ভারতকী প্রধানমন্ত্রী

অহানবা মক্তদা ময়াম্না ঐখোয়গী লৈবাক্কী থৌনা ফরবা জৱানশিংগী মীংদা ইশাগী মোবাইল ফোন লৌথোক্তুনা, মদুগী বেত্তরী ফ্লাস থাদুনা ঐখোয়না থৌনা ফরবশিংগী মফমদা ইকায় খুম্নবা উৎলসি। মীপুম খুদিংমক্কী মোবাইল ফোন বেত্তরী অদু থাদুনা থম্বীয়ু। ঐখোয় পুম্নমক্না ভারত ইমাগী মীংখৈ অহুমলক শোনমিন্নরশি।

থৌনা ফবা ভারতকীদমক

ভারত ইমানা – য়াইফরে

মায় পাক্লবা ভারতকীদমক

ভারত ইমানা – য়াইফরে

লৈবাক অসিগী থৌনা ফরবা জৱানশিংগীদমক্তা

ভারত ইমানা – য়াইফরে

ময়াম্বু হন্না–হন্না থাগৎপা ফোংদোকচরি।

মফম অসিদা থৱায় য়াওনা লেংবীরক্লিবা নুংশিজরবা ইচিল–ইনাও অমসুং ইচল–ইচেশিং।

ঙসিদি ৱাফম কয়া অমা ফোংদোক্নীংবগী অপাম্বা পোক্লি। ঙসি অহেমদবাদকী চাউখৎ–থৌরাংগীদমক, মফম অসিগী মীপুম খুদিংমক্কীদমক পুৱারী ওইরবা নুমিৎ অমনি। ঙাইহাক্কী মমাংদা অহেমদবাদ মেত্রোগী অহানবা ফেজ শঙ্গাখ্রে অমদি অনিশুবা ফেজকী উরেপ–উয়ুংসু তমখ্রে। অদুগা হৌজিক মফম অসিদা অহেমদবাদ খক্তগী নত্তনা, গুজরাত খক্তগী নত্তনা, লৈবাক অসিগী য়াম্না চাউবা হকশেলগী খুদোংচাবা হৌদোকখ্রে। অহেমদবাদকী পুন্সীদা অহোংবা পুরক্কদবা প্রোজেক্তশিং অসিগীদমক ঐহাক্না ময়াম পুম্নমকপু হন্না–হন্না নুংঙাইবা ফোংদোকচরি।

মরূপশিং, ঙসি ময়ামগী মংলান মংফাওনরিবা অদুগুম্না ঐহাক্কী মংলানসু মংফাওনরে। মফম অসিদা লাক্ত্রিঙৈ মমাংদা ঐহাক্না অহেমদবাদ মেত্রো তোংদুনা চৎখি। মতম অদুদা মীয়ামগী অকনবা পুক্নীং ইহুল অমদি মখোয়গী হরাও–তয়াম্বা অদু ফাউজখি, তশেংনা থম্মোইদা অপেনবা পোকখি। উত্তরায়ন্দা মীয়াম্না য়ুমথক্তা তেলঙ্গা পায়বগী মতৌ অদুগুম্না ঙসি মীয়াম্না য়ুমথক্তা লেপতুনা মখোয়গী মেত্রোবু তরাম্না ওকলম্মি। লম্বী মশাং অদুদা মী তিন্দবা য়ুমথক অমত্তা য়াওখিদে। অহেমদবাদ মীয়ামগী য়াম্না চাউবা মংলান ওইরিবা মেত্রো ঙসিদি অচুম্বা ওইররে।

মরূপশিং, অহানবা ফেজগী মেত্রোদি চেনবা হৌরে, অনিশুবা ফেজগী উরেপ–উয়ুংসু ঙসি তমখ্রে। থবক অমা লোইশিনবা অমদি অতোপ্পা অমা হৌবা, মসিসু ঐখোয়গী সরকারগী অতোপ্পা মগুন অমনি। থবক অমা লোইখ্রবা মতুংদা ঐখোয় তুমদুনা লৈতে, অনিশুবা থবক্কীদমক্তা ঐখোয় থৌরাং তৌই।

