ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা “দি জম্মু এন্দ কশ্মীর রিজার্বেসন (এমেন্দমেন্ত) বিল, ২০১৯”দা অয়াবা পীখ্রে। বিল অসি হন্দক পাংথোক্কদৌরিবা পর্লিয়ামেন্তকী মীফমদা পর্লিয়ামেন্তকী হাউস অনিমক্তা পুথোক্লগনি।
মন্ত্রীমন্দলগী ৱারেপ অসিনা প্রধান মন্ত্রী মোদীগী সবকা সাথ, সবকা বিকাস অমসুং সবকা বিশ্বাসতা মিৎয়েং থমলিবা মীয়ামগী সরকার অমগী মমি তারি।

কান্নবশিং:

খোংথাং অসিনা জম্মু অমসুং কশ্মীরগী অন্তর্জাতিগী ঙমখৈগা থংননা লৈরিবা মীয়াম্না মতম কয়াগী মমাংদগী থেংনদুনা লাক্লবা অৱাবশিং কোকপা ঙম্লগনি।

হৌজিক্তি মখোয়না দাইরেক্ত রিক্রুইৎমেন্ত, প্রমোসন অমসুং তোঙান তোঙানবা প্রোফেস্নেল কোর্সশিংদা মিং চনবদা রিজার্বেসনগী তেংবাং ফংবা ঙম্লগনি।

থবক্তা ওন্থোকপা:

বিল অসিনা জম্মু এন্দ কশ্মীর রিজার্বেসন এক্ত, ২০০৪ এমেন্দ তৌদুনা “দি জম্মু এন্দ কশ্মীর রিজার্বেসন (এমেন্দমেন্ত) ওর্দিনান্স, ২০১৯” অসি মহুৎ শিন্দোক্লগনি অমসুং অন্তর্জাতিগী ঙমখৈগা থংননা লৈরিবা মীয়াম্বু একচুয়েল লাইন ওফ কন্ত্রোল (এ.এল.ও.সি.)গী লমদমদা লৈরিবা মীওইশিংগুম্না রিজার্বেসনগী মনুংদা পুরক্লগনি।

য়ুম্ফম:

অন্তর্জাতিগী ঙমখৈগা থংননা লৈরিবা জম্মু অমসুং কশ্মীরগী মীয়াম্বু জম্মু এন্দ কশ্মীর রিজার্বেসন এক্ত, ২০০৪ অমসুং রুল্স, ২০০৫কী মনুং চলহন্দে। মসিদা একচুয়েল লাইন ওফ কন্ত্রোলগা থংনবা লমদমশিংদা খুন্দারিবশিং য়াওনা তোঙান তোঙানবা কেতাগোরীশিংদা দাইরেক্ত রিক্রুইৎমেন্ত, প্রমোসন অমসুং তোঙান তোঙানবা প্রোফেস্নেল কোর্সশিংদা মিং চনবদা রিজার্বেসনগী তেংবাং পীরি। মরম অদুনা মখোয়না মতম কয়াদগী মসিগী কান্নবশিং ফংবা ঙমদনা লৈরক্লি।

মখা তানা চত্থরিবা ক্রোস বোর্দর তেন্সন্না মরম ওইদুনা অন্তর্জাতিগী ঙমখৈদা লৈরিবা মীওইশিংনা শেল-থুমগী ফিভম ফত্তবা অমসুং মহৈ-মশিংদা শোত্থনা লৈরি। ঙমখৈ ৱাংমদগী সেল কাপশিল্লকপনা মফম অসিদা খুন্দারিবশিংনা য়াম্না তোইনা শাফগদবা মফমশিংদা মফম হোংলি অমদি মতম শাংনা এজুকেসনগী ইন্সতিত্যুৎশিং থিংদুনা থম্বনা মখোয়গী মহৈ-মশিং তম্বদা অপনবা পীরি।

মরম অদুনা একচুয়েল লাইন ওফ কন্ত্রোল (এ.এল.ও.সি.)গী লমদমদা লৈরিবা মীওইশিংগুম্না রিজার্বেসনগী কান্নবশিং অসি অন্তর্জাতিগী ঙমখৈগা থংনবা লমদমশিংদা খুন্দারিবা মীওইশিংদা ফংহনবা অসি মতিক চাই।

রাস্ত্রপতি শাসনগী মনুংদা স্তেত এসেমব্লিগী শক্তি অসি পর্লিয়ামেন্তকী খুত্তা লৈরি মরম অদুনা জম্মু এন্দ কশ্মীর রিজার্বেসন (এমেন্দমেন্ত) ওর্দিনান্স, ২০১৯ অসি পর্লিয়ামেন্তকী হাউস অনিমক্তা পুথোক্কদৌরিবা বিল অসিনা মহুৎ শিন্দোক্নবা ৱারেপ লৌরে।