ভারতকী প্রধানমন্ত্রী

মিস কৃস্তালিনা জিওর্জিভা, সিইও, ৱার্ল্দ বেঙ্ক; কাউন্সিল ওফ মিনিস্তরদা ঐহাক্কী মরুপশিং; মকোকথোংবা ওফিসিয়েলশিং, বিজিনেসকী লুচিংবশিং; ইচল ইচে অমসুং মরুপ মপাংশিং!

ঙসি অসি গুরু পর্বগী শেংলবা তঞ্জা অমনি । গুরু নানক দেবজীবু অমুক হন্না নিংশিংবনা লৈবাক অসিগী অপুনবা শক্তম অমসুং অচুম্বনা থল্লবা পুন্সিগীদমক থৌনা পিরি । চহি অনিগী মতুংদা গুরু নানক দেবজীগী ৫৫০ শুবা শাফোংলকপগী কুমোন পালন পাংথোক্নবা মীওইবা জাতি পুম্নমক্তা খুদোংচাবা অদু ফংলগনি । অসিগুম্লবা জগৎকী গুরু অসিবু খুরুমজদুনা ঐহাক্না ময়াম পুম্নমক্তশু য়াইফ পাওজেল পিজরি ।

ঙসি মফম অসিদা লাকপা ফংজবা অসি ঐহাক য়াম্না নুঙাইজৈ । মফম অসিদা সেলেব্রেসনগী নিংথিরবা মুদ অমা ঐঙোন্দা লৈরি । ইজ ওফ দুইং বিজিনেস হেন্না ফগৎনবগী মায়কৈদা ঐখোয়না পাংথোক্লিবা অঙকপা থবকশিং অদু ৱার্ল্দ বেঙ্কনা শকখংবিরে । হৌজিক ঐখোয় দুইং বিজিনেস রেঙ্কিংদা মকোকথোংবা চামগী মনুং চল্লে । চহি অহুমগী অতেনবা মতম অসিদা ঐখোয়না নিফুনিথোই শুবা রেঙ্কতা লৈরে ।

মসিগী নুঙাইরবা থৌরম অসিদা মিসেজ কৃস্তালিনা জিওর্জিভানা শরুক য়াবিবগীদমক ঐহাক্না থাগৎচরি । মসিনা সোসাইতি অমসুং ইকোনোমীদা কান্নগদবা অদুগুম্বা রিফোর্মশিং পায়খৎপদা লৈবাক অসিবু পুক্নিং থৌগৎনবা ৱার্ল্দ বেঙ্ককী কমিতমেন্ত অদু উৎলরে । ঙসি মহাক্না শরুক য়াবা অসিনা লাক্কদৌরিবা নুমীৎশিং অমসুং থাবুমশিংদা হান্নদগী হেন্না ফগৎনা তৌহনবদা ঐখোয়গী তিমবু মোতিবেত তৌরগনি ।

হৌখিবা চহি অহুমদগী, ঐহাক্না দোমেস্তিক অমসুং ফোরেন ইনভেস্তর কমুনিতীদা তোয়না হায়দুনা লাক্লি মদুদি ভারত্তা লৈবা ঐখোয়না ইজ ওফ দুইং বিজিনেস হেনগৎহন্নবা থমোয় শেংনা হোৎনরি ।

অমসুং মরূপশিং! ভারতনা হায়দোকখিবা অদুদা চৎলি । চহি অসিদা, ভারতকী রেঙ্কিং চোংখৎলকপা অসি খ্বাইদগী ৱাংবনি । ভারত অসি মকোকথোংবা রিফোর্মরশিংগী মরক্তা অমা ওইনা শকখংলে । মসিগীদমক্তা থবক তৌখিবা পুম্নমকপু নুঙাইবা ফোংদোকচরি । নখোয়না লৈবাক অসিবু চাওথোকহল্লে ।

মসিগী ইম্প্রুবমেন্ত অসি মরু ওই:

• মরমদি মসি লৈবাক অসিদা অফবা গবর্নান্সকী ইন্দিকেতর অমনি;

  • মরমদি মসি ঐখোয়গী পব্লিক পোলিসিশিংগী ক্বালিতীগী খোংথাং অমনি;

  • মরমদি মসি প্রোসেসশিংগী ত্রান্সপরেন্সীগী বেঞ্চমার্ক অমনি;

  • মরমদি, ইজ ওফ দুইং বিজিনেস অসিনা ইজ ওফ লাইফপুশু লমজিংলি;

  • অমসুং, অরোইবদা, মসিনা সোসাইতি অমদা প্রজাগী পুন্সি মহিং , থবক অমসুং ত্রাঞ্জেক্ততা মমি তারি ।

মরূপশিং!