মরূপশিং, লৈবাক অসিদা ত্রান্সপোর্তকী খুদোংচাবা অসি ফংহন্নবগীদমক্তা ঐখোয়গী সরকারনা য়াম্না চেকশিন্না থবক তৌরি। ২০১৪গী মমাং রিমোৎ কন্ত্রোলগী সরকার লৈরিঙৈ মতম, ২০১৪ ফাওবদা লৈবাক অসিদা মেত্রোগী নেৎৱার্ক অসি শুপ্নতগী লৈবাক পুম্বদা কিলোমীতর ২৫০ খক্তমক ওইরম্মি। হৌজিক্তি লৈবাক অসিদা মেত্রোগী ওপরেস্নেল নেৎৱার্ক অসি চাউরাক্না কিলোমীতর ৬৫০ য়ৌরে। রিমোৎ কন্ত্রোলগী সরকারগী মতমদা ২৫০ অদুগা থা ৫৫দা ৬৫০। মসিদসু নত্তনা লৈবাক অসিগী তোঙান তোঙানবা মফমশিংদা চাউরাক্না কিলোমীতর ৮০০গী মেত্রো রুৎতা ঙসি ঙসিমক থবক চত্থরি। লাক্কদৌরিবা মতমশিংদা অর্বান ত্রান্সপোর্তেসন্দা কয়া য়াম্না অহোংবা পুরক্লগনি হায়বদু খনবীয়ু।

মরূপশিং, ঙাইহাক্কী মমাংদা ঐহাক্না কমন মোবিলিতী কার্দ অমসু হৌদোকখ্রে, লৈবাক মীয়ামদা খুৎশিন্নখ্রে অমদি প্রোগ্রাম অসিনা ঐহাক্না হিন্দুস্থান পুম্বদা অনৌবা মমল য়াম্বা পোৎ অমা পীরে। মসি মমুৎ তানা খঙবদা ময়াম্না নুংঙাইবা ফাওগনি। অদুগা মসি রুপে কার্দ অদুনা পাংথোক্কদবা থবক্নি। কার্দ অসিনা চত্থোক চৎশিন তৌবা মতমদা অদোমগী খুদোংচাদবা কয়া অমা কোকহল্লগনি। ওতোমেতিক ফেয়র কলেক্সন সিস্তেমগী থৌরাং তৌরে। অদুবু মসিদা খুদোংচাদবা অমসু লৈরম্মি মদুদি সিস্তেম অসি ভারতনা মীরমদগী চেনবা তারম্মি। তোঙান–তোঙানবা কম্পেনীশিংনা শেম–শাবা সিস্তেমশিংনা মরম ওইদুনা লৈবাক অসিদা ইন্তিগ্রেতেদ এরেঞ্জমেন্ত অমা দিবেলপ তৌবা ঙমলমদে। হায়বদি শহর অমগী কার্দ অতোপ্পা শহর অমদা শিজিন্নবা য়ারমদে। মায়োক্নরিবা অসি কোকহন্ননবগীদমক ঐখোয়গী সরকারনা অৱাংবা থাক্তা তাস্ক ফোর্স অমা শেমদুনা তেক্নোলোজীগী মীৎয়েংদা অনৌবা এচিবমেন্ত অমা ফংনবগীদমক থবক পায়খৎপা হৌখি। মন্ত্রালয় কয়া অমা, দিপার্তমেন্ত কয়া অমবু থবক অসিদা মথৌ তৌহনখি। বেঙ্কশিংসু শরুক য়াহনখি।

