ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অফবা থবকশিংগীদমক স্পেস শীজিন্নবা অমসুং থিজিনবগী লমদা ভারত অমসুং সাও তোমে এন্দ প্রিন্সিপে অনিগী মরক্ত মতেং পীন্নবা ফ্রেমৱার্ক এগ্রিমেন্ত লৈনবা য়ারে । ফ্রেমৱার্ক এগ্রিমেন্ত অদু নিউ দিল্লিদা ২০১৮গী সেপ্তেম্বর ৭দা খুৎয়েক পীনখিবনি ।

চাউরাকপা মশকশিং :

i. ফ্রেমৱার্ক এগ্রিমেন্ত অদুনা পৃথিবীগী রিমোত সেন্সিং, সেতিলাইত কম্মুনিকেসন, সেতিলাইত নেভিকেসন, স্পেস সাইন্স অমসুং আউত্তর স্পেস থিজিনবগী লমদা অনৌবা রিছাস অমসুং শীজিন্নবগী থবকশিংদা মতেং পীনবা হেনগৎহনগনি ।

ii. মসিগী ফ্রেমৱার্ক এগ্রিমেন্ত অসিনা মীওইবা খুন্নাইগী য়াইফনবা স্পেস তেক্নোলোজিশিং শীজিন্নবগী লমদা পুন্না থবক পায়খৎমিন্নবদা মতেং পাংগনি । অসুম্না লৈবাক অনিগী লমদমশিং অমসুং মীওই কাংলুপ খুদিংমক কান্নবা ফংহনগনি ।

অচৌবা ইথিল :

ফ্রেমৱার্ক এগ্রিমেন্ত অসিনা পৃথিবীগী রিমোত সেন্সিং, সেতিলাইত কম্মুনিকেসন, সেতিলাইত নেভিকেসন, স্পেস সাইন্স অমসুং আউত্তর স্পেস থিজিনবগী লমদা অনৌবা রিছাস অমসুং শীজিন্নবগী থবকশিংদা মতেং পীনবা হেনগৎহনগনি । মসিগী ফ্রেমৱার্ক এগ্রিমেন্ত অসিনা মীওইবা খুন্নাইগী য়াইফনবা স্পেস তেক্নোলোজিশিং শীজিন্নবগী লমদা পুন্না থবক পায়খৎমিন্নবদা মতেং পাংগনি । অসুম্না লৈবাক অনিগী লমদমশিং অমসুং মীওই কাংলুপ খুদিংমক কান্নবা ফংহনগনি ।

নুঙগীৱারোল :

i. সাও তোমে এন্দ প্রিন্সিপেনা স্পেসকী লমদা ভারতকা মতেং পীনবা পাম্‌লিবা অসিগী মতাংদা মপান থৌরম মন্ত্রলয় (নবেম্বর ২০১৭) আমসুং নেসনেল সেকুরিতি কাউন্সিল সেক্রেতরিয়েত-এন এস সি এস(জনৱারি ২০১৮)না দিপার্তমেন্ত ওফ স্পেস(দি ও এস)তগী পাউখুম পীরক্নবা খঙহল্লি । ভারতনা সাও তোমে এন্দ প্রিন্সিপেদা সেতিলাইত ত্রেক্কিং স্তেসন অমা লিংখৎনবা খন্নরি অমসুং মসিগী চংগদবা শেনফম অমসুং সাও তোমেগী লম্মিৎ-তুমিৎগী ফিবম ইসরোনা অহানবগী ওইনা য়েংশিনখ্রে অমসুং সাও তোমে এন্দ প্রিন্সিপেদা ভারতকী সেতিলাইত গ্রাউন্দ স্তেসন অমা লিংখৎপা অমসুং মদুগী চংগদবা শেনফমগী মতাংদা এন এস সি এসতা পাউদমখি ।

ii. ইসরোগী মাইকৈদগী মসিগী চেয়রমেন্না মহুৎশীনদুনা অমসুং সাও তোমে এন্দ প্রিন্সিপেগী মাইকৈদগী মসিগী মপান থৌরমগী মন্ত্রীনা মহুৎশীনদুনা সাও তোমে এন্দ প্রিন্সিপেদা ভারতকী সেতিলাইত গ্রাউন্দ স্তেসন অমা লিংখৎনবা লেত্তর ওফ ইন্তেন্ত (এল ও আই ) অমা ২০১৮গী মার্চগী অরোইবা চয়োলদা খুৎয়েক পীনখি ।

iii. সাও তোমে এন্দ প্রিন্সিপেগী ওথোরিতিনা চেবাউ পীরকপদগী ইসরোগী কাংবু অমা সাও তোমে এন্দ প্রিন্সিপেদা চৎতুনা গ্রাউন্দ স্তেসন শানবা চুনবা মফম মশক খঙদোকখি । গ্রাউন্দ স্তেসন লিংখৎপা অসি অকক্না থবক অমা ওইবা অমসুং চুনবা তেক্নোলোজিশিং শীজিন্নদুনা স্তেসন অসি কান্নবা লৈবাক অনিমক্না লৌনবা মখানা লৈবাক অনিনা মতেং পীনবা দরকার ওই , মসিগীদমক লৈবাক অনিনা ফ্রেমৱার্ক এগ্রিমেন্ত খুৎয়েক পীনবা য়ানখি অমসুং মদুদা অফবা থবকশিংগীদমক স্পেস শীজিন্নবা অমসুং থিজিনবদা মতেং পীনবা হায়না য়ানখি ।