ভারতকী প্রধানমন্ত্রী

আয়ুশ্মান ভারত স্কিমগী মখাদা মীওই লাখ ৫০ হেন্না কান্নবা ফংহল্লিবা অনা-লায়েংগী লমদা ভারতকী অচৌবা মাইপাকপা অমা ওইরিবা থবকশিং প্রধান মন্ত্রী নরেন্দ্র মোদীনা থাগৎখ্রে।

মহাক্না হায়খি, মশা ফবা ভারত অমা ওইহন্নবা খোঙচৎতা মরুওইবা অমনি! আয়ুশ্মান ভারতকী মখাদা চহি অমদা মীওই লাখ ৫০ হেন্না লেম্না লায়েংবগী খুদোংচাবা ফংবা অসি ভারত মচা খুদিংমক্কী চাউথোকচবনি। অনাবা ফহনবা খক নত্তনা স্কিম অসিনা ভারত মচা কয়া থৌনা হাপ্লে।

চহি অমগী মমাংদা ২০১৮দা লিংখৎখিবা মালেমদা খ্বাইদগী চাউবা হেল্থ ইন্সুরেন্স স্কিম আয়ুশ্মান ভারত অসিনা লৈবাক অসিগী লায়রবা মীওই ক্রোর ১০.৭৪ হেন্না লাইনা মেদিকেলগী খুদোংচাবশিং ফংহন্নবা পান্দম থম্লি।

আয়ুশ্মান ভারত প্রধান মন্ত্রী জন অরোগ্যা (পি.এম.-জে.এ.ৱাই.)গী মখাদা হোস্পিতাল ১৬,০৮৫ ইমপেনেল তৌরে অমসুং ই-কার্দস ক্রোর ১০ হেন্না পীরে।

আয়ুশ্মান ভারতকী মখাদা লৈবাক শীনবা থুংনা হেল্থ এন্দ ৱেলনেস সেন্তর ১৭,১৫০ রোম থবক হৌরে।