মরূপশিং, কয়ারক হন্না হোৎনরবা মতুং হৌজিক্তি লৈবাক অসিদা… হৌজিক্তি ময়ামনা হরাওফম থোকপনি… হৌজিক্তি লৈবাক অসিদা ৱান নেসন ৱান কার্দকী মংলান অদু মংফাওনরে। কমন মোবিলিতী কার্দনা অদোম্না পৈশাসু লৌথোকপা য়ারগনি, শোপিংসু তৌবা য়ারগনি অমদি লৈবাক্কী মফম পুম্নমক্তা, লৈবাক্কী মেত্রো অমা হেক্তা নত্ত্রগা ত্রান্সপোর্তকী অতোপ্পা থৌওংশিংদসু অদোমগী রুপে কার্দ অদুমক শিজিন্নবা য়ারগনি। হায়বদি হৌজিক অদোমদী রুপে দেবিত কার্দ অমসুং মোবিলিতী কার্দ অনিমক অমত্তা ওইনা পুনশিল্লে।

মরূপশিং ত্রান্সপোর্ত সেক্তরবু মপাঙ্গল কনখৎহন্নবা ঙসি… হৌজিক ঐহাক্না অশংবা ফিরাল হায়দুনা ত্রেন লমথাখিবা অদু ময়াম্না উবীরমগনি। ঙসি পাতন–ভালরী অনৌবা রেল লাইনগী শঙ্গাখ্রে অমদি আনন্দ–গোধরা রেলৱে লাইন দবলিংগী উরেপ–উয়ুংসু তমখি। ঐহাক্না পীক্লিবা মতমদগী এম.পি. খুদিংমক্না পাতন–ভালরী রেল লাইনগী ৱাফম ফোংদোক্লম্মি। অঙাং ওইরিঙৈ মতমদগী ঐহাক্না তাদুনা লাকখ্রে, অহানবা ওইনা থবক অসি পাংথোকলে। মমাংদা করম্না চৎলমগনি হায়বদু ময়াম্না হায়বীয়ু।

ইচিল–ইনাওশিং, গুজরাতকী দিবেলপমেনতপু হেন্না ৱাংবা থাক্তা পুখৎকদবা, গুজরাতপু চাং মান্ননা চাউখৎহন্নবা ঐখোয়গী সরকারনা কেন্দ্রদা ওইগেরা নত্ত্রগা রাজ্যদা ওইগেরা মশিং য়াম্লবা চাউখৎ–থৌরাংগী থবকশিং তৌদুনা মাংলোমদা চংশিল্লি। কেন্দ্রনা গুজরাতকী দরকার ওইবশিং অদু খঙনা চাউখৎ থৌরাংগী থৌরম কয়া অমা পায়খৎলি অমদি অচৌবা প্লানিং অমা তৌদুনা পায়খৎলি।

মরূপশিং, সরকারনা হোৎনরিবশিং অদুনা মরম ওইদুনা ঙসি গুজরাতকী ত্রাইবেল লমদমশিংগী সিকল সেল এনীমিয়া য়েংশিন্নবা স্ক্রীনিং পাংথোকখ্রে। মসিনা ত্রাইবেল মীয়াম্না মায়োক্নরিবা কয়া থেংনবদা মতেং ওইরে। সরকারনা ত্রাইবেল অঙাংশিংগী মহৈ–মশিংদসু অখন্নবা পু্ক্নীং চংলি। ময়াম্না খঙবীবদা অঙকপা ফাওগনি মদুদি ঐহাক্না মুখ্য মন্ত্রী ওইদ্রিঙৈ মমাংদা গুজরাতকী ত্রাইবেল লমদমশিংদা ক্লাস ১২ সাইন্সকী স্কুল অমা ফাওবা লৈরমদে। ঙসিদি মফমশিং অদুদা মেদিকেল কোলেজশিং শাগৎলে, য়ুনিবর্সিতীশিং শাগৎলে।

