৎনবা শেমখি। কেন্দ্র সরকারনসু  অহানবা চহি অহুম (৩) লুপা লাখ ৩.২ অমা ৫০% ওইনা পুনবা ৱারেপ লৌখি। রাজ্য ১৩দা স্কীম অসি গ্রাম ন্যায়ালায়াস ৪৫৫গী মনুংদা ২২৬ মথৌ তৌরবা খঙদোক্লগা হাপ্লি। সি.এস.এস. স্কীম অসি হৌদোরকপদগী লুপা কোতি ৮১.৫৩গী শেনফম কাইখ্রে।

২০২১দগী ২০২৬ ফাওবা স্কীম অসি হাপ্পা

মখাদা পীরিবা এক্তিবিতীশিং অসি ০১.০৪.২০২১দগী ৩১.০৩.২০২৬ ফাওবদা অপুনবা শেনফম লুপা কোতি ৯০০০, মসিগী মনুংদা কেন্দ্রনা অয়াবা পীদুনা কায়বা লুপা কোতি ৫৩৫৭ গ্রাম ন্যায়ালায়াস স্কীমগীদমক ৫০% হাপ্লি।

1. লুপা কোতি ৪৫০০ চাদিং তৌদুনা দিস্ত্রীক্ত খুদিংদা জুদিসিএল ওফিসর (জে.ও.)গী রেসিদেন্সিএল য়ুনিৎ ৪০০০ অমসুং কোর্ত হোল ৩৮০০ অমসুং দিস্ত্রীক্ত খুদিংদা সবওর্দিনেৎ কোর্ত অমসুং সবওর্দিনেৎ কোর্ত শাগৎপা।
2. লুপা কোতি ৭০০ চাদিং তৌদুনা দিস্ত্রীক্ত খুদিংদা অমসুং সবওর্দিনেৎ কোর্ত লোয়র হোল ১৪৫০ শাগৎপা।
3. লুপা কোতি ৪৭ চাদিং তৌদুনা দিস্ত্রীক্ত খুদিংদা অমসুং সবওর্দিনেৎ কোর্ত তোইলেত কম্প্লেক্স ১৪৫০ শাগৎপা।
4. লুপা কোতি ৬০ চাদিং তৌদুনা দিস্ত্রীক্ত খুদিংদা অমসুং সবওর্দিনেৎ কোর্ততা দিজিতেল কম্প্যুতর কা ৩৮০০ শাগৎপা।
5. লুপা কোতি ৭০০ চাদিং তৌদুনা গ্রাম ন্যায়ালায়াস হাপখ্রবা রাজ্যশিং মথৌ তৌহনবা।

স্কীমশিং য়েংশিনবা

1. জস্তিস দিপার্তমেন্তনা দেতা নিংথিনা খোমজিনবা ঙম্বা, কোর্ত হোল লোইশিনবা ঙম্বা অমসুং রেসিদেনসিএল য়ুনিৎশিং শাগৎলিবশিংগীদমক য়েংশিন্নবী ওন-লাইন মোনিতরিং সিস্তেম অমা লিংখৎলে।

2. আই.এস.আর.ও.গী তেক্নিকেল মতেং ওইবা ওন-লাইন মোনিতরিং সিস্তেম অমা জস্তিস দিপার্তমেন্তনা শেমগৎলে। অপগ্রেদ তৌরবা “ন্যায়া বিকাস- ২.০”ৱেব পোর্তেল অমসুং মোবাইল এপ্লিকেসন অসিনা সি.এস.এস. জুদিসিএল ইনফ্রাস্ত্রকচর প্রোজেক্তকী ফিজিকেল ওইবা অমসুং শেলগী ওইবশিং য়েংশিনবদা শিজিন্নৈ। রাজ্য/য়ু.তি. পুম্বা অমসুং হায় কোর্তকী মীহুৎশিংনা প্রোজেক্ত অসিগী ফিভম য়েংশিন্নবা ক্বাতর ওইনা রিভ্যু মীফম পাংথোকই।

3. মোনিতরিং কমিতী অসিনা হায় কোর্ত্তা, রাজ্যদা রাজ্যগী চীফ সেক্রেতরীশিং অমসুং পি.দবল্যু.দি. ওফিসএলশিংগা য়াম্না অথুবা মতমদা অমসুং নিংথিনা শাগৎনবা তৎতনা রাজ্যগী থাক্তা মীফম পাংথোকই।

4. গ্রাম ন্যায়ালায়া পোর্তেলনা গ্রাম ন্যায়ালায়া হাপখ্রবা রাজ্যশিংনা ওনলাইন্দা থবকশিং অসি য়েংশিল্লি।

স্কীমগী কান্নবশিং

সি.এস.এস. স্কীম অসিনা লৈবাক শিনবা থুংনা দিস্ত্রীক্ত খুদিং অমসুং সবওর্দিনেৎ কোর্তকী জদজ/জুদিসিএল ওফিসরশিংদা মচাক নিংথিনা লৈরবা কোর্ত হোল অমসুং রেসিদেন্সিএল লৈফম হেনগৎহল্লি। কোর্তশিং অসিদা হেন্না ফবা মচাকশিং পীদুনা অমগা-অমগী কান্নবা ফিভম ওইহন্দুনা লোয়র অমসুং মীচম প্রজাদা কোম্না লৈবা ফংহল্লি। দিজিতেল কম্প্যুতর কা অমা লিংখৎপা অসিনা দিজিতেলগী মথৌ হেন্না ফগৎহল্লি অমসুং দিজিতাইজেসনগী খোঙথাংদা অহেনবা মথৌ পীদুনা ইন্দিয়া দিজিতেল ইন্দিয়া ভিজনগী শরুক অমা ওইনা ফংবা ঙম্মী। মসিনা জুদিসিএরীগী মপুং ফাবা মথৌ পাংথোকপদা মতেং পাংই। গ্রাম ন্যায়ালায়া তেংবাং লেপ্তনা পীবা অসিনা মীচম প্রজাদা মখোয়গী থোংজিন পাওবা য়াম্না থুবা, ওইথোকপা য়াবা জস্তিস পীবা ঙম্মী।   

*****