 অদুবু মসি পুম্নমক অসি মরি লৈনবা স্তেকহোল্দরশিংগী কান্ননবগীদমক্নি । ঐহাক্কী ওইনদি, ৱার্ল্দ বেঙ্ককী রিপোর্তনা কমিতমেন্ত অমসুং থবক কন্না শুবা অদুগী খুথাংদা অহোংবা পুরকপা অদু উৎলরে । মখা তানা হোৎনবনা তুংদা হেন্না ফগৎহনবদা ঐখোয়দা মতেং ওইগনি ।

অমরোমদশু ঐহাক্কী ওইনা অতোপ্পা থবক লৈতে হায়বা ময়াম্না খংবিরি । মরম অদুনা ঐঙোন্দদি মসিদশু তুংদা থবক ঙাক্তা ওইনা উবা ফংই । ঐহাক্কী লৈবাক, ঐহাক্কী লৈবাক অসিগী মীওই কোতি চামা, মখোয়গী পুন্সিদা অহোংবা খরা পুরকপা মদুনা মরম ওইরগী মালেম অসিনা ঐখোয়দা থম্লিবা থাজবা অদু মপুং ফানা পাংথোকপদা অৱাৎপা অমত্তা লৈহল্লোয়, মসি ঐহাক্না ময়ামদা থাজবা পিরি ।

ঐহাক্না মসি হায়রিবগী মরমদি, ভারত অসি পোজিসন অমা ফংলে, হৌজিক মসি মখা তানা ফগৎহনবা অরাইবা ওইরে । ঐখোয়না হোৎনরিবা অসি খোংজেল য়াংশিল্লে । মেনেজমেন্তকী তর্মদা, ঐখোয়না অয়াংবা তেকওফ অমগীদমক ক্রিতিকেল মাস অমা ফংলে ।

খুদম ওইনা, মসিগী রিপোর্ত অসি গুদস অমসুং সর্বিস তেক্স নত্রগা জিএসতিগী ইমপ্লিমেন্তেসনগী একাউন্ত অদু মনুং চন্দ্রি । ময়াম পুম্নমক্না খংবিরিবা অদুনি, জিএসতি অসি ইন্দিয়ান ইকোনোমীদা খ্বাইদগী চাওবা তেক্স রিফোর্মনি । অমসুং মসিনা বিজিনেস তৌবগী এস্পেক্ত কয়া অমা য়াওরি । জিএসতিগা লোইননা ঐখোয়না মোদর্ন তেক্স রেজিম অমগী মায়কৈরোমদা চংশিল্লি, মদুনা মনুং মপাল ফাওনা উবা, লেংদবা অমসুং প্রিদিক্ত তৌবা ঙম্বা ওইরি ।

মরম অদুনা জিএসতিগী ৱাফম পুখৎলকপা মতমদা ঐহাক্না হায়নিংলিবা অদুদি, মফম অসিদা ললোন ইতিক জগৎকী মীওই কয়া অমা য়াওরি অমসুং ফোরম অসিগী খুথাংদা লৈবাক অসিগী ললোনবা পুম্নমক্তা হায়জনিংলি । ঐখোয়না জিএসতি পুরক্নবা হোৎনখিবা মতম অদুদা মীয়াম্না খনখিবা অসি লাক্কদরা লাকলোইদরা খংবা ঙমদে, জুলাই অমদা হৌদোক্কদরা হৌদোকলোইদরা খংবা ঙমদে অসিনি । হৌদোকখ্রে.. অদুগা হৌদোকখ্রবা মতুং খল্লকলে, মদুদি হৌজিক্তি শিরেদনা … মসিদি মোদীনি করিগুম্বা মখল অমত্তগী শেমদোক শাদোকপা তৌরক্লোই অদুবু মতম অদুদা ঐহাক্না হায়খি মদুদি থা অহুমদি ঐখোয়বু কুপ্না য়েংশিন্নবা মতম পিয়ু মরমদি হিন্দুস্থান অসি য়াম্না পাক চাওই অমসুং দিল্লি খক্তদা কোক লৈবা নত্তে অদুগুম্বা নত্তে ।