দীনবন্ধু কল্যান য়োজনাগী মখাদা মোদেল স্কুল, আশ্রম স্কুল, একলব্য স্কুল কয়া অমা শাখ্রে। হোস্তেল ১১০০ হেন্না লিংখৎতুনা ত্রাইবেল অঙাং লাখ অনি হেনবদা কান্নবা ফংহল্লে। মসিদসু নত্তনা নর্মদা জিলাদা লুপা কোতি ৩০০ চংনা বিরসামুন্দা ত্রাইবেল য়ুনিবর্সিতীসু লিংখৎখ্রে। ত্রাইবেল মহৈরোইশিংগীদমক সরকারনা অখন্নবা কোচিং ক্লাসশিংসু চত্থরি। মমাংদদি ত্রাইবেল মহৈরোইশিংগীদমক রিজার্ব তৌদুনা থম্বা মেদিকেলগী সিৎশিং হাংদুনা লৈরম্বা অদু ঙসিদি সিৎ অয়াম্বা মেন্সিনবা ঙম্লে।

মসিদসু নত্তনা সরকারনা তুরিজমগা মরী লৈনবা খুদোংচাবশিংসু দিবেলপ তৌরি। কেৱরিয়াদা স্তেচু ওফ য়ুনিতী, সর্দার বল্লবভাই পতেলগী মীতম অসি মালেম অসিগী খ্বাইদগী ৱাংবা মীতম্নি। মসিগী অৱাংবা অসি স্তেচু ওফ লিবর্তীগী শরুক অনীনি। মসিসু গুজরাতনা পাংথোকপা ঙম্লি অদুগা স্তেচু ওফ য়ুনিতী য়েংনবগীদমক্তা লৈবাক্কী মফম কয়াদা লাংতক্নরি হায়বা ময়াম্না খঙবীরিবা অদুনি। মতৌ অসুম্না সরকারনা রাজপিপ্লাদা ত্রাইবেল ম্যুজিয়মদসু খুমাং চাউশিন্না থবক চত্থরি।

ইচিল–ইনাওশিং, ঐখোয়না লৈবাক অসিবু ২১শুবা চহীচাদা অনৌবা থাক অমদা পুখৎপগা লোইননা ঐখোয়গী ওইবা লিরবা হেরিতেজশিংবু য়োকখৎপগী থবকসু চত্থরি। গান্ধীজীগী থুমগী সত্যগ্রহদা কত্থোক্লবা দান্দী মোনুমেন্ত হপ্তা খরগী মমাংদা শঙ্গাজনবগী খুদোংচাবা অদু ঐহাক্না ফংজখি।

মরূপশিং, অহেমদবাদ–মুম্বাই বুলেৎ ত্রেনগী থবকসু খোংজেল য়াংনা চংশিল্লি। ত্রেন অসিনা গুজরাতপু অনৌবা শক্তম অমা পীরগনি অমদি হিন্দুস্থানগী মীংচৎসু হেঙ্গৎহল্লগনি। লমদম অসিগী ইন্ত্রপ্রিনরশিংবু মুম্বাইগা কনেক্তিবিতী হেঙ্গৎহনবদা লায়থোকহল্লগনি।

ঙসি অহেমদবাদনা মেত্রোগী খুদোলদি ফংলে, মসিদসু নত্তনা বরোদরা–মুম্বাই এক্সপ্রেসনসু ময়াই থংবা গুজরাতকী মীয়াম অমসুং মফম অসিগী ইন্দস্ত্রীশিংদা য়াম্না চাউনা কান্নহল্লগনি, লোইননা সরকারনা সানন্দবু ওতোমোবাইল হব অমগুম দিবেলপ তৌনবা থবক পায়খৎলি, মদুমক ঘোলেরাবু ৱার্ল্দ ক্লাস কমর্সিয়েল হবকী মওংদা দিবেলপ তৌরি। মসিদা ঘোরেলা এয়রপোর্তসু য়াওরি। রাজকোত্তা গ্রীন ফীল্দ এয়রপোর্তকীদমক থবক চত্থরি।

