ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অহানবদা জম্মু অমসুং কশ্মীর রাজ্যগী ৱাংমদা লৈখিবা অদুগা হৌজিক অমুক হল্লক্তুনা জম্মু অমসুং কশ্মীরদা লৈরবা জম্মু অমসুং কশ্মীরগী য়ুম লৈত্রবা ইমুংশিং জম্মু অমসুং কশ্মীরগী প্রধান মন্ত্রীগী পেকেজ ২০১৫গী মখাদা পি.ও. জে.কে. অমসুং চাম্বাগী য়ুম লৈত্রবা ইমুংশিং খুন্দা লৈতানবা ২০১৬কী নবেম্বর ৩০দা মন্ত্রীমন্দলনা অয়াবা পীখিবা পেকেজ অদুদা ১৯৪৭গী কশ্মীরগী দি.পি. ইমুং ৫,৩০০ য়াওহনবা মন্ত্রীমন্দলনা য়ারে

কান্নবশিং :

অয়াবা পীখিবা অসিনা দি.পি. ইমুংশিং হৌজিক লৈরিবা স্কিম অসিগী মখাদা লুপা লাখ ৫.৫গী শেন্থং ফংবা য়ারগনি অমসুং হৌজিক লৈরিবা স্কিম অসিনা পান্দম থম্লিবা অসিগী মতুংইন্না লেংদবা ইনকম খরা ফংলগনি।

১৯৪৭দা পাকিস্থান্না জম্মু অমসুং কশ্মীরদা লান্দারকপদগী পাকিস্থানগী শরুক্তা লৈবা জম্মু অমসুং কশ্মীরদগী ইমুং ৩১,৬১৯ জম্মু অমসুং কশ্মীরদা লাকখি। মসিগী মনুংদা ইমুং ২৬,৩১৯ জম্মু অমসুং কশ্মীর লৈখি অমসুং অতৈ ইমুং ৫৩০০ ভারতকী অতৈ মফমশিংদা লৈখি। মখা তানা ১৯৬৫ অমসুং ১৯৭১গী ইন্দো-পাক লালশিংদা চাম্বানিয়াবাদ এরিয়াদগী ইমুং ১০,০৬৫ চেল্লকখি। মখোয় অসিগী মনুংদা ইমুং ৩,৫০০না ১৯৬৫গী লালদা অমসুং ইমুং ৬৫৬৫না ১৯৭১গী লালদা চেল্লকখি।

মতেং পীনবা মন্ত্রীমন্দলনা ২০১৬কী নবেম্বর ৩০দা অয়াবা পীখ্রবা ইমুং ৩৬,৩৮৪গী মনুংদা পি.ও. জে.কে.দগী লাকপা জম্মু অমসুং কশ্মীরদা লৈরিবা ইমুং ২৬,৩১৯ অমসুং চাম্বানিয়াবাদ এরিয়াদগী ইমুং ১০,০৬৫ য়াওরি। হায়রিবা অয়াবা পীখিবা পেকেজ অসিদা ভারতকী অতৈ মফমশিংদা লৈখিবা ইমুং ৫৩০০ য়াওদ্রি। মমাংদা জম্মু অমসুং কশ্মীরদগী চৎখিবা অদুগা হৌজিক অমুক জম্মু অমসুং কশ্মীরদা হল্লক্লবা ইমুং ৩৫০০ অসি পেকেজ অসিদা য়াওহল্লে।

জম্মু অমসুং কশ্মীরদা হল্লক্লবা ইমুং ৩৫০০ অসিগী হিংনবা থাগী শেন্থোক তানবা ঙম্নবা হৌজিক লৈরিবা স্কিম অসিনা মতেং পাংগনি। হায়রিবা ইমুংশিং অসি মতেং পীনবা দরকার ওইবা শেনফমশিং মমাংদা কাইথোক্তুনা লৈরবা ফন্দশিং অসিদগী শীজিন্নগনি।