লৈবাক অসিদা লৈরিবা মীচম প্রজাগী মফমদশু ৱাখল্লোন লৈরি । ঐখোয়না মখোয়দগী খংজিনগনি, তমশিনগনি, খুদোংচাদবশিং অদু খংদোক্কনি, লম্বী থিদোক্কনি অমসুং থা অহুমগী মতুং জিএসতি কাউন্সিলগী মীফম পাংথোকপা মতমদা মাংদা তারিবা ৱাফম পুম্নমক অদুগী ৱারোইশিন পুথোকখি । ৱাফম খরগীদমক্তা কাউন্সিলদা রাজ্য খরদি য়ানিংদবা উৎলকখি মদুদা ঐখোয়না রাজ্যশিং অদুগী মন্ত্রীশিং অমসুং ওফিসারশিংগী কমিতিশিং শেমলে অমসুং ঙসিদি ঐহাক্না ৱাফম অসি ফোংদোকপদা নুঙাইবা ফাওরি মদুদি বর্বতিম রিপোর্ত অদু হৌজিক ইনাক্তা য়ৌরক্ত্রি অদুবু মন্ত্রীশিংগী কমিতী, জিএসতি কাউন্সিল শেমখিবা অদু মখোয়না পুন্সিল্লগা শেমখিবনি অমসুং মীফম অদুদা ওইখিবশিং অদু অমসুং মদুগী ৱাফমশিং অদুগী রিপোর্ত অদু ইনাক্তা লৈত্রি অদুবু ঐহাক্না হাইবা ঙম্লে মদুদি চুম্নগী ললোনবশিংনা পুখৎলক্লিবা ইসুশিং অদু করবার তৌরিবশিংগী মায়কৈদগী লানখৎলকখিবা ৱাফমশিং অয়াম্বনা পোজিতিব ওইবা মওংদা লৌশিল্লি । অমসুং তাং মাপল অমসুং তরাদা পাংথোক্কদৌরিবা জীএসতি কাউন্সিলগী মীফমদা করিগুম্বা রাজ্য অমত্তনা অয়েৎপা পিরকপা লৈত্রগদি ঐহাক্না থাজবা থম্লি মদুদি ভারতকী ললোন ইতিক্কী জগৎ অসি অমসুং ভারতকী শেল থুমগী ফিভম অসি অনৌবা থৌনা অমা পিনবা মথৌতাবা শেমদোক শাদোকপা পুম্নমক পাংথোক্কনি ।

মদু ওইরগশু তুংদশু অসিগুম্বা ৱাফমশিং লাক্কনি মরমদি য়াম্না চাওবা সিস্তেম অমা লৌশিনবা তাবনি, চহি কয়াদগী চৎনরক্লবা সিস্তেমদগী থোরকপা তাবনি অদুনা সরকারগী কোক খক্তমক মথৌ তৌগদবনি হায়বা লৈতে স্তেকহোল্দর পুম্নমক্কী ৱাখল্লোন অদু কান্নবা পুরকই মতম অদুদা খ্বাইদগী ফবা মহৈ অদু ফংই অদুনা জিএসতিনা মদুগীদমক্তশু খ্বাইদগী ফবা খুদম অমা ওইগদৌরি মদুনা ময়াম পুম্নমক্কী ৱাখল্লোন অদু ইকায় খুম্নদুনা সিস্তেম অদু ফুলপ্রুফ করম্না ওইহনবা য়াগনি হায়বা অদু জিএসতিগী প্রোসেসতগী উবা ফংই ।

ৱার্ল্দ বেঙ্ককী রিপোর্ত রিপোর্ত অসিদা ২০১৭কী মে ফাওবগী রিফোর্মস কাউন্ত তৌরি অদুবু জিএসতিদি মদুগী মতুং ২০১৭কী জুলাইদা হৌদোকখিবনি । মরম অদুনা ময়াম্না খন্থবিয়ু মদুদি ২০১৮দা  খন্নরকপা মতমদা ঐখোয়গী ইনিসিয়েতিব অসি কাউন্ত তৌবদা য়াওরগনি ।

