ভারতকী প্রধানমন্ত্রী

ভারত ইমানা য়াইফরে।

ভারত ইমানা য়াইফরে।

ভারত ইমানা য়াইফরে।

ঙসি, তীর্থরাজ পুস্কর অমসুং মাতা সাবিত্রিগী মফম অসিদা ময়াম পুম্নমক্কী মরক্তা য়াওজবগী, অদোমগী য়াইফ-মঙ্গোল লৌজনবগী খুদোংচাবা ফংলে। মফমসিদগী ঐহাক্না সুরসুরাগী তেজাজী ধাম অমসুং পৃথীবিরাজগী লম ওইরিবা অজেমরবু ইকায় খুম্নবা উৎচরি।

ঐহাক্কা লোয়ননা হায়বীয়ু –

তীর্থরাজ পুস্করনা য়াইফরে।

তীর্থরাজ পুস্করনা য়াইফরে।

বীর তেজাজী মহারাজনা য়াইফরে।

বীর তেজাজী মহারাজনা য়াইফরে।

ভগৱান দেব নারায়ননা য়াইফরে।

ভগৱান দেব নারায়ননা য়াইফরে।

ভগৱান ঝুলেলালগী সাইয়োন ওইরিবা ভরুননা য়াইফরে।

ভগৱান ঝুলেলালজীনা য়াইফরে।

স্তেজ অসিদা রাজস্থানগী রাজ্যপাল হরিভাও বাগদেজী, রাজ্য অসিগী মীয়াম্না পাম্নবা মুখ্য মন্ত্রী শ্রী ভজনলাল শর্মাজী, হান্নগী মুখ্য মন্ত্রী বসুন্ধরাজী, কেন্দ্রগী মন্ত্রীমন্দলদা ঐহাক্কী মরুপ ভগিরথ চৌধরীজী, উপ মুখ্য মন্ত্রী প্রেমচন্দ ভৈরবজী, সংসদতা ঐহাক্কী মরুপ দিয়া কুমারীজী, বি.জে.পি.গী রাজ্যগী প্রসিদেন্ত মদন রাথোরজী, মফম অসিদা লৈরিবা অতোপ্পা মন্ত্রীশিং, অতৈ মকোক থোংবা মীওইশিং অমসুং ঐহাক্কী নুংশিরবা রাজস্থানগী ইচিল-ইনাওশিং য়াওরি। ঐহাক্না ইকাই খুম্নরবা ঋশিশিংগী মফমদা য়াম্না নুংঙাইবা ফাওই মরমদি ইকাই খুম্নরবা মশিং য়াম্লবা ঋশি কয়া অমা ঐখোয়দা য়াইফ-পাউজেল পীনবগীদমক মফম অসিদা লাক্লি।

মরুপশিং,

অজমের অসি থাজবা অমসুং থৌনাগী লমনি। মসি তীর্থয়াত্রাগী মফম অমা অমসুং রিভোলুস্নরীশিংগী খোঙজংশিংগী মফমসু ওইরি। ঙরাং ঐহাক ইজরেলগী খোঙচৎ লোইরবা মতুংদা ভারত্তা হল্লকখি। ইজরেলগী মীয়াম্না হৌজিক ফাওবা রাজস্থানগী মচানুপা মেজর দলপত সিংহগী থৌনা অদু চাউথোক্না নীংশিংদুনা লৈহৌরি। ঐহাক্না ইজরেলগী পার্লিয়ামেন্ততা মেজর দলপত সিংহগী থৌনাগীদমক ইকায় খুম্নবা উৎপগী খুদোংচাবা ফংখি। ঐহাক্না ইজরেলগী হাইফা শহরবু নীংখা তম্বদা রাজস্থানগী থৌনা ফরবা বাকুরশিংনা লৌখিবা থৌদাংবু থাগৎপগী খুদোংচাবা ফংখি।