ইচিল–ইনাওশিং, সেন্ত্রেল গুজরাতকী ঈশিংগী অৱাবশিং কোকহন্নবগীদমক সরকারনা কয়া অমা হোৎনদুনা নর্মদা দামগী থবক মপুং ফানা লোইশিলহল্লে অমদি মদুগা মরী লৈনবা ইথৈ–লৌখোংগী প্রোজেক্তশিংদসু খোংজেল য়াংনা থবক চত্থরি। সুজলাম–সুফলাম স্কীমগী মখাদসু প্রোজেক্ত কয়া অমা পায়খৎপা হৌরে। মসিনা মরম ওইদুনা অৱাং অমসুং ময়াই থংবা গুজরাতপু নর্মদাগী ঈশিংগী কান্নবা ফংলে।

মরূপশিং, ঙসিগী নুমিৎ অসি ঐহাক্কী ওইনা অখন্নবা নুমিৎ অমনি। ঙসি মেদি–সিতীগী পাকথোক চাউথোকহনবগী মংলান, অহেমদবাদকী মীয়াম্বু হেল্থ সর্বিস পুম্নমক য়ুমথক অমগী মখাদা ফংহন্নবা মংলান অদুসু মপুং ফারে। মফম অসিদা হোস্পিতাল মরি অমুক্তদা পুন্না শঙ্গাখ্রে। নুপী অমসুং অঙাংশিংগী ওইবা অখন্নবা সুপর স্পেসিয়েলিতী হোস্পিতাল অমা, কেন্সর হোস্পিতাল, মীৎকী হোস্পিতাল অমসুং দেন্তেল হোস্পিতাল মফম অমা খক্তদা মীয়ামগী সেবাগীদমক গুজরাত মীয়ামগী সেবাগীদমক থৌরাং তৌদুনা লৈরে।

মরূপশিং, অহেমদবাদকী চহী কয়া লীরবা সিবিল হোস্পিতালবু মেদি–সিতীগী মওংদা দিবেলপ তৌনবগীদমক ২০০৮দা থবক হৌখি। চহী তরাগী মনুংদা লৈবাক অসিগী খ্বাইদগী চাউবা হেল্থ কেয়ার ফেসিলিতী মেদি–সিতী অমগী মওং মতৌদা ঙসি মফম অসিদা শাবা লোইদুনা থৌরাং তৌদুনা লৈবা অসিদা ঐহাক নুংঙাইবা ফাওই। মসিগী স্কেল অসি য়েংবীয়ু, কেম্পস অসিদা নোংমদা দোক্তর, মেদিকেল মহৈরোই, পেরামেদিকেল স্তাফ, স্পোর্ত স্তাফ চাউরাক্না লিশিং ১০না নুমিৎ খুদিংগী অনাবা চাউরাক্না লিশিং ১০বু মফম অসিদা সর্বিস পীরগনি।

মরূপশিং, মীয়ামগী হকশেল অসি মতম পুম্নমক্তা ঐখোয়গী সরকারগী প্রায়োরিতী ওইরি। ঙসি অয়ুক ঐহাক্না জামনগরদসু ফমুং ৭০০ লৈবা হোস্পিতাল অমা শঙ্গাখি। অৱাং ওইগেরা, খা ওইগেরা, নোংপোক ওইগেরা নত্ত্রগা নোংচুপ, হকশেলগা মরী লৈনবা ইনফ্রাস্ত্রকচর অমসুং হেল্থ এজুকেসনগী ইন্সতিত্যুৎশিংদা মমাংদা ওইখিদ্রিবা মওংদা দিবেলপমেন্তশিং ঙসিদি লৈবাক অসিনা ফংবা ঙম্লে। ঙসি লৈবাক্কী মফম কয়াদা এইম্স ২২ শেমগৎ শাগৎপগী থবক চত্থরি।

