ভারতকী প্রধানমন্ত্রী

অসমদগী চহি ৩৫শুবা লায়রবা লৌমী ৱিজেন কালিতা কোক্তা য়াম্না শাথিনা শোকখি। মহাক কামরুপ মেত্রো হোস্পিতালদা পুখৎপা মতমদা মহাক মী মশক খঙখিদে অমসুং য়াম্না নাখি। কুপ্না থিজিল্লবা মতুংদা মহাক সবদুরেল হেমাতোমা হায়বদি মহাক নিউরোসর্জরী, ক্রানিওপ্লাস্তী অমসুং একজোজেনস গ্রাফ পাংথোকপা দরকার ওইখি।

কালিতা শেন-থুমগী ফিবম ফত্তবনা মরম ওইদুনা মহাক্কী ইমুংনা অসিগুম্বা শেন য়াম্না চংবা লায়েং অসি পাংথোকপা ঙমদবগী ফিবমদা লৈখি।

মখোয়না অয়ুশ্মান ভারত-পি.এম.জে.এ.ৱাই.গী মতাংদা খঙবদগী মখোয় ইমুং অদু থাজবা অমা ফংখি অমসুং মসিগী মখাদা লেম্না লায়েংখি।

স্কিম অসি মখোয়গুম্বা লায়রবা মীওইশিংগী থৌজাল অমনি হায়না কালিতানা খনখি।

ঙসি মহাক মশা ফবা মীওই অমা ওইরে অমসুং মালেমদা খ্বাইদগী চাউবা হকশেলগী স্কিম অসিগী মতাংদা শন্দোক্না তাক্নবা প্রধান মন্ত্রীগা উনবগী কান্নবা ফংলবা মীওই ৩১গী মনুংদা অমা ওইরে।

চহি অমগী মমাংদা ২০১৮দা লিংখৎখিবা, মালেমদা খ্বাইদগী চাউবা হেল্থ ইন্সুরেন্স স্কিম অসিনা লৈবাক অসিগী লায়রবা মীওই ক্রোর ১০.৭৪ হেন্না ইরাই লাইনা মেদিকেলগী খুদোংচাবশিং ফংহন্নবা পান্দম থমলি।

হৌখিবা চহিদা কালিতাগুম্বা অনাবা ৫০,০০০ হেন্না অয়ুশ্মান ভারত য়োজনাগী মখাদা অসিগুম্বা খুদোংচাবশিং ফংখি।

অয়ুশ্মান ভারত প্রধান মন্ত্রী জন অরোগ্য (পি.এম.-জে.এ.ৱাই.)গী মখাদা হোস্পিতাল ১৬,০৮ হেন্না ইমপেনেল্দ তৌরে, বেনিফিসরী লাখ ৪১ হেন্না লায়েংলে অমসুং ই-কার্দ ক্রোর ১০ হেন্না পীখ্রে।

অয়ুশ্মান ভারতকী মখাদা লৈবাক শীনবা থুংনা হেল্থ এন্দ ৱেলনেস সেন্তর ২০,৭০০ হেন্না থবক পাংথোক্লে।

***