মরুপশিং,

ঙরাং, রাজস্থানদা বি.জে.পি.গী দবল-ইঞ্জিন সরকারনা চহি অনি মপুং ফারকখি। ঙসি রাজস্থান চাউখৎপগী অনৌবা লম্বীদা চংশিল্লক্লিবা অসিদা ঐহাক নুংঙাইবা ফাওই। বি.জে.পি. সরকারনা চাউখৎ-থৌরাংগীদমক পীখিবা মহাক্কী ৱাশকশিং অসি য়াম্না থুনা মপুং ফাহল্লি। অমসুং ঙসি অসি চাউখৎ-থৌরাংগী থৌওং অসি খোংজেল য়াংখৎহনগদবা নুমিৎনি। মতম খরগী মমাংদা, রাজস্থানগী চাউখৎ-থৌরাংগা মরী লৈনবা চাউরাক্না লুপা করোর ১৭,০০০গী প্রোজেক্তশিংগী উরেপ উয়ুং তমখ্রে অমসুং শঙ্গাখ্রে। সেক্তর খুদিংমক্তা অনৌবা ইনর্জী হাপচিল্লি: লম্বী, ইলেক্ত্রিসিতী, ঈশিং, হকশেল অমসুং এজুকেসন। প্রোজেক্তশিং অসিনা রাজস্থানগী মীয়ামগী খুদোংচাবশিং হেনগৎহল্লগনি অমসুং নহারোলশিংগীদমক থবক ফংহন্নবা খুদোংচাবা ফংহল্লগনি।

মরুপশিং,

বি.জে.পি.গী দবল-ইঞ্জিন সরকার অসিনা নহারোলশিংবু লেপ্পা লৈতনা শক্তি পীরি। চহি অনিগী মমাং ফাওবদা, রাজস্থানদগী রিক্রুতমেন্ত তৌবদা থোকখিবা শেঞ্জা-থুমজা অমসুং ৱাহংচে লীক ওইবগী পাউশিং অসি লেপ্পা লৈতবা পাউগী সোর্স অমা ওইখি। হৌজিক, রাজস্থানদা পেপর লিকশিং থিংখ্রে, অমসুং শেঞ্জা-থুমজা তৌবশিংগী মায়োক্তা অকনবা থবক লৌখৎলি। ঙসি, হায়রিবা প্লেৎফোর্ম অসিদগী রাজস্থানগী নহা ২১,০০০ হেনবদা এপোইন্তমেন্ত লেতরশিং য়েন্থোকখ্রে। মসি অচৌবা অহোংবা অমনি। অহোংবা অসিগীদমক, অনৌবা থবক ফংহন্নবগীদমক অমসুং চাউখৎ থৌরাংগী থবক পুম্নমক্কীদমক ঐনা রাজস্থানগী ময়াম পুম্নমকপু থাগৎপা ফোংদোকচরি।

মরুপশিং,

ঙসি, থৌনা ফরবা নুপীশিংগী লমদম অসিদগী ঐহাক্না লৈবাক অসিগী ইচানুপীশিংগীদমক মরুওইবা কেম্পেন অমা হৌদোকপগী খুদোংচাবা ফংলে। অজমেরদা ঐচ.পি.ভি. ভেক্সিনেসন কেম্পেন হৌখ্রে। কেম্পেন অসিনা লৈবাক অসিগী নুপীশিংদা শক্তি পীনবগী মায়কৈদা মরুওইবা খোংথাং অমনি।

মরুপশিং,

মমা অমনা নারকপা মতমদা, ইমুং মনুং অসি কাংখোং চাই হায়বসি ঐখোয় পুম্নমক্না খঙই। করিগুম্বা মমা অদু হকচাং ফনা লৈরবদি, ইমুং অদু অৱাবা অমা হেক্তবু মায়োক্নবা ঙম্মী। মসিগী ৱাখল্লোন অসিগা লোয়ননা, বি.জে.পি. সরকারনা নুপীশিংদা শক্তি পীনবা স্কিম কয়া অমা হৌদোকখ্রে।

