ভারতকী প্রধানমন্ত্রী

ঙসি নুমীৎয়ুংবা মতুং অফগানিস্থাগী ফোরেন এফিয়ার্স মন্ত্রী মিস্তর সলাউদিন রবানিনা প্রধানমন্ত্রী শ্রী নরেন্দ্র মোদীগা উন্নখ্রে ।

অফগানিস্থানগা লোইননা ভারতনা খ্বাইদগী ৱাংবা প্রায়োরিতী লৈরিবা অদু শোয়দবনি হায়না প্রধানমন্ত্রীনা হায়খি । লৈবাক অমসুং প্রজানা তেরোরিজম থেংনবদা ভারতনা অফগানিস্থানদা অচৌবা মতেং পিরি হায়না প্রধানমন্ত্রীনা ফোংদোকখি । শান্তি লৈবা, অপুনবা, দেমোক্রেতিক, অমসুং প্রোসপেরস নেসন অমা শেম্নবা মখোয়না হোৎনরিবা অদুদা হ্যুমেনিতরিয়ান অমসুং দিবলপমেন্তকী মতেং য়াওনা অফগানিস্থানগী সরকার অমসুং প্রজাদা ভারতকী মপুং ফাবা মতেং অদুশু মহাক্না ফোংদোকখি ।

অফগানিস্থানদা ওইরিবা ফিভমগী মতাংদা ফোরেন মিনিস্তর রবানিনা প্রাধানমন্ত্রীদা পাওদমখি । অফগান পিছ প্রোসেস অসি অফগান্না-লুচিংবা, অফগান-মশাগী অমসুং অফগান্না-কন্ত্রোল তৌবা ওইগদবনি হায়না অনিমক্না য়ান্নখি ।

ফোরেন মিনিস্তর রবানি অসি ইন্দিয়া-অফগানিস্থান স্ত্রেতেজিক পার্তনরশিপ কাউন্সিলগী ২শুবা মীফম য়াওনবগীদমক ভারত্তা লাকপনি মদু মহাক্না ভারতকী মপাল থৌরম পুবা মন্ত্রীগা লোইননা লুচিংগনি ।