ভারতকী প্রধানমন্ত্রী

অন্দমান অমসুং নিকোবরদগী চহি ৫২শুরবা রতন বরাই লায়রবা ইমুং অমদগী হৌরকখি অমসুং মায়োকার্দিয়েল ইনফ্রেক্সন্না নাখি।

ওইথংবা থবাক্ত নাবা অমসুং হুমাং কন্না শৌবদগী মহাক পোর্ত ব্লেয়রদা লৈবা জি.বি.পন্ত হোস্পিতালদা মিং চনখি। মহাক দাইবেতিস মেল্লাইতসসু নাখি। থিজিনবদা এক্যুৎ এন্তেরিয়র ৱাল মায়োকার্দিয়েল ইনফ্রেক্সন্নি হায়বা খঙখি। লায়েংবদগী মহাক হকচাংগী ফিবম লেংদনা লৈখি অমসুং তুংদা মখা তানা লায়েংনবা কার্দিওলোজিস্ত অমদা থাখি।

মতম অদুদা অন্দমান অমসুং নিকোবর ঈথৎশিংদা থম্মোইগী অনাবশিং লায়েংনবা খুদোংচাবা অমতা লৈরমদে, অসিগুম্বা অনাবশিং লায়েংনবা ভারতকী কোলকতা অমসুং চেন্নইগুম্বা শহরশিংদা চৎনৈ।

রতন বরাইগী ওইনা মহাক শেন মতিক চানা লৈতবদগী মসি পাংথোকপা ঙমখিদে।

অদুবু মহাক্না অয়ুশ্মান ভারত-পি.এম.জে.এ.ৱাই.গী মখাদা কেসলেস ইন্সুরেন্সগী খুৎথাংদা লায়েংবা য়াই হায়বা খঙবদগী মসিনা মহাক্কী পুন্সিদা অনৌবা মঙাল অমা পীখি। মসিগী মতেংগা লোয়ননা মহাক্না লেম্না লায়েংবা ফংখি।

ঙসি মহাক মশা ফবা মীওই অমা ওইরে অমসুং মালেমদা খ্বাইদগী চাউবা হকশেলগী স্কিম অসিগী মতাংদা শন্দোক্না তাক্নবা প্রধান মন্ত্রী উনবা কান্নবা ফংলবা মীওই ৩১গী মনুংদা অমা ওইরে।

চহি অমগী মমাংদা ২০১৮দা লিংখৎখিবা, মালেমদা খ্বাইদগী চাউবা হেল্থ ইন্সুরেন্স স্কিম অসিনা লৈবাক অসিগী লায়রবা মীওই ক্রোর ১০.৭৪ হেন্না ইরাই লাইনা মেদিকেলগী খুদোংচাবশিং ফংহন্নবা পান্দম থমলি।

হৌখিবা চহিদা রতনগুম্বা অনাবা ৫০,০০০ হেন্না অয়ুশ্মান ভারত য়োজনাগী মখাদা অসিগুম্বা খুদোংচাবশিং ফংখি।

অয়ুশ্মান ভারত প্রধান মন্ত্রী জন অরোগ্য (পি.এম.-জে.এ.ৱাই.)গী মখাদা হোস্পিতাল ১৬,০৮ হেন্না ইমপেনেল্দ তৌরে, বেনিফিসরী লাখ ৪১ হেন্না লায়েংলে অমসুং ই-কার্দ ক্রোর ১০ হেন্না পীখ্রে।

অয়ুশ্মান ভারতকী মখাদা লৈবাক শীনবা থুংনা হেল্থ এন্দ ৱেলনেস সেন্তর ২০,৭০০ হেন্না থবক পাংথোক্লে।