মরুপশিং,

ঐখোয়না ২০১৪গী মমাংগী মতম অদু উখি মদুদা ইচে-ইচল অমসুং ইচানুপীশিংনা তোইলেৎ লৈতবনা মরম ওইদুনা অৱাবা অমসুং ইকাইবা কয়া মায়োক্নখি। নুপীমচাশিংনা স্কুল তোকপগী মরমদি মখোয়গী তোখাইবা তোইলেত লৈরমদে। লাইরবা নুপীমচাশিংনা সেনিতেরী পেদশিং লৈবা ঙমদে। লৈঙাক পায়রিবা মীওইশিংগীদমক্তদি, হায়রিবা ৱাফমশিং অসি য়াম্না মরু ওইদে, মরম অদুনা হায়রিবা প্রোব্লেমশিং অসি খন্ন-নৈনখিদে। অদুবু ঐখোয়গীদমক্তদি, মসি ঐখোয়গী ইচে-ইচলশিং অমসুং ইচানুপীশিংবু নুংঙাইতবা পোকহল্লিবা অমসুং মখোয়বু ইকায়খুম্নদবা পোকহল্লিবা অরুবা ৱাফমশিংনি। মরম অদুনা, ঐখোয়না মদুবু মিসন মোদতা কোকহন্নবা হোৎনখি।

মরুপশিং,

মীরোল্লিঙৈ মনুংদা মচি ওইবা চিঞ্জাক্কী মতিক চানা ফংদবনা মমাশিংগী পুন্সিদা অচৌবা খুদোংথীবা অমা ওইখি। ঐখোয়না মমানা মচি ওইবা চিঞ্জাক ফংহন্নবগীদমক, ইচে-ইচলশিংগী একাউন্তশিংদা লুপা লিশিং মঙা দিপোজিৎ তৌদুনা, মমা ওইবদা শাফনবা স্কিম অমা হৌদোকখি। মমাশিংনা মৈখু হোঞ্জিল্লবসু, ৱাহৈ অমত্তা হায়রমদে। ঐখোয়না মসিনদি য়ারোই হায়না হায়খি। অসুম্না উজ্জ্বলা গ্যাস স্কিম অসি শেমখি। মসি পুম্নমক অসি ওইথোকপা ঙমখিবগী মরমদি বি.জে.পি. সরকারনা পাৱর খক্তা নত্তনা সেন্সিতিবিতীগা লোয়ননা থবক তৌবনা ওইখি।

মরুপশিং,

২১শুবা চহিচাগী ক্বার্তর অমা লানখ্রে। ঙসি অসি রাজস্থানগী চাউখৎ-থৌরাংগীদমক য়াম্না মরু ওইবা মতম অমনি। বি.জে.পি.গী দবল ইঞ্জিন সরকারনা রাজস্থানগী হেরিতেজ অমসুং দিবেলপমেন্ত অনিমক মাংলোমদা চংশিল্লি। অফবা লম্বী, রেল, অমসুং এয়র কনেক্তিবিতীনা চৎথোক চৎশিনদা লাইথোকহনবতা নত্তনা, মসিনা মফম পুম্নমক্কী শেন্থোক হোংহল্লি হায়বসি ঐখোয় পুম্নমক্না খঙই। খুঙ্গং খুদিংমক্তা অফবা লম্বীশিং য়ৌরকপা মতমদা লৌমীশিংনা মখোয়গী মহৈ-মরোংশিং অচুম্বা মমলদা য়োল্লি। লল্লোন-ইতিক তৌবশিংনা মখোয়গী পোৎলমশিং মপান্দগী লায়না পুথোকপা ঙম্মী। অমসুং ঐখোয়গী অজমের-পুস্কর লমদমগী তুরিজমগী ওইথোকপা য়াবশিং অসি কনানা খঙবা ঙম্লোই? অফবা কনেক্তিবিতীনা তুরিজমদা অফবা ইথিল পীরি। চৎথোক-চৎশিন তৌবদা লায়থোরকপা মতমদা, মী য়াম্না লাক্নৈ।

