ভারতকী প্রধানমন্ত্রী

অম্বেদকর জয়েন্তিগী তঞ্জানা লাকপদা ঙসি প্রধান মন্ত্রী শ্রী নরেন্দ্র মোদীনা কেন্দ্র সরকারগী হেল্থ এসুরেন্স প্রোগ্রাম- আয়ুশ্মান ভারত হৌদোক্লদুনা হেল্থ অমসুং ৱেলনেস সেন্তর অমা শঙ্গাখ্রে। সেন্তর অসি ছতিসগরগী শোত্থরিবা জিলা বিজাপুরদা লৈরিবা জঙ্গলা দিবেলপমেন্ত হবতা শঙ্গাখি।

প্রধান মন্ত্রীনা দিবেলপমেন্ত হব অসিদা পুং অমমুক চংনা মীয়ামগা উন্নদুনা ৱারী শান্নখি, অমদি তোঙান তোঙানবা চাউখৎ-থৌরাংগী অনৌবা খোংথাংশিংগী মরমদা ৱা ঙাংখি।

হেল্থ অমসুং ৱেলনেস সেন্তর শঙ্গাবগী থৌরমদা মহাক্না অশা ৱার্করশিংগা উন্নদুনা ৱারী শান্নখি। মহাক্না মোদেল আঙ্গনৱারী সেন্তর অমদা চৎখি, অমদি আঙ্গনৱারী ৱার্করশিং অমসুং পোশন অভিয়ানগী কান্নবা ফংলবা অঙাংশিংগা উন্নদুনা ৱারী শান্নখি। মহাক্না হত বাজার হেল্থ কিওস্ক অমদা চৎখি অমসুং হেল্থ ৱার্করশিংগা উন্নদুনা ৱারী শান্নখি। মহাক্না জঙ্গলাদা বেঙ্ককী ব্রান্স অমা শঙ্গাখি অমসুং খনগৎলবা কান্নবা ফংলবশিংদা মুদ্রা স্কিমগী মখাদা লোন সেঙ্কসন তৌবগী চেরোলশিং য়েন্থোকখি। মহাক্না রুরেল বি পি ও এমপ্লোইশিংগসু উন্নদুনা ৱারী শান্নখি।

তুংদা প্রধান মন্ত্রীনা পব্লিক মীতিং পাংথোক্কদৌরিবা মফম অদুদা থুংখি। ত্রাইবেল কমুনিতীশিংদা শক্তি শিন্ননবা মীৎয়েং থম্লিবা বন ধন য়োজনা অদু মহাক্না হৌদোকখি।

ভিদীও কনফরেন্সকী খুত্থাংদা প্রধান মন্ত্রীনা ভানুপ্রতাপ্পুর-গুদুম রেলৱে লাইন জাতিদা খুৎশিন্নখি। মহাক্না দাল্লি রাঝারা অমসুং ভানুপ্রতাপ্পুরগী মরক্তা চেনগদবা ত্রেন অমা লমথাখি। বিজাপুর হোস্পিতালদা মহাক্না দাইলাইসিস সেন্তর অমসু শঙ্গাখি।
প্রধান মন্ত্রীনা এল দবল্যু ই এরিয়াশিংদা কিলোমিতর ১৯৮৮ শাংবা পি এম জি এস ৱাইগী লম্বীশিং; এল দবল্যু ই এরিয়াশিংদা অতোপ্পা রোদ কনেক্তিবিতী প্রোজেক্তশিং; বিজাপুরগী ৱাতর সপ্লাই স্কিম; অমসুং থোং অনি শানবগীদমক উরেপ উয়ুং তমখি।

থৱায় য়াওনা পুনখিবা মীফম অমদা ৱা ঙাংলদুনা প্রধান মন্ত্রীনা ব্রিতিসকী মায়োক্তা লানথেংনখিবা লমদম অসিগী অথৌবশিংগী মফমদা ইকায় খুম্নবা উৎখি। মহাক্না লমদম অসিদা নক্সল-মাওইস্ত এতেক্তশিংদা থৱায় থাখ্রবা সেক্যুরিতী পর্সোনেলশিংগী মফমদসু ইকায় খুম্নবা উৎখি।

