ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ইনর্জী লিক্না শীজিন্নবগী মতাংদা ভারত অমসুং ফ্রান্সকী মরক্তা এম ও য়ু লৈনবা য়ারে। এম ও য়ু অদু ২০১৮গী ওক্তোবর ১৭দা খুৎয়েক পীনখিবনি।

অচৌবা ইথিল:

এম ও য়ু অসি সাইন্স অমসুং তেক্নোলোজীগী য়ানবা অমনি অমসুং মসিদা তেক্নিকেল খক্তগী ওইনা লৌশিং পীথোক-পীশিন তৌনবা অমসুং মতেং পীনবা য়াওরি। এম ও য়ু অসিনা ইনর্জী ফজনা লিক্না শীজিন্নবা হেনগৎহন্নবা থৌশিলশিং, থবকশিং অমসুং তেক্নোলোজীশিং পীথোক-পীশিন তৌনবা হেনগৎহনগনি হায়না থাজরি।

কান্নবশিং:

এম ও য়ু অসিনা ইনর্জী লিক্না শীজিন্নবগী মতাংদা ভাব তাবা হেনগৎহনগনি। মসিনা কার্বোন দাইওক্সাইদ থাদোরকপা খোমজিন্নবা খুৎলায় শেমগৎপা, শীজিন্নবা অমসুং নৈনবা ঙমহনগনি অমসুং আই এন দি সিগী ওইনা জি ঐচ জি দেতা খোঙ্গুল লিবা ঙমহনগনি। মসিনা ইনর্জী লিক্না শীজিন্নবগী তেক্নোলোজীশিংগী লমদা রিসর্স তৌবা, চাউখৎহনবা অমসুং দেমোন্সত্রেসন তৌবা হেনগৎহনগনি। মসিনা ইলেকত্রিক ত্রান্সপোর্ত্ত মীৎয়েং থমদুনা চৎথোক-চৎশিনগী থবক ফগৎহনগনি।