মফম অসিদা হান্ননা পাংথোকখ্রবা অতোপ্পা রিফোর্মা কয়া অমা লৈরি, অদুবু ৱার্ল্দ বেঙ্কনা মখোয়গী একাউন্ততা লৌশিনদ্রিঙৈ মমাংদা গেস্তেসন অমসুং স্তেবিলাইজেসনগী মতম মথৌ তারি । মফম অসিদা অতোপ্পা রিফোর্ম খরা অমা লৈরি মদুদা ঐখোয়গী তিম অমসুং ৱার্ল্দ বেঙ্ককী তিমনা কমন ওইবা গ্রাউন্দ অমা থিবা মথৌ তারি । পুম্নমক অসি হেন্না ফনা তৌনবা ঐখোয়গী কনভিক্সন অদুগা লোইননা পুন্সিল্লি, ঐঙোন্দা থাজবা পিরে মদুদি ভারতনা মথংগী চহি অমসুং মখা তাবা চহিদা ৱার্ল্দ বেঙ্ককী রিপোর্ত অদুদা অৱাংবা মফম অমা ফংবা ঙম্লগনি ।  

মালেমগী মফম পুম্নমক্তা দুইং বিজিনেস লাইথোকহনবদা ফগৎহন্নবা লৈবাকশিংগা লোইননা এঙ্গেজ তৌনবগীদমক ঐহাক্না ৱার্ল্দ বেঙ্কতা কমপ্লিমেন্ত তৌরি । চহি অসিগী রিপোর্ত অদুগী থিম –‘রিফোর্মিং তু ক্রিয়েত জোবজ’ অদুগীদমক্তশু ঐহাক্না রিকমেন্দ তৌরি । বিজিনেস অসি ঐখোয়গী পুন্সিদা অচৌবা শাফু অমনি হায়বদা য়েৎনিংঙাই লৈতে । মসি ঐখোয়গী পুন্সি মহিংবু নুঙাইহন্নবা অদুগুম্বা গ্রোথ, ইমপ্লোইমেন্ত জেনরেসন, ৱেল্থ ক্রিয়েসন অমসুং গুদ্স অমসুং সর্বিসেসকী দিলিবরিগী ইঞ্জিন অমনি ।

ঐখোয়গী লৈবাক অসি নহাশিংগী লৈবাক্নি অমসুং জোব ক্রিয়েসন অসি খুদোংচাবা অমগা লোয়ন লোয়ননা মায়োক্নরিবা অমনি । মরম অদুনা ঐখোয়গী নহাশিংগী ইনর্জী হেঙ্গৎহন্নবা ঐখোয়না ভারতপু স্তার্ত-অপ নেসন অমসুং গ্লোবেল মেনুফেকচরিং হব অমাগুম্না পোজিসন তৌরি । মসিগী পর্পজ অসিগীদমক, ঐখোয়না মখল মখা য়াম্লবা মেক ইন ইন্দিয়া অমসুং স্তার্ত-অপ ইন্দিয়া অসিগুম্বা ইনিসিয়েতিবশিং হৌদোক্লে ।

মরূপশিং!

ভারত অসি হেন্না ফগৎনবগীদমক য়াম্না থুনা অহোংবা পুরক্লি । মসিবু ইন্দিকেত তৌরিবা অদুগুম্বা গ্লোবেল রিকোগনিসন খরা ঐহাক্না ফোংদোকপা পাম্লি:

o হৌখিবা চহি অনিদা ৱার্ল্দ ইকোনোমীক ফোরমগী গ্লোবেল কমপেতিতিবনেস ইন্দেক্সতা মফম কুন্থ্রানিথোই হাইগৎলে । মসি লৈবাক অমা হেক্তগী ওইনা খ্বাইদগী ৱাংলবনি ;

o ঐখোয়না চহি অনিগী মনুংদা ৱিপোগী গ্লোবেল ইনোবেসন ইন্দেক্সতশু মফম কুনমাথোই হাইগৎলে ।

o ঐখোয়না ৱার্ল্দ ৱেঙ্ককী লোজিস্তিক পর্ফোমেন্স ইন্দেক্স ওফ ২০১৬তা মফম তরামাপল হাইগৎলে;

o য়ুএনসিতিএদিনা লিস্ত তৌবা মকোকথোংবা এফদিআই দেস্তিনেসনশিংদা ঐখোয় মনুং চল্লে ।

ঐহাক ৱার্ল্দ বেঙ্ককী বিলদিং ফাওবা মশক উদ্রিবা অদুগুম্বাঅদুগুম্বা প্রধানমন্ত্রীনি অদুবু মমাংদা ৱার্ল্দ বেঙ্কতা থবক তৌরম্বা মীওইশিং মফম অসিদা ফমলম্মী ।

