ভারতকী প্রধানমন্ত্রী
প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অতল ইন্নোবেসন মিসন(এ আই এম) মখা চৎথবা য়ারে অমসুং স্কুলগী থাক্ত ফজনা মাইপাক্লিবা অসি য়েংলগা স্কুল ১০,০০০দা অতল তিংকরিং লেবশিং হাংদোক্নবা ২০১৯-২০ ফাওবগী চংগদবা লুপা ক্রোর ১০০০গী শেন শীজিন্নবা য়ারে।
অকুপ্পশিং:
• লৈবাক অসিদা ইন্নোবেসন য়োকখৎনবা অমসুং পুক্নীং থৌগৎনবা এ আই এমগী থৌরম কয়া য়াওরি।
• অফবা মখলগী অতল তিংকরিং লেবশিং স্কুল লিশিং কয়াদা লিংখৎলে, য়ুনিভর্সিতীশিং অমসুং ইন্দস্ত্রীশিংদা অতল ইনকুবেসন সেন্তরশিং অমসুং অতল কম্যুনিকেসন ইন্নোবেসন সেন্তরশিং লিংখৎলে।
• অতল ন্যু ইন্দিয়া চেলেঞ্জেসগী মখাদা লৈবাক অসিগা মরি লৈনবা অমসুং খুন্নাইদা মরুওইবা থবকশিংগী পোৎথোক পুথোকপা য়োকখৎনবা শৌগৎলি।
মথৌ তাবা শেন-থুম:
এ তি এলগী খুৎলায়শিং শেমজিন্নবা অমসুং থবক তৌবগী খরচ ওইনা অহানবা চহিদা এ তি এল অমদা লুপা লাখ ১২গী গ্রান্ত ইন এদ ফংলি অমসুং মখা তারকপা চহি ৪দা লুপা লাখ ২ চহি অমদা পীরি।
রিভিয়ু অমসুং মখোয়গী মাইপাকপশিং য়েংলগা এ আই সি অমমমদা চহি ৩-৫ ফাওবা চহি অমদা লুপা ক্রোর ১০গী গ্রান্ত ইন এদ পীরি।
এন এন আই সিশিংগী মখাদা ইন্নোবেতরশিংদা তেক্নোলোজী পাকশন্না শীজিন্ননবা অমসুং শেন্দোং ওইনা পুথোক্নবা লুপা ক্রোর ১ ফাওবগী গ্রান্তশিং পীরি।
কান্নবা:
• মিসন অসিনা পায়খৎলিবা অতল তিংকরিং লেবস অমসুং অতল ইনকুবেসন সেন্তর অসি য়াম্না পাম্নরে;
• এ আই এমগী মতেং অমসুং তেক্নিকেলগী তেংবাংদগী ভারত সরকারগী মিনিস্ত্রীশিং অমসুং দিপার্তমেন্তশিংনা ইন্নোবেসনগা মরি লৈনবা থবক কয়া পায়খৎলে।
• এ তি এল প্রোগ্রামগী মখাদা, স্কুল ১০,০০০ হেনবদা ২০২০ ফাওবদা হায়রিবা লেবশিং অসি লিংখৎলবা য়ারি।
• লৈবাক শীনবা থুংনা অতল ইনকুবেসন সেন্তর ১০০ হেন্না লিংখৎলবা য়ারি, অহানবা চহি ৫দা য়ামদ্রবদা স্তার্ত-অপ ৫০-৬০ শৌগৎকনি।
• মখোয়গী অনৌবা থবকশিং অদু পোৎথোক ওইনা পুথোক্নবা ইন্নোবেতর/স্তার্ত-অপ ১০০ হেন্না মতেং ফংলবা য়ারি।
• মিনিস্ত্রীশিংগী মখাদা শৌগৎলিবা অতৈ প্রোগ্রামশিংনা হেন্না কান্নবা ফংলবা মীওই হেনগৎহনগনি।
• ইনকুবেতর অমমম্না চহি মরি খুদিংগী তেক্নোলোজীদা য়ুমফম ওইবা স্তার্ত-অপ ৫০-৬০ পুথোক্লবা য়ারি।
