നിങ്ങളുടെ (പ്രധാനമന്ത്രി മോദി) നേതൃത്വത്തിൽ ഇന്ത്യ ലോകത്തിന് ഒരു സഹായഹസ്തം നീട്ടിയിരിക്കുന്നു. പക്ഷേ, നിങ്ങളുടെ കാരുണ്യത്തിന്റെയും മനുഷ്യസ്‌നേഹത്തിന്റെയും ഏറ്റവും വലിയ തെളിവ് വാക്സിൻ സംരംഭത്തിലൂടെയാണ് ലഭിച്ചത്. നാല് വർഷങ്ങൾക്ക് മുമ്പ്, COVID-19 മഹാമാരി ലോകത്തെ മുഴുവൻ പിടികൂടിയപ്പോൾ, മറ്റ് ചില രാജ്യങ്ങൾ മെഡിക്കൽ സാമഗ്രികൾ ശേഖരിച്ചുവെച്ചപ്പോൾ, ട്രിനിഡാഡ്, ടൊബാഗോ ഉൾപ്പെടെയുള്ള ഏറ്റവും ചെറിയ രാജ്യങ്ങളിൽ പോലും വാക്സിനുകളും മറ്റ് അവശ്യവസ്തുക്കളും എത്തുന്നുണ്ടെന്ന് നിങ്ങൾ ഉറപ്പാക്കി. ഭയത്തിന്റെ അന്തരീക്ഷത്തിൽ നിങ്ങളുടെ ഔദാര്യം പ്രത്യാശയും സമാധാനവും പരത്തി. ഞാന്‍ വീണ്ടും പറയുന്നു, ഇത് വെറും നയതന്ത്രമായിരുന്നില്ല. അത് സാഹോദര്യത്തിന്റെയും പങ്കുവെച്ച മനുഷ്യത്വത്തിന്റെയും പ്രവൃത്തിയായിരുന്നു.