অমসুং মরুপশিং,

তুরিস্তশিংনা লাকপা মতমদা, হোতেলশিং, রেস্তোরেন্তশিং অমসুং রেস্তোরেন্তশিং চাউখৎলকপা, কচোরী অমসুং দাল বাতি মরাং কায়না য়োনবা, রাজস্থানগী আর্তিসানশিংনা শাবা পোৎলমশিং য়োনবা, তেক্সিশিং ফংহনবা, অমসুং গাইদশিংনা থবক ফংহনবা অসি মহৌশানা থোকই। মসিনা তাক্লিবদি তুরিস্ত অমা খক্তনা ইমুং কয়াগী হিংনবগী লম্বী ফংহল্লি। মসিগা লোয়ননা ঐখোয়গী সরকারনা রাজস্থানদা মোদর্ন কনেক্তিবিতীদা অকনবা মীৎয়েং থম্লি।

মরুপশিং,

রাজস্থানদা কনেক্তিবিতী হেনগৎলকপগা লোয়ননা ইনভেস্তমেন্তগী খুদোংচাবসু লেপ্তনা হেনগৎলক্লি। দিল্লী-মুম্বাই ইন্দস্ত্রীএল কোরিদোরগী মনুং চন্না ইন্দস্ত্রীশিংগীদমক শিংথানিংঙাই ওইবা ইনফ্রাস্ত্রকচর অমা শেমগৎলি। দবল ইঞ্জিন লৈঙাক অসিনা রাজস্থানবু খুদোংচাবশিংগী লম অমা ওইহন্নবা কন্না হোৎনরি।

মরুপশিং,

রাজস্থানগী মমাশিংনা মখোয়গী অঙাংশিংবু পুক্নিং থৌগৎপগা লোয়ননা মখোয়দা লৈবাক নুংশিবা পোকহল্লি। রাজস্থানগী লমদম অসিনা লৈবাক্কীদমক ইকায় খুম্নবা হায়বদু খঙই, অমসুং মরম অসিনা ঙসি, রাজস্থানগী লমদম অসিদা, ঐহাক্না অদোমদা অতোপ্পা ৱাফম অমা হায়জবা লাক্লি।

মরুপশিং,

হন্দক্তা, মালেমগী খ্বাইদগী চাউবা এ.আই. কনফরেন্স, আর্তিফিসিএল ইন্তেলিজেন্স, দিল্লীদা পাংথোকখি। লৈবাক কয়াগী প্রধান মন্ত্রীশিং, লৈবাক কয়াগী রাস্ত্রপতিশিং, লৈবাক কয়াগী মন্ত্রীশিংনা থৌরম অদুদা শরুক য়াখি। মালেমগী অচৌবা কম্পনীশিং, কম্পনীশিং অদুগী মকোকশিং, মখোয়শিং অসিসু মদুদা পুনখি। মীপুম খুদিংমক্না ভারতপু থম্মোয় শেংনা থাগৎখি। ঐহাক্না রাজস্থানগী ঐহাক্কী ইচিল-ইনাওশিংদা হায়জনীংই। মালেমগী মীওই কয়ানা ভারতপু থাগৎপা ফোঙদোকপা মতমদা, অদোম্না মসিদা চাউথোকচবা ফাওই নৎত্রগা ফাওদে? অদোম্না চাউথোকচবা ফাওবরা নৎত্রগা ফাওদবরা? অদোম্না চাউথোকচবা ফাওবরা নৎত্রগা ফাওদবরা? নহাক্কী কোক অদু ৱাংনা থাংগৎপ্রা নৎত্রগা থাংগৎতব্রা? অদোমগী থম্মোয় অসি চাউথোকচবা পোকপ্রা নৎত্রগা পোক্তব্রা?

