ভারতকী প্রধানমন্ত্রী

অহুমলকশুবা ওইনা ভারতকী প্রধান মন্ত্রীগী ওফিস পায়রবা মতুংদা মালেমগী লুচিংবশিংনা থাগৎপগী পাউজেল পীরকপগীদমক প্রধান মন্ত্রী শ্রী নরেন্দ্র মোদীনা মালেমগী লুচিংবশিং থাগৎপা ফোঙদোকখ্রে। মালেমগী লুচিংবশিংগী পাউজেলশিং অমসুং তেলিফোন তৌরকপশিং প্রধান মন্ত্রী মোদীনা সোসিএল মেদিয়া প্লেতফোর্ম এক্সতা পাউখুম পীখি।

কিউবাগী রাস্ত্রপতি মিগুয়েল দাইজ-কানেল বর্মুদেজগী পোস্ত অমগী পাউখুমদা, প্রধান মন্ত্রীনা হায়খি;

“অদোমগী য়াইফ-পাউজেলগীদমক রাস্ত্রপতি দাইজ-কানেল তৌবীমল খঙবা উৎচরি। চহি কয়া শুরবা মীগা মীগা লৈনবা মরীদা য়ুম্ফম ওইবা কিউবাগা লৈনবা ঐখোয়গী লৈবাক অনিগী মরীশিং ফগৎহন্নবা ঐখোয়না থাজবা পীরি”।

পেরাগুৱেগী  রাস্ত্রপতি সান্তিয়াগো পেনাগী পোস্ত অমগী পাউখুমদা, প্রধান মন্ত্রীনা হায়খি;

“রাস্ত্রপতি সান্তিয়াগো পেনা অদোমগী পাউজেলশিং থাগৎচরি। ঐখোয়গী মীয়ামগী য়াইফনবা ঐখোয়না মখা তানা ভারত-পেরাগুৱেগী মরীশিং মখা তানা চাউখৎহনগনি”।

পানামাগী রাস্ত্রপতি লাউরেন্তিনো কোর্তিজোগী পোস্ত অমগী পাউখুমদা, প্রধান মন্ত্রীনা হায়খি;

“রাস্ত্রপতি নিতো কোর্তিজো অদোম থাগৎচরি। পানামা অসি মরুওইবা মরুপ অমনি। হিরম খুদিংমক্তা লৈবাক অনিমক কান্নবা ফংনবা মরীশিং মপাঙ্গল কনখৎহন্নবা ঐখোয় পুন্না থবক তৌমিন্নগনি”।

বুলগারিয়াগী রাস্ত্রপতি রুমেন রাদেবগী পোস্ত অমগী পাউখুমদা, প্রধান মন্ত্রীনা হায়খি;

“রাস্ত্রপতি রুমেন রাদেব অদোম থাগৎচরি। ভারত অমসুং বুলগারিয়াগী মরী হেন্না মপাঙ্গল কনখৎহন্নবা ঐখোয় মখা তানা থবক তৌমিন্নগনি”।

ওমানগী সুলতান হাইথাম বিন তারিক্কী ফোন কোল অমদা হরাওবা ফোঙদোক্লদুনা, প্রধান মন্ত্রীনা হায়খি;

“মহাক্কী কোলগীদমক ওমানগী সুলতান হাইথাম বিন তারিক থাগৎপা ফোঙদোকচরি অমসুং মহাক্কী য়াইফ-পাউজেল অমসুং মরুপ-মপাং ওইবগী ৱাহৈশিং থাগৎচরি। চহিচা কয়া শুরবা ভারত-ওমানগী মরীশিং অনৌবা থাকশিংদা পুখৎকনি”।

*****