ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা আর্থ সাইন্সগী লমদা ভারত অমসুং য়ু এস এগী মরক্তা সাইন্তিফিক অমসুং তেক্নিকেল কোওপরেসন পীননবা এম ও য়ু অদু অয়াবা পীরে। এম ও য়ু অদু ২০১৮গী নবেম্বর ১দা খুৎয়েক পীনখিবনি।

ভারত অমসুং য়ু এস এগী মরক্ত মতেং পীনবা অসিনা লৈবাক অনিগী লুপশিংগী লৈরিবা লৌশিং কয়া পীথোক-পীশিন তৌনগনি অমসুং আর্থ সাইন্সগী লমদা খ্বাইদগী নৌবা তেক্নোলোজীশিং শীজিন্নগনি। অখন্নবা হিরমশিং হায়বদি, ইকোসিস্তেম, ক্লাইমেত, লম শীজিন্নবা, ইনর্জী, মিনরেল, অকোয়বগী ফিবম, হকশেল, মহৌশাগী অমাং-অতা, ঈশিং ফংফম, ইনফোর্মেতিক্স অমসুং দেতা ইন্তিগ্রেসনগী মতাংদা মতেং পীনগনি। এম ও য়ু অসিগী মখাদা মতেং পীনবগী মওংশিংদি তেক্নিকেলগী ই-পাউ পীথোক-পীশিন তৌনবা, চৎথোক-চৎশিন তৌনবা, ত্রেনিং অমসুং কোওপরেতিপ রিসর্সনি। মতেং পীনবা অসি মথক্কী হিরমশিং অসিদা লৈবাক অনিনা হৌজিক চৎথরিবা থবকশিংদা ওইগনি।