ঐহাক্না হাইরিবা অসিনি মদুদি অদোম্না ৱার্ল্দ বেঙ্কিকী অসিগুম্বা রেঙ্কিং অসিদা ৱাহং হংবগী মহুৎ ঐখোয়গী ইতেং পাংঙু মদুনা মরম ওইরগা ঐখোয়না লৈবাক অসিবু হেন্না ৱাংবা মফম অমদা য়ৌহনবা ঙম্নবা । ন্যু ইন্দিয়া শেম্ননবা পুন্না মাংলোমদা চৎমিন্ননবা ৱারেপ লৌরশি ।

ঐখোয়গী মন্ত্র অসি রিফোর্ম, পরফোর্ম অমসুং ত্রান্সফোর্মনি । হেন্না ফবা তৌবা অদু ঐখোয়না পাম্লি । ঐহাক্না নোত তৌবদা নুঙাইবা ফাওই মদুদি অহান্বা ওইনা ৱার্ল্দ বেঙ্কনা ঐখোয়বু মসিগী এক্সরসাইজ অসিদা সব-নেস্নেল লেবেলদশু মতেং পাংলগনি । ভারতকুম্বা ফেদরেল দেমোক্রেসী অমদা, রিফোর্মশিং অন্দরতেক তৌবা মতমদা স্তেকহোল্দর পুম্নমক্না বোর্দ তৌবা অসি তোয়না অরাইবা ওইদে । অদুম ওইনমক, হৌখিবা চহি অহুমদগী মফম অসিদা কেন্দ্র অমসুং রাজ্যগী থাক অনিমক্তা সরকারগী রেস্পোন্সশিংদা চাওনা অহোংবা লাক্লে । ফ্রেন্দলি ইনভাইরোনমেন্ত বিজিনেস অমা শেমগৎনবা রাজ্য সরকারশিংনা ইনোভেতিব ওইবা লম্বীশিং পুথোক্লি । বিজিনেস রিফোর্মশিং ইমপ্লিমেন্ত তৌবদা অমনা অমগা লোইননা তোইনা চাংদম্নবা মতমদা, মখোয়বু ইমপ্লিমেন্ত তৌবা মতমদা মখোয়না অমনা অমগী মতেংশু পাংলি । মসি এক্সাইতিং য়ুনিবর্স অমনি মদুদা কম্পিতিতিবনেস অমসুং কো-ওপরেসন কো-একজিস্ত তৌরিবা ।

মরূপশিং,

গ্রোথ অমসুং ইমপ্লোইমেন্ত হেঙ্গৎহন্নবগীদমক এজেন্দা অসিনা মখল কয়াগী স্ত্রকচরেলদা অহোংবা পুরকপা, অকন্বা ৱারেপ কয়া অমসুং অনৌবারেগুলেসন কয়া মথৌ তাই । মসিগী মথক্তা ব্যুরিক্রেসিগী মাইন্দ সেত তৌবা মথৌ তাই মদুনা মখোয়বু অকিবা য়াওদনা অমসুং পুকচেল শেংনা থবক তৌবা ঙমহল্লগনি । হৌখিবা চহি অহুমদগী, কেন্দ্র সরকারনা মসিগী ফ্রন্তশিং অসিদা কয়া অমা পাংথোকখ্রে । বিজিনেসশিং অমসুং কম্পেনিশিংনা মায়োক্নরিবামশিং য়াম্লবা রেগুলেতরি অমসুং পোলিসী ইশুশিং ঐখোয়না রিজোলব তৌরে ।

মেনুফেকচরিংগা লোয়ন লোয়ননা ইনফ্রাস্ত্রকচর সেক্তরশিংদা খোংজেল য়াংশিন্নবশু ঐখোয়না হোৎনরি । মরম অদুনা ঐখোয়না ঐখোয়গী ইনভেস্তমেন্ত ক্লাইমেত ফগৎনবা লেপ্পা নাইদনা থবক তৌরি । হৌখিবা চহি অহুমমখাই অসিদা ঐখোয়না পোলিসীগী এরিয়া মরিফু তরেৎ কোন্সিল্লদুনা সেক্তর কুনমাথোইদা অচৌবা ফোরেন দাইরেক্ত ইনভেস্তমেন্ত রুফোর্মশিং পায়খৎলে ।

মসিগী রিফোর্মশিং অসিদা দিফেন্স, রেলৱেজ, কনস্ত্রক্সন দিবলপমেন্ত, ইন্সুরেন্স, পেন্সন, সিভিল এভিয়েসন অমসুং ফার্মাতিক্যুতিকেলগুম্বা মরুওইবা সেক্তরশিং য়াওরি । এফদিআই এপ্রুবেলশিং অদুগী চাদা মরিফুতরাদগী হেন্না ওতোমেতিক রাউত্তা থম্লে । মসি অচৌবা ৱাফম অমনি । হৌজিক ঐখোয় এফদিআইগী মোস্ত ওপন ইকোনোমীশিংগী মরক্তা অমা ওইরে ।

