ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদী ঙসি কেরলাগী কোচিদা চৎখ্রে অমদি রাজ্য অসিদা তোঙান তোঙানবা প্রোজেক্তশিং জাতিদা খুৎশিন্নখ্রে অমসুং উরেপ উয়ুং তমখ্রে।

জাতিদা খুৎশিন্নখিবা প্রোজেক্তশিংগী মনুংদা কোচিদা ইন্তিগ্রেতেদ রিফাইনরী এক্সপান্সিয়ন প্রোজেক্ত কমপ্লেক্স (আই.আর.ই.পি.) য়াওরি। আই.আর.ই.পি. অসি ৱার্ল্দ ক্লাস স্তেন্দর্দকা লোয়ননা ভারত্তা খ্বাইদগী চাউবা পি.এস.য়ু. রিফাইনরী ওইনা ত্রান্সফোর্ম তৌরগনি। মসিনা ভারতকীদমক হেন্না শেংবা ফ্যুয়েল পুথোক্নবা মচাক লৈরগনি। মসিনা এল.পি.জি. অমসুং দিজলগী পোত্থোখ শরুক অনি ওইহল্লগনি।

আই.আর.ই.পি. কমপ্লেক্স শঙ্গারদুনা প্রধান মন্ত্রীনা হায়খি, “ঙসি কেরলাগী খ্বাইদগী চাউবা ইন্দস্ত্রীয়েল য়ুনিৎনা মসিগী দিবেলপমেন্তকী মথংগী ফেজদা চংলকপা অসি পুৱারী ওইরবা নুমীৎ অমনি। মসিনা লাইরৈবাক অসিগী চাউথোকচনীংঙায় মীকুপ নত্তনা লৈবাক পুম্নমক্কী চাউথোকচনীংঙায় মীকুপ্নি।” মহাক্না ভারত পেত্রোলিয়ম কোর্পোরেসন লিমিতেদ (বি.পি.সি.এল.) কোচিবু হৌখিবা চহী ৫০ হেনবা অসিদা কেরলা অমসুং য়ুম্লোন্নবা রাজ্যশিংদা ক্লিন ফ্যুএল পোপুলর ওইহনবগীদমকসু থাগৎপা ফোংদোকখি। 

সরকারগী খোংথাংশিংগী মতাংদা পল্লদুনা প্রধান মন্ত্রীনা হায়খি মদুদি উজ্জ্বলানা মীওই কয়া অমদা য়াইফহল্লে অমসুং ২০১৬কী মে থাদগী লায়রবদগী লায়রবা ইমুংশিংদা চাউরাক্না এল.পি.জি. কনেক্সন কোতি তরুক হেন্না ফংহনখ্রে। এল.পি.জি. কঞ্জুমর কোতি ২৩ হেনবনা পহল স্কিমদা শরুক য়ারে। স্কিম অসিদা ত্রান্সপরেন্সী ওইহনবনা ঘোস্ত একাউন্তশিং, মল্তিপল একাউন্তশিং অমসুং ইনএক্তিব একাউন্তশিং মশক খংদোকপদা মতেং ওইরে। কস্তমর কোতি ১ হেনবনা গিব ইত অপ ইনিসিয়েতিবকী মখাদা এল.পি.জি. সবসিদীশিং হন্দোক্লে। প্রধান মন্ত্রীনা কোচি রিফাইনরিগী থৌদাংবু থাগৎপা ফোংদোকখি অমসুং হন্দক্তা পাকথোক চাউথোকহনখিবগী মতেংগা লোয়ননা এল.পি.জি. পুথোকপা শরুক অনি ওইহন্দুনা উজ্জ্বলা য়োজনাগী মায়কৈদা অচৌবা থৌদাং অমা লৌরে হায়খি। 

প্রধান মন্ত্রীনা হায়খি মদুদি ক্লিন ফ্যুএল অমা ওইরিবা সি.এন.জি. শিজিন্নবা অসি লৈবাক অসিদা সিতী গ্যাস দিস্ত্রীব্যুসন (সি.জি.দি.)গী কোবরেজ পাকথোক চাউথোকহন্দুনা প্রমোৎ তৌরি। সি.জি.দি. বিদ্দিং রাউন্দ ১০ মায় পাক্না পায়খৎলবা মতুংদা লৈবাক অসিগী জিলা ৪০০ হেন্না পাইপ গ্যাস সপ্লাই ফংহন্নবা শম্নহল্লগনি।

গ্যাসতা য়ুমফম ওইবা ইকোনোমী লৈনবা অমসুং ইনর্জী বাস্কেৎতা গ্যাসকী সেয়ার হেঙ্গৎহন্নবা দি নেস্নেল গ্যাস গ্রিদ নত্রগা প্রধান মন্ত্রী উর্জা গঙ্গাসু লিংখৎলে।