কেন্দ্র সরকারনা মমাংদসু ছতিসগরদগী শ্যামা প্রসাদ মুখর্জী রুর্বান মিসন অমসুং প্রধান মন্ত্রী গ্রামিন অৱাস য়োজনা হায়রিবা চাউখৎ-থৌরাংগী অনৌবা খোংথাং অনি অসি হৌদোকখি হায়না প্রধান মন্ত্রীনা ফোংদোকখি। ঙসিনা রাজ্য অসিদগী আয়ুশ্মান ভারত অমসুং গ্রাম স্বরাজ অভিয়ান হৌদোক্লে হায়না মহাক্না মখা তাখি। গ্রাম স্বরাজ অভিয়ান্না হৌখিবা চহি মরিগী মনুংদা কেন্দ্র সরকারনা হৌদোকখিবা চাউখৎ-থৌরাংগী অনৌবা খোংথাংশিং অদু খুন্নাইগী লাইরবা অমসুং শোত্থরবা কাংলুপশিংদা শোয়দনা য়ৌহল্লগনি হায়না মহাক্না হায়খি। গ্রাম স্বরাজ অভিয়ান অসি ঙসিদগী মেগী ৫ ফাওবা শাংদোক্কনি হায়না মহাক্না ফোংদোকখি।

মীওই কোতি কয়াগী থৱায় অমসুং পুক্নিংদা “ইথিল” ফাওহনবদা বাবাসাহেব অম্বেদকরনা মরুওইবা থৌদাং লৌখি হায়না প্রধান মন্ত্রীনা ফোংদোকখি।

ঙসিগী থৌরম অসি বিজাপুরদা পাংথোকপগী মরুওইবা অদু শন্দোক্না তাক্লদুনা প্রধান মন্ত্রীনা হায়খি মদুদি, বিজাপুর অসি লৈবাক অসিগী শোত্থরিবা জিলা ১০০গী মনুংদা অমনি। অসিগুম্লবা জিলাশিং অসি মহাক্না এস্পিরেস্নেল অমসুং এম্বিসিয়স জিলাশিংদা ওন্থোকপা পাম্মি হায়না মহাক্না ফোংদোকখি।

আয়ুশ্মান ভারত স্কিম অসিনা খুন্নাইদা লৈরিবা খল মান্নদবা অদু মুথৎতুনা লৈবাক অসিদা সোসিয়েল জস্তিস পুরক্লগনি হায়না প্রধান মন্ত্রীনা হায়খি। স্কিম অসিগী অহানবা ফেজদা প্রাইমারী হেল্থকেয়রদা চাউনা অহোংবা পুরক্নবা হোৎনগনি হায়না মহাক্না হায়খি। লৈবাক অসিদা লৈরিবা সব সেন্তর অমসুং প্রাইমারী হেল্থ সেন্তর লাখ ১.৫বু হেল্থ এন্দ ৱেলনেস সেন্তরগী থাক্তা পুখৎলগনি হায়না মহাক্না ফোংদোকখি। থবক অসি ২০২২ ফাওবদা মপুং ফানা পাংথোক্নবা পান্দম থম্লি হায়না মহাক্না হায়খি। মসিগী হেল্থ এন্দ ৱেলনেস সেন্তরশিং অসিনা লাইরবশিংগীদমক ফেমিলী দোক্তর অমগুম মথৌ তৌগনি হায়না মহাক্না ফোংদোকখি।

হৌখিবা চহি তরামরিদগী রাজ্য অসিদা পায়খৎলিবা চাউখৎ থৌরাংগী থবকশিং অদুগীদমক প্রধান মন্ত্রীনা ছতিসগরগী মুখ্য মন্ত্রী দা. রমন সিংহবু থাগৎপা ফোংদোকখি। কেন্দ্র সরকারনা লৌখৎলিবা খোংথাংশিং অসিনা খুন্নাইগী লাইরবা অমসুং শোত্থরবা কাংলুপকী য়াইফনবা হোৎনরিবা অদু তাক্লি হায়না প্রধান মন্ত্রীনা অকনবা ৱাফম থমখি। মীয়াম্না শরুক য়াবীবা অসি সরকারগী থৌনা হাপ্পীবনি, মদুনা ২০২২ ফাওবদা অনৌবা ভারত অমা শেম্বদা মতেং ওইরগনি হায়না মহাক্না অকনবা ৱাফম থমখি।