মরুপশিং,

অদোম্না চাউথোকচবা ফাওখি, অদুবু কংগ্রেস পার্তীনা করি তৌবগে হায়বদু অদোম্না উখি। মালেমগী মফম কয়াদগী লাকপা মীথুংলেনশিংগী মমাংদা, কংগ্রেস পার্তীনা লৈবাক অসিবু মীচৎ থিহন্নবা হোৎনখি। মখোয়না মপানগী মীথুংলেনশিংগী মমাংদা লৈবাক অসিবু ইকায়বা পীনবগীদমক্তা মপুং ফাবা দ্রামা অমা পাংথোকখি।

মরুপশিং,

কংগ্রেসনা লৈবাক শীনবা থুংনা লেপ্পা লৈতনা মাইথিবা ফংলি, অমসুং মসিগী নুংঙাইতবা অসি ভারতপু মীংচৎ থীহন্দুনা লমন খুমলি। কংগ্রেস অসি মতম অমদা আই.এন.সি. নৎত্রগা ইন্দিয়ন নেস্নেল কংগ্রেস ওইরম্মি, অদুবু হৌজিক্তি আই.এন.সি. লৈক্রে। ঙসিদি, আই.এন.সি.গী মহুত্তা, মসি এম.এম.সি. ওইরে। এম.এম.সি. অসি মুস্লিম লীগ-মাওইস্ত কংগ্রেস ওইরে।

রাজস্থানগী ঐগী অথৌবশিং,

পুৱারীনা শাক্ষী ওইরি: মুস্লিম লীগনা ভারতপু নুংশিখিদে, অমসুং মরম অদুনা লৈবাক অসিবু খায়দোকখি। ঙসিদি কংগ্রেসনসু অসিগুম্না তৌরি। মাওইস্তশিংনসু ভারতকী চাউখৎপা, ঐখোয়গী সংবিধান, অমসুং ঐখোয়গী মাইপাকপা দেমোক্রেসীবু পামজদে। মখোয়না এমবুসতগী লান্দারকই। কংগ্রেসনসু লৈবাক অমা হেক্তবু মীংচৎ থিহন্নবগীদমক লান্দারকই অমসুং চংলকই। লৈবাক অসিনা কংগ্রেসকী অসিগুম্বা অশোয়বা থবকশিং অসি কৈদৌঙৈদা ঙাকপীরোই।

মরুপশিং,

লৈবাক অসিবু মীংচৎ থিহনবা অমসুং আর্মদ ফোর্সেসপু মপাঙ্গল শোন্থহনবা অসি কংগ্রেস পার্তীগী মতম শাংনা চৎনরক্লবা চৎনবী অমনি। নীংশিংবীয়ু, মসি ঐখোয়গী লান্মীশিংবু খুৎলাই অমসুং য়ুনিফোর্মশিং ফংহনখিদবা কংগ্রেসকী পার্তী অদুনি। চহি কয়াদগী ঐখোয়গী মিলিতরীগী ইমুংশিংবু ৱান রেঙ্ক ৱান পেন্সন ফংহন্দনা লাকখিবা অসিসু কংগ্রেস পার্তী অসিনি। মসিগী চপ মান্নবা কংগ্রেস পার্তী অসিনা, মখোয়গী মতমগী মনুংদা, মপান লৈবাক্কী ঙাকশেলগী য়ানচেশিংদা অচৌবা স্কেমশিং উবা ফংখি।