মরূপশিং, লাইরবা অমদি লো মিদল ক্লাসকী মীওই কোতী কয়ানা লায়েংবগী চাদিংনা মরম ওইদুনা হোস্পিতালশিংদা চৎলমদে। লৈবাক পুম্বদা আয়ুশ্মান ভারত পি.এম–জে.এ.ৱাই., মীয়াম্না মসি মোদী কেয়রসু কৌনৈ। মসিগী কান্নবা ফংলবা কয়াগসু ঐহাক্না অদুমক উন্নজরি। ঙসিসু মফম অসিদা লাকচদ্রিঙৈ মমাংদা উনজরকই। আয়ুশ্মান ভারত য়োজনা অসি মখোয়গীদমক পুন্সি পীনবীবা ওইদুনা লাক্লি।

মরূপশিং, স্কিম অসি থা মঙা খক্তমক হেনবতা ঙায়রি, অদুবু হৌজিক ফাওবদা লাইরবা অনাবা লাখ ১৪ হেন্না লায়েংবা ফংহনখ্রে। ঙসিদি লাইরবদগী লাইরবসু অফবা মখলগী লায়েং পথাপ ফংহনবা ঙম্লে। ঙসিদি মসিনা লাইরবশিংবু অদুক্কী মতিক কান্নবা ফংহনবা ঙমহল্লিবা অসি কনানা মরম ওইদুনা ঙম্লিবনো? কনানা মরম ওইদুনা ঙম্লিবনো? মরূপশিং, মসি মোদীনা মরম ওইদুনা ওইথোকপা ঙমখিবা নত্তে, মসিদি মীয়াম্না ২০১৪দা অচুম্বা ৱারেপ লৌদুনা অচুম্বা মফমদা ভোৎ পীবীখিবা অদুননি। ২০১৪দা অদোম্না পুকচেল শেংবা অচেৎপা সরকার অমগী মাইকৈদা ভোৎ পীবীখি, মদুগী মহৈনা ঙসি লৈবাক অসিগী লাইরবা অমদি মিদল ক্লাসকী ইমুং–মনুংশিংনা মদুগী কান্নবা অদু ফংবা ঙম্লি।

ইচিল–ইনাওশিং, পুলৱামাগী থৌদোক্কী মতুংদা ঐহাক্না লৈবাক মীয়ামদা লাওথোকখি মদুদি লৈবাক মীয়ামগী থম্মোইদা চাক্লিবা মৈচাক অদুমক ঐহাক্কী থম্মোইদসু চাক্লি। মুম্বাইদা ২৬/১১গী থৌদোক থোকখি, মরাল লৈজদ্রবা মীওই কয়া হাৎখি। মরূপশিং ইফমদা খঙহনবীয়ু – তেরোরিস্তকী মায়োক্তা লান্থেংনগদ্রা নত্ত্রগা লান্থেংনরোইদ্রা? লৈবাক অসিদগী তেরোরিস্ত মরু ফংনা মুথৎকদ্রা নত্ত্রগা মুথৎলোইদ্রা? থবক অসি করম্বা পার্তীনা পাংথোকপা ঙমগনি হায়বদু ময়াম্না হায়বীয়ু? পুকচেল শেংনা হায়বীয়ু, কনানা পাংথোকপা ঙমগনি? ঙসিদি পাকিস্তানগী পাও–চেশিংগী হেদলাইন য়েংবীয়ু – ভারতকী লুচিংবনা ফোংদোকখিবা ৱাফম পুম্নমক পাকিস্তানগী পাও–চেগী হেদলাইন ওইরে। লুচিংবা অসিনা অসিগুম্লবা ৱাফমশিং ফোংদোক্লি হায়না পকিস্তানগী তি.ভি.দা উৎলি, পকিস্তানগী পর্লিয়ামেন্তা খন্ন–নৈনরি।