মসিনা এফদিআই ইনফ্লো হেঙ্গৎহল্লে, মদুনা চহি খুদিংগী অনৌবা রেকোর্দশিং শেম্লে । ২০১৬কী মার্চকী চহি লোইশিল্লকপদা য়ুএস দোল্লর বিলিয়ন ৫৫.৬কী এফদিআই ইনফ্লো লৈখি মদুনা হৌজিক ফাওবগী খ্বাইদগী ৱাংবা ওইরি । লাক্লিবা চহি অসিদা ভারতনা য়ুএস দোল্লর বিলিয়ন ৬০.০৮কী এফদিআই ইনফ্লো অমা রেজিস্তার তৌরি, মদুনা স্কেলিং অসি হেন্না ৱাংহল্লগনি ।

মরূপশিং.

হৌখিবা চহি অহুমদগী ঐখোয়না বিজিনেস রুগুলেসনশিং সিস্তেমিকেল্লি অমসুং ক্রিতিকেল্লি ইভালুয়েত তৌরি । সরকারনা শরুক য়াদুনা ইন্তরফেসকী রিগার্দকা লোইননা বিজিনেসকী পেন পোইন্তশিং খংদোক্নবা ঐখোয়না হোৎনরি । ঐখোয়না চাং নাইনা বিজিনেসতা এঙ্গেজ তৌরি, মখোয়গী মরি লৈনবশিং খংজিল্লি অমসুং মখোয়া মরিলৈনবা রেগুলেসনশিং শেমদোক শাদোক্লি ।

ঐহাক্না তোয়না ফোংদোকখ্রে মদুদি গোবর্নান্স ত্রান্সফোর্ম তৌনবা তেক্নোলোজী শিজিন্নগদবনি । তেক্নোলোজী শিজিন্নবনা ফিজিকেল ইন্তরফেস হন্থহনগনি অমসুং অকক্নবা মতমগী মনুংদা ৱারেপ লৌবদা মতেং ওইগনি । মশিং য়াম্লবা সরকারগী দিপার্তমেন্তশিং অমসুং রাজ্য সরকারনা গোবর্নান্স ফগৎনবা অমসুং সর্বিসশিং দেলিবর তৌনবা তেক্নোলোজী দিপ্লোই তৌবা উবদা ঐহাক অপেনবা পোকই ।

মখোয়গী কমিতমেন্ত অমসুং দেদিকেসনগীদমক ইজ ওফ দুইং বিজিনেসকী মখল মখা য়াম্লবা এস্পেক্তশিংদা পুন্না থবক তৌমিন্নবদা অমুক হন্না ঐহাক্না নুঙািবা ফোংদোকচরি । ভারতকী পুৱারিদা অমসুং ত্রান্সফোর্ম ইন্দিয়াদা অনৌবা পন্দুপ অমা ঐখোয়না পুন্না ইরগনি হায়বা ঐহাক্না থাজৈ মদুনা মরম ওইরগা ঐখোয়গী প্রজাগী মংলান অমসুং পুন্সি মহিং ফগৎহল্লগনি ।

ইজ ওফ দুইং বিজিনেস ফগৎহন্নবা ঐখোয়না হোৎনরিবা অসিদা মখোয়গী লমজিং লমতাক্কীদমক ঐহাক্না অমুক হন্না ৱার্ল্দ বেঙ্কপু থাগৎপা ফোংদোকচরি । ইফমদা হায়বিরে মদুদি গ্রোথ প্রোসেসতা এফেক্ত তৌদনা ভারতকুম্বা অচৌবা লৈবাক্তা দেসিব চেঞ্জেশিং পুরকপগী এক্সপরিয়েন্স অসিনা অতোপ্পা লৈবাকশিংদা খুদম অমা ওইরগনি । অতোপ্পদগী তমগদবা স্কুপ কয়া অমা মতম পুম্নমক্তা লৈরি । মথৌ তারগদি, ঐখোয়গী এক্সপরিয়েন্সশিং অদু অতোপ্পা লৈবাকশিংগা সেয়ার তৌমিন্নবদা ঐখোয়না নুঙাইবা ফাওগনি ।

ময়াম্বু থাগৎচরি ।

ময়াম্বু অমুক হন্না থাগৎচরি ।