মরুপশিং,

হৌখিবা চহি ১১দা ইন্দিয়ন আর্মীনা তেরোরিস্তশিংবু অমসুং লম খুদিংমক্তা লৈবাক অসিগী য়েক্নবশিংবু চাউনা মাইথিবা পীখি। ঐখোয়গী আর্মীনা মিসন খুদিংমক, লম খুদিংমক্তা থোইখি। সর্জিকেল স্ত্রাইকতগী হৌরগা ওপরেসন সিন্দুর ফাওবদা মখোয়গী মতিক-ময়াই অদু শকখঙখি অদুবু কংগ্রেসকী লুচিংবশিংনা য়েক্নবগী ওইদবা অদু থাজখি। কংগ্রেসনা লৈবাক অসিগী য়াইফবা, অফবা, ইরৈবাকচাশিংদা কান্নগদবনা পুম্নমক্কী মায়োক্তা লৈখিবা, মরম অদুনা ঙসি লৈবাক অসিনা কংগ্রেসতা পরা অমা তম্বীরে।

মরুপশিং,

রাজস্থানদা, নহাক্না কংগ্রেসকী ফত্তবা লৈঙাক্লোন অদু য়াম্না নক্না উবা ফংলে। কংগ্রেস সরকারনা লৈঙাক পায়রিঙৈ মতমদুদা, মসি করেপ্সন অমসুং ইনফাইতিংনা থনখি। কংগ্রেসনসু ঐখোয়গী লৌমীশিংবু লেপ্পা লৈতনা মীরাইখি। কংগ্রেসনা মতৌ করম্না চহি তরাগী খুজিং কয়াগী মমাংদা ইরিগেসন প্রোজেক্তশিং লেপখিবগে হায়বদু নিংশিংবিয়ু। মসিনা রাজস্থানগী লৌমীশিংদা অচৌবা খুদোংথীবা পীরি। মথং-মনাও নাইনা লাকখিবা কংগ্রেস সরকারশিংনা ই.আর.সি.পি. প্রোজেক্ত অসি ফাইল অমসুং লাউথোকপশিংদা য়াওহন্দুনা থমখি। ঐখোয়গী সরকারনা শক্তি ফংলবা মতুংদা, স্কিম অসি ফাইলশিংদগী লৌথোকখি অমসুং মসি থবক ওইনা ওন্থোকখি।

মরুপশিং,

ঐখোয়গী সরকারনা হৌদোকখিবা তুরেলশিং শম্নহন্নবা কেম্পেন অসিনা রাজস্থানদা চাউনা কান্নবা ফংহনগনি। নৌনা শেমদোক্লবা পারবতী-কালিসিন্ধ-চম্বল লিংক প্রোজেক্ত ওইগেরা নত্রগা য়ুমুনা-রাজস্থান লিংক প্রোজেক্ত ওইগেরা, দবল ইঞ্জিন সরকারনা লৌমীশিংনা অসিগুম্বা ইরিগেসন প্রোজেক্ত কয়াগী কান্নবা ফংহন্নবা হোৎনরি। ঙসিদি, ঝালাৱর, বরান, কোতা, অমসুং বুন্দি জিলাশিংগীদমক ঈশিংগী প্রোজেক্ত কয়াগী থবক হৌখ্রে। ঐখোয়গী হোৎনরিবশিং অসি রাজস্থানদসু গ্রাউন্দৱাতর লেবেল হেনগৎহনবনি।

