ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইনফোর্মেশন কমুনিকেসন তেক্নোলোজি এণ্ড ইলেক্ত্রোনিক্সকী লমদা পুন্না থবক তৌমিন্ননবা ভারত অমসুং বেলজিয়মগী মরক্তা মেমোরেন্দম ওফ অন্দর্সতেন্দিং অদু চৎনহনবদা অয়াবা পিখ্রে । এমওয়ু অসি ইং ২০১৭ কী নবেম্বর ৭ তা বেলজিয়মগী নিংথৌ ফিলিপকী স্তেত ভিজিত মনুংদা খুৎয়েক পিনখিবনি ।
এমওয়ু অসিনা ভারত অমসুং বেলজিয়মগী মরক্তা আইসিতিএণ্ডই পোলিসি; দিজিতেল এজেন্দা তেক্নোলোজি অমসুং রিসার্স; ই-গবর্নান্স এণ্ড ই-পব্লিক সর্বিস দেলিবরি, কনফরেন্সশিংদা শরুক য়াবা, স্তদি ভিজিতশিং অমসুং এক্সপার্তশিং একচেঞ্জ তৌনবা, সাইবর সেক্যুরিতী অমসুং দাতা এদিক্বেসিগী ইশুশিং রিজোলব তৌবা, মার্কেত এসেস, ত্রেদ অমসুং সর্বিসেসকী লমদা বেস্ত প্রেক্তিসশিং সেয়ার তৌবা য়াওনা পুন্না থবক তৌমিন্নরনি ।

য়ুমফম:

মিনিস্ত্রী ওফ ইলেক্ত্রোনিক্স এণ্ড ইনফোর্মেশন তেক্নোলোজি (মৈতি)না বাইলেতরেল অমসুং মল্তিলেতরেল আইসিতি কোওপরেসন থৌগৎনবগীদমক লৈবাক কয়াগা লোইননা পুন্না থবক তৌমিন্নরি । আইসিতি, হৌজিক্কী নোলেজকী য়ুগ অসিদা, ইকোনোমিক গ্রোথ থৌগৎপদা লোয়ন লোয়ননা লৈবাক অমগী ইকোনোমিক অমসুং সোসিএল দিবেলপমেন্তকী অতোপ্পা দাইমেন্সনশিংদা মরুওইবা থৌদাং অমা লৌনবা মচাকশিং অদু লৈরি । আইসিতিগী লমদা নক্ননা থবক তৌমিন্নবা অমসুং ই-পাও পীথোক পীশিন তৌনবা হেঙ্গৎহন্নবা মৈতিনা তোঙান তোঙানবা লৈবাকশিংগী মান্নবা ওর্গনাইজেশনশিং/এজেন্সিশিংগা লোইননা এমএয়ু/য়ান্নচেশিং চৎথরি । ভারত সরকারনা পায়খৎলিবা দিজিতেল ইন্দিয়া, মেক ইন ইন্দিয়াগুম্বা অনৌবা খোংথাংশিংদা মরুওইনা মীৎয়েং থম্দুনা তোঙান তোঙানবা লৈবাকশিংগা লোয়ননা কোওপরেসন মখা তানা চৎথরি ।

ভারত অমসুং বেলজিয়মনা নুংশি চান্ননা লোইনরি । য়ুরোপিয়ান য়ুনিয়নদা ভারতকী অনিশুবা খ্বাইদগী চাওবা পার্তনর অসি বেলজিয়মনা ওইরি । ই-গবর্নান্স অমসুং ইলেক্ত্রোনিক আইদি কার্দ অমদি তেক্স ওন ৱেব অসিনচিংবা লমশিংদা বেলজিয়ম অসি হৈথোই শিংথোইবা ওইরি । ইয়ু শরুক য়ান্নবা ২০১৬ কী মার্চ থাদা চৎখিবা প্রধানমন্ত্রীগী ব্রুসেল খোংচৎ অদুদা ভারত অমসুং বেলজিয়মগী মরক্তা আইতি অমসুং ইলেক্ত্রোনিক্স সেক্তরদা এমওয়ু খুৎয়েক পিন্ননবা য়ান্নখি । মদুগী মখা তারকপদা, ইলেক্ত্রোনিক্স অমসুং ইনফোর্মেশন তেক্নোলোজিগী মন্ত্রীনা হিজ এক্সেলেন্সি মিস্তর অলেকজেন্দর দে ক্রু, দিপুতি প্রাইম মিনিস্তর অমসুং দিবেলপমেন্ত কোওপরেসন, দিজিতেল এজেন্দা, তেলেকোম এণ্ড পোস্তেল সর্বিস ওফ বেলজিয়মগী মন্ত্রীনা লুচিংবা মীহুৎ কাংবু অমগা লোইননা ম্যুচেল ইন্তরেস্তকী লমশিংদা ইং ২০১৭ কী ফেব্রুৱারি ৭ তা মীফম অমা পাংথোকখি । মীফম অদুগী মনুংদা, নাকল অনিমক্না দিজিতেল ইন্দিয়া অমসুং দিজিতেল বেলজিয়মদা পুন্না থবক তৌমিন্ননবা য়ান্নখি ।

***