ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা আইন্না য়াদবা মওংদা অমসুং নারোন্দা নারকোতিক দ্রগশিং, ময়াই কাবা পোৎলমশিং অমসুং কেমিকেলশিং পুথোক-পুশিনবা তৌবা থিংনবা ভারত অমসুং সাউদী অরাবিয়াগী মরক্তা তৌনবা এম.ও.য়ু.শিংদা খুৎয়েক পীননবা অয়াবা পীরে।

কান্নবশিং:

• য়ুনাইতেদ নেসন্স ইন্তর্নেস্নেল দ্রগ কন্ত্রোল কনভেন্সন্সকী মতুংইন্না আইন্না য়াদবা মওংদা অমসুং নারোন্দা নারকোতিক দ্রগশিং, ময়াই কাবা পোৎলমশিং অমসুং কেমিকেলশিং পুথোক-পুশিনবা তৌবা থিংনবা লৈবাক অনিগী মরক্তা মতেং পাংনবদা এম.ও.য়ু. অসিনা মতেং পাংগনি অমসুং হেনগৎহনগনি।

• এম.ও.য়ু. অসিগী মখাদা, দ্রগশিং, ময়াই কাবা পোৎলমশিং অমসুং কেমিকেলশিং পুথোক-পুশিনবা তৌবগী মওংশিংগী ই-পাউ পীথোক পীশিন তৌনগনি অমসুং দ্রগশিংগা মরি লৈননা ফারবশিংগী শেন-থুমগী অকুপ্পা মরোলশিং পীথোক-পীশিন তৌনগনি।

• এম.ও.য়ু. অসিগী মখাদা, দ্রগশিং, ময়াই কাবা পোৎলমশিং অমসুং কেমিকেলশিং পুথোক-পুশিনবা তৌবগী ফারবা মীওইশিংগী পাউ লৈবাক অমনা অমদা খঙহনগনি অমসুং ফারবা মীওই অদু কন্সুলর উনবগী খুদোংচাবা ফংহনগনি।

• লৈবাক অনিগী মনুংদা অমদা ফারবা দ্রগশিং, ময়াই কাবা পোৎলমশিং অমসুং কেমিকেলশিংগী কেমিকেল রিপোর্তশিং অমসুং মখোয়গী তেক্নিকেল ওইবা অকুপ্পা ৱারোলশিং অমসুং আইন্না য়াদবা লেবোরেতোরীশিংগী ই-পাউ পীথোক পীশিন তৌনগনি।

নুংগী ৱারোলঃ

আইন্না য়াদনা দ্রগ পুথোক-পুশিন তৌবা অসি মালেমগী ওইনা অরোনবা ললোন-ইতিক্কী থবক অমনি। মরুওইনা অফগানিস্থান ফাওদুনা য়াম্লবা দ্রগশিং শুংবা অমসুং পুথোক-পুশিন তৌবা অসি নহারোলশিংনা দ্রগ শীজিন্নবা হেনগৎহল্লি অমসুং মীয়ামগী হকশেল মাংহনবা অমসুং খুন্নাইদা ফত্তবা তৌবা হেনগৎহল্লি। মালেম শীনবা থুংনা দ্রগশিং, ময়াই কাবা পোৎলমশিং অমসুং কেমিকেলশিং পুথোক-পুশিনবা তৌবা অসিনা লালহৌবা অমসুং তেরোরিজম হেনগৎহল্লি। নারকো তেরোরিস্তশিং অমসুং মালেমগী ক্রিমিনেল লুপশিংনা আইন্না য়াদনা দ্রগ ললোন-ইতিক চৎথবা অসি হৌজিক মালেমগী লৈবাক কয়াগী শিংনবা অমা ওইরে।

***