ভারতকী প্রধানমন্ত্রী

ভারত্তা অমেরিকাগী রাস্ত্রপতি দোনাল্দ ত্রম্পকী নুমিৎ নিনিগী ওফিসিয়েল খোংচৎকী মাংওইননা প্রধান মন্ত্রী নরেন্দ্র মোদীনা হায়খি, “অদোম্না থুংলবা অদু ভারতনা ঙায়দুনা লৈরি @ পি.ও.তি.য়ু.এস. রিয়েল দোনাল্দ ত্রম্প”

মহাক্কী ত্বিতরদা থাদোরকপা পাউজেল অমদা প্রধান মন্ত্রীনা হায়খি, “অদোমগী খোংচৎ অসিনা ঐখোয়গী লৈবাক অনিগী মরক্তা মরূপ ওইবগী মরী মখা তানা চেৎশিলহল্লগনি। অহমেদাবাদতা অথুবা মতমদা উনরসি।”

রাস্ত্রপতি দোনাল্দ ত্রম্প ঙসি অহমেদাবাদতা থুংলরগনি, মফম অদুদা মহাক্না মোতেরা স্তেদিয়মদা নমস্তে ত্রম্প থৌরমদা শরুক য়াবগা লোয়ননা সাবরমতী আশ্রমদা চৎকনি।

নুমিদাংৱাইরম অথেংবদা মহাক নই লিল্লীদা থুংলরগনি। মহাক্না প্রধান মন্ত্রীগা লোয়ননা নেস্নেল অমসুং ইন্তর্নেস্নেল ইশু কয়াদা পাক চাউনা খন্ন-নৈনরবা য়াই।