মরুপশিং,

রাজস্থানগী ওইথোকপা য়াবশিং খঙলদুনা বি.জে.পি. সরকারনা থৌরাংশিং শেমগৎলি অমসুং পায়খৎলি। ঐহাক্না নুংঙাইবা ফাওই মদুদি রাজস্থান অসি হৌজিক্তি চাউখৎপগীদমক নুমিৎকী পাৱর শীজিন্নরিবা লমদম অমা ওইরক্লি। ঐখোয়গী রাজস্থানদা নুমিৎ মঙালগী অৱাৎপা লৈতে হায়বসি ঐখোয় পুম্নমক্না খঙই। হৌজিক্তি, হায়রিবা নুমিৎকী মঙাল অসিনা মীচম প্রজাগীদমক্তা শেন্থং অমসুং ইনকমগী হৌরকফম অমা ওইরক্লি। প্রধান মন্ত্রীগী লেম্না ইলেক্ত্রিসিতী স্কিম (সোলর হাউস) না মসিদা মরু ওইবা থৌদাং অমা লৌরি। মসিগী স্কিম অসিনা রাজস্থানগী তুংগী পুন্সিদা অহোংবা পুরক্নবা শক্তি লৈ। স্কিম অসিগী মখাদা, বি.জে.পি. সরকারনা মীওইশিংদা মখোয়গী য়ুমথকশিংদা সোলর পেনেলশিং ইনস্তোল তৌনবগীদমক লুপা ৭৮,০০০গী তেংবাং পীরি। সরকারনা শেল অদু মখোয়গী বেঙ্ক একাউন্তশিংদা হকথেংননা ত্রান্সফর তৌই। নীংতম্বগীদমক্তা কত্থোক্লবা বজেৎ অমসুং স্কিম পুম্নমক য়েংবিয়ু, অমসুং মিদল ক্লাসকী কান্নবা ফংলবা স্কিম অমত্তা অদোম্না উররোই। ঙসিদি, সরকারনা হায়রিবা ইমুংশিং অসিদা সোলর পেনেলশিং ইনস্তোল তৌনবগীদমক্তা হকথেংননা লুপা ৭৮,০০০ পীরি। মিদ্দল ক্লাসকী মীওইশিংনা খ্বাইদগী কান্নবা ফংলি। মসিনা য়ুমদা অপিকপা পাৱর প্লান্ত অমা শেম্মী। নুমিদাংগী মতমদা, ইলেক্ত্রিসিতী অসি নুমিৎকী মঙালদগী পুথোকই, মসি য়ুমগী মনুংদা শিজিন্নৈ, অমসুং অহেনবা ইলেক্ত্রিসিতী অমহেক্তবু গ্রিদতা থাদৈ। অমসুং ইলেক্ত্রিসিতী পুশিনবা য়ুমশিংনা মসিদগী কান্নবশিং ফংই।

মরুপশিং,

ঙসি রাজস্থানদা ইমুং লাখ ১.২৫ হেনবনা স্কিম অসিদা য়াওশিনখ্রে। অমসুং স্কিম অসিনা মরম ওইদুনা য়ুমথোং কয়ানা মখোয়গী মৈগী বিল অসি জিরোদা হন্থবা ধবা ফংলি। মসিনা তাকপদি চাদিং হন্থরক্লে অমসুং সেভিং হেনগৎলে হায়বনি।

মরুপশিং,

ঐখোয়না চাউখৎলবা রাজস্থানদগী চাউখৎলবা ভারত অমগী মন্ত্রগী মায়কৈদা লেপ্পা লৈতনা থবক তৌরি। ঙসি হৌদোকখিবা প্রোজেক্তশিং অসিনা চাউখৎলবা রাজস্থানগী য়ুম্ফম অদু হেন্না মপাঙ্গল কনখৎহল্লগনি। রাজস্থান চাউখৎলকপা মতমদা, মফম অসিগী ইমুং খুদিংমক্কী পুন্সি মহিং চাউখৎলগনি। অমুক্কা হন্না, ময়াম পুম্নমকপু চাউখৎ-থৌরাংগী প্রোজেক্তশিংগীদমক য়াইফ-পাউজেল পীজরি। ঐগা লোয়ননা হায়বিয়ু:

ভারত ইমানা য়াইফরে!

ভারত ইমানা য়াইফরে!

ভন্দে মাতরমগী চহি ১৫০ মপুং ফাবগী পালন তৌরি। ঐহাক্কা লোয়ননা হায়বিয়ু-

ভন্দে মাতরম।

ভন্দে মাতরম।

ভন্দে মাতরম।

ভন্দে মাতরম।

ভন্দে মাতরম।

ভন্দে মাতরম।

ভন্দে মাতরম।

ভন্দে মাতরম।

ভন্দে মাতরম।

ভন্দে মাতরম।

হন্না-হন্না থাগৎচরি।

***