• ইন্নোবেতিপ স্তার্ত-অপ ৫০০০-৬০০০ পুথোক্নবা ইনকুবেতর ১০০ হেন্না লিংখৎকনি অমসুং মসিনা অনৌবা ইনকুবেতরশিং লিংখৎপা হেনগৎহনগনি।
• ইন্নোবেসনদা য়ুমফম ওইবা স্তার্ত-অপশিং অসিনা থবক পীবা য়াবগী চাং ৱাংনা লৈরি।
থবক ওইনা পায়খৎনবা লাল্লোংশিং অমসুং পান্দমশিং:
এ আই এমনা বেনিফিসরীশিং ওপন ওইনা, চাংয়েং তৌদুনা, ওনলাইন এপ্লিকেসনশিংগী খুৎথাংদা খল্লি অমসুং গ্রান্তশিং হকথেংননা পীরি। তোঙান-তোঙানবা কাংলুপকী মীওইশিংগা শম্নদুনা এ তি এলশিং অমসুং এ আই সিশিংদা কেপাসিতী শেমগৎনবা এ আই এমনা মসিগী অখঙ-অহৈশিং অমসুং নেতৱার্কশিং শীজিন্নরি। মসিগী মথক্ত এ আই এমগী বেনিফিসরীশিংগা ই-পাউ ফাওন্নবা অমসুং তেক্নোলোজী পীননবা কোরপোরেত অমসুং মালেমগী পার্তনরশিংগা শম্নরি অমসুং এ আই এমগী থবকশিং মাইপাক্নবা ইন্নোবেসন অমসুং স্তার্ত-অপশিংদা মতেং পীরি। হৌজিক ফাওবদা লৈবাক অসিদা অতল তিংকরিং লেব ৫৪৪১ খনগৎলে, মসিগী মনুংদা জিলা ৬২৩গী এ তি এল ২১৭১ মখোয়গী স্কুলশিংদা লেবশিং লিংখৎপগী অহানবা গ্রান্ত-ইন-এদ ফংখ্রে। লৈবাক শীনবা থুংনা অতল ইনকুবেসন সেন্তর ১০১ খল্লে, মসিগী মনুংদা সেন্তর ৩১ অহানবা গ্রান্তশিং ফংলে।
অতল ন্যু ইন্দিয়া চেলেঞ্জেস ২৪ লিংখৎলে অমসুং এপ্লিকেসন ৮০০ হেন্না ফংলে। এ এন আই সি অমদা মাইপাক্লবা ২-৩ খনগনি অমসুং লুপা ক্রোর ১ ফাওবগী গ্রান্ত ফংগনি।
এ আই এমগী পান্দমদি এ তি এলশিং মাইপাকহনবনি। মসিগী থৌরম অসিগী মখাদা স্কিল কয়াগী মতাংদা এ তি এলগী মহৈরোইশিংদা প্রো-বোনো মেন্তরিং পীনবা তোঙান-তোঙানবা শীনফমশিংগী মতিক চারবা মেন্তরশিং খনগনি। এ তি এলশিং থবক তৌনবগী মতাংদা স্কুলগী ওথোরিতীশিংগা মেন্তরশিংগা পুন্না থবক তৌমিন্নগনি। হৌজিক ফাওবদা এ তি এল স্কুল ১,৩০০দা মেন্তর ২,৫০০না মেন্তরিং মহৈরোইশিং ফজনা য়েংশিল্লি।
নুংগী ৱারোল:
এ আই এমগী পান্দমদি লৈবাক শীনবা থুংনা স্কুলশিং, য়ুনিভর্সিতীশিং, রিসর্স ইন্সতিত্যুৎশিং, এম এস এম ই অমসুং ইন্দস্ত্রীশিংদা ইন্নোবেসন অমসুং ইন্ত্রপ্রিনরসিপগী ইকোসিস্তেম অমা শেম্বা অমসুং ফগৎহনবনি। নিতী আয়োগকী মখাদা লিংখৎপা মিসন অসি, ২০১৫গী বজেৎকী ৱারোলদা ফাইনান্স মিনিস্তরনা লাওথোকখিবনি।