মসিবু লৈবাক্কী কান্ননবা থবক্লা? পকিস্তান্না হরাওদুনা খুবাক খুগদবা ৱাফমশিং অদোম্না হায়গদ্রা? লৈবাক অসিগী লান্মীশিংনা মথৌনা উৎখিবনি অদুগা ঐহাক মতম শাংনা ঙাইদুনা লৈবা ঙমদে। থি–থিদুনা পাওখুম পীবা অসি ঐহাক্কী হৌনশানি। কয়াম কুইনা মরাল লৈজদবা মীওইশিংবু হাৎহনখিগনি। মরূপশিং ইফমদা হায়বীয়ু, ময়াম্না ঐখোয়গী লৈবাক অসিগী লান্মীশিংদা থাজবা থম্বা নত্ত্রা? মখোয়গী ৱাফমদা থাজবা থম্বা নত্ত্রা? মখোয়না হায়রিবশিং অদুদা অদোম্না থাজবা থমলোইদ্রা? লান্মীনা হায়রিবা অদুদা ঐহাক্না থাজবা থমলোইদ্রা? অদুবু লান্মীগী ৱাফমদসু হরাওবা ফাওদবা মীওই খরা লৈরি।

মোদীগী ৱাফমদা থাজবা থমদ্রবসু লান্মীশিংগী মফমদদি থাজদবা তৌগনু। মখোয়গী মথৌনা মরিংজেলদদি দাগ লৈহনগনু। মখোয়না মথৱাই খুবাক্তা হাপতুনা লান্থেংনরি, মখোয়না লৈবাক্কীদমক শিবা–নাবা খঙদনা থোক্তুনা মায় পাকপা পুরক্তুনা লাক্লি। অদুগা অদোম্না তুম্ফম চাফম খঙদনা লৈরি। ঐখোয়গী চৎখিবা লান্মীশিং অদু, ঐখোয়না প্লান তৌরিবা অদু ওইদদুনা ওন্ন–তৈনবা থৌদোক থোক্লে হায়না লৌরসি, মতম অদুদনা মখোয়না করি হায়গদৌরিবা? করি তৌরক্কনি, ঐঙোন্দা হায়বীয়ু। কনাবু ফম থাদোক্নবা হায়গনি? মসি নত্তব্রা ইচিল–ইনাওশিং? ওইজবা থিবগী রাজনীতি অদু মখোয়না তৌরি।

মরূপশিং, হৌখিবা চহী মঙাদা ঐখোয়না অনৌবা ভরতকী য়ুমফম থোনখি, অনৌবা ভারতকী অনৌবা থৌরমশিং পাংথোক্নবা হোৎনখি। লৈবাক্কী কান্ননবা পুকচেল শেংনা অমসুং য়াম্না থাজনা মীপুম খুদিংমকপু থবক ফংহন্নবা হোৎনদুনা লাক্লি। লাক্কদৌরিবা চহী মঙা অসি হৌজিক্তি অনৌবা ভারতকী য়ুমফম অসিদা মমল য়াম্লবা ভারত শেম্নবা, অচেৎপা য়ুম অমা শানবা, অচেৎপা অপাম্বশিংগা লোইননা মাংলোমদা চংশিল্লি। ঐখোয় পুম্নমক মায়কৈ অসোমদা অমত্তা ওইনা মাংলোমদা চংশিনগনি। থাজবা অসিগা লোইননা ঐহাক্না ময়াম পুম্নমকপু ঙসি কান্নরবা স্কিম কয়া অমা ফংলিবা অদুগীদমক হন্না–হন্না নুংঙাইবা ফোংদোকচরি অমদি ময়াম্না পীনবীরিবা মীনুংশি অদুগীদমক ময়াম পুম্নমক ঐহাক্কা লোইননা হায়মিন্নরশি–

ভারত ইমানা – য়াইফরে

ভারত ইমানা – য়াইফরে

ভারত ইমানা – য়াইফরে

বন্দে – মাতরম

বন্দে – মাতরম

বন্দে – মাতরম

থাগৎচরি।