കേന്ദ്ര ബജറ്റ് പോസിറ്റീവും സ്വാഗതാർഹവുമാണ്. കേന്ദ്ര സർക്കാരിന്റെ ഈ ബജറ്റ് പുരോഗമനപരവും ഭാവിയെ ലക്ഷ്യമാക്കിയുള്ളതുമാണ്. രാജ്യത്തിന്റെ വികസനത്തിന്റെ വേഗത കൂടുതൽ വർദ്ധിപ്പിക്കുന്നതിന് കേന്ദ്ര ഗവൺമെന്റ് നിരവധി നടപടികൾ ഈ ബജറ്റിലൂടെ സ്വീകരിച്ചിട്ടുണ്ട്. ബജറ്റിൽ ബീഹാറിനായി നടത്തിയ പ്രഖ്യാപനങ്ങൾ ബീഹാറിന്റെ വികസനത്തിന് കൂടുതൽ പ്രചോദനം നൽകും. മഖാനയുടെ ഉത്പാദനം, സംസ്കരണം, മൂല്യവർദ്ധനവ്, വിപണനം എന്നിവ മെച്ചപ്പെടുത്തുന്നതിനായി സംസ്ഥാനത്ത് ഒരു മഖാന ബോർഡ് സ്ഥാപിക്കുന്നത് മഖാന കർഷകർക്ക് ഗുണം ചെയ്യും. സംസ്ഥാനത്തിന്റെ ഭാവി ആവശ്യങ്ങൾ നിറവേറ്റുന്നതിനായി, ബീഹാറിൽ ഗ്രീൻഫീൽഡ് വിമാനത്താവളങ്ങളുടെ സൗകര്യം ഒരുക്കുന്നത് അന്താരാഷ്ട്ര വിമാന സർവീസുകളുടെ എണ്ണം വർദ്ധിപ്പിക്കും, ഇത് ഇവിടുത്തെ ജനങ്ങൾക്ക് വളരെയധികം പ്രയോജനം ചെയ്യും, കൂടാതെ സംസ്ഥാനത്തിന്റെ സാമ്പത്തിക വികസനം ത്വരിതപ്പെടുത്തുകയും ചെയ്യും. പശ്ചിമ കോസി കനാൽ പദ്ധതിക്കുള്ള സാമ്പത്തിക സഹായത്തിൽ നിന്ന് മിഥില മേഖലയിലെ കർഷകർക്ക് പ്രയോജനം ലഭിക്കും. ഈ ബജറ്റിൽ, പട്ന ഐഐടിയുടെ വിപുലീകരണത്തിന് വ്യവസ്ഥ ചെയ്തിട്ടുണ്ട്, ഇത് സാങ്കേതിക വിദ്യാഭ്യാസത്തെ പ്രോത്സാഹിപ്പിക്കും. ബീഹാറിൽ നാഷണൽ ഇൻസ്റ്റിറ്റ്യൂട്ട് ഓഫ് ഫുഡ് ടെക്നോളജി, എന്റർപ്രണർഷിപ്പ് ആൻഡ് മാനേജ്മെന്റ് സ്ഥാപിക്കുന്നത് കിഴക്കൻ ഇന്ത്യയിൽ യുവാക്കൾക്ക് കഴിവുകൾ, സംരംഭകത്വം, തൊഴിലവസരങ്ങൾ എന്നിവ പ്രദാനം ചെയ്യുകയും ഭക്ഷ്യ സംസ്കരണ പ്രവർത്തനങ്ങൾ പ്രോത്സാഹിപ്പിക്കുകയും ചെയ്യും.