প্রধান মন্ত্রীনা হায়খি মদুদি ভারত অসি এসিয়াদা অনিশুবা খ্বাইদগী চাউবা ওইল রিফাইনর ওইবনা রিফাইনিং হব অমগুম শাফোংলক্লি। আই.আর.ই.পি.বু মতম চানা লোইশিনবগীদমক মহাক্না অখন্ননা কন্সত্রক্সন মনুংদা অয়ুক নুমিদাং খাক্তনা থবক শুখিবা লেবরশিং য়াওনা পুম্নমকপু নুঙাইবা ফোংদোকখি। মহাক্না হায়খি মদুদি প্রোজেক্ত অসি মপুং ফানা পায়খৎপদা শিন্মী ২০,০০০ হেনবনা সাইত অসিদা থবক শুখি অমদি মখোয় প্রোজেক্ত অসিগী অশেংবা হেরোশিংনি।

প্রোজেক্ত অসিগী খুত্থাংদা নন ফ্যুএল সেক্তরদা মখল মখল খায়দোক্নবা বি.পি.সি.এল.গী স্ত্রেতেজিক ওইবা খোংথাং অদু মহাক্না থাগৎখি। মহাক্না হায়খি, মরূপশিং, পেত্রোকেমিকেলশিং অসি কেমিকেলশিংগী গ্রেদ অমনি মদুদা ঐখোয়না কয়া ঙাংনদে। অদুবু মখোয়না উবা ফংদবা মওংদা থোরকই অমসুং ঐখোয়গী নুংতিগী এস্পেক্ত কয়াদা শোক্না শম্নরকই। অদুম ওইনমক মসিগী কেমিকেলশিং অসি অয়াম্বনা অতোপ্পা লৈপাকশিংদগী পুশিনলকই।

মহাক্না নুঙাইবা ফোংদোকখি মদুদি কোচি রিফাইনরী অসিনা হৌজিক প্রোপাইলিন পুথোকপা ঙমহল্লগনি। অতোপ্পা নিচ পেত্রোকেমিকেলশিংগী মথক্তা পেন্তস, ইন্ক্স, কোতিং, দিতর্জেন্ত অমদি অতোপ্পা পোৎলম কয়া অমা অসিনচিংবা তোঙানবা পোত্থোকশিংদা শিজিন্নরগনি।

প্রধান মন্ত্রীনা হায়খি মদুদি কোচি রিফাইনরিগী থবক্তা জাতি অসিনা চাউথোকচরি। মমাং চহীগী ওগস্ত থাদা চহী ১০০গী মনুংদা থোকখিবা খ্বাইদগী তমথিবা ইচাউ কেরলানা মায়োক্নরিঙৈ মতমদা বি.পি.সি.এল.না পেত্রোল, দুজল অমসুং এল.পি.জি. লেপ্পা লৈতনা পুথোক্নবা খুদোংচাদবা কয়াগী মরক্তা কোয়চেন চেনখিবা অদু মহাক্না নৌহৌনা নিংশিংখি। জাতিবু শেমগৎপগী মায়কৈদা কোচি রিফাইনরিগী থৌদাংদা ঐখোয়না চাউথোকচৈ অদুবু হৌজিক্তি ঐখোয়না অহেনবা আশা তৌরি হায়না মহাক্না মখা তাখি। কোচি রিফাইনরীনা খা ভারত্তা পেত্রোকেমিকেল রিভোলুসন অমা লুচিংলগনি অমদি অনৌবা ভারতকী মথৌতাবশিং অদু ফংহনবদা মতেং ওইরগনি হায়না প্রধান মন্ত্রীনা য়াইফ পাওজেল পীখি।

প্রধান মন্ত্রীনা ইত্তুমানুরদা বি.পি.সি.এল.না লিংখৎপা স্কিল দিবেলপমেন্ত ইন্সতিত্যুৎকী অনিশুবা কেম্পসকী উরেপ উয়ুং তমখি। মসিনা স্কিল দিবেলপমেন্তদা মতেং ওইরগনি অমদি নহাশিংদা থবক ফংহন্নবগী খুদোংচাবা ফংহল্লগনি হায়না মহাক্না হায়খি।

প্রধান মন্ত্রীনা ইন্দিয়ান ওইলনা মসিগী কোচি এল.পি.জি. বেজ বোত্তলিং প্লান্তদা লুপা কোতি ৫০ চংনা শাবা মোন্দেদ স্তোরেজ ফেসিলিতী জাতিদা খুৎশিন্নখি। মসিনা এ.পি.জি. স্তোরেজ কেপাসিতী হেঙ্গৎহল্লগনি অমদি এ.পি.জি. তেঙ্করশিংগী লম্বীগী চৎথোক চৎশিনসু হন্থহল্লগনি।