ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ২০১৮গী মে ৯দা ভারতনা ইন্তর্নেস্নেল ইনর্জী এজেন্সীগী মখাদা এদভান্স মোতোর ফুয়েল্স তেক্নোলোজী কোল্লাবোরসন প্রোগ্রাম (এ.এম.এফ. তি.সি.পি.) শরুক য়াবদা অয়াবা পীরে। ইন্তর্নেস্নেল ইনর্জী এজেন্সীগী ফ্রেমৱার্ক মখাদা থবক তৌরিবা এ.এম.এফ. তি.সি.পি. অসি ভারতনা “এসোসিয়েসন”গী থাক্তা ২০১৭কী মার্চ ৩০দগী য়াওরকখিবনি।
অকুপ্পা ৱারোলশিং:
পেত্রোলিয়ম অমসুং নেচরেল গ্যাস মন্ত্রালয়না এ.এম.এফ. তি.সি.পি. শরুক য়াবগী মরুওইবা পান্দমদি মৈখু থাদোকপা হন্থনবা অমসুং ত্রান্সপোর্ত সেক্তরদা থাও লিক্না শীজিন্নবা ঙম্নবা চাউখৎলক্লিবা মোতোরগী থাও অমসুং অতোপ্পা থাওশিং নৌনা শীজিন্নবা হৌদোক্নবা হোৎনবনি। এ.এম.এফ. তি.সি.পি. অসিনা থাও য়াম্না চাবা সেক্তরশিংদা মৈ থাদোকপা হন্থনবা অনৌবা/অতোপ্পা থাওশিং ত্রান্সপোর্ত সেক্তরদা শীজিন্ননবা থাওগী মরমদা নৈনবা, অনৌবা থাও মশক খঙদোকপা ঙম্বগী খুদোংচাবা পীগনি।
“এনেক্স”কৌবা লনাই প্রোজেকশিংগী মনুংদা এ.এম.এফ. তি.সি.পি.গী রিসর্স অমসুং দিবেলপমেন্তগী থবকশিং অসি পায়খৎপনি। চহি খরা অসিদা এ.এম.এফ. তি.সি.পি.দা এনেক্স ৫০ হেন্না পায়খৎলে অমসুং মমাংগী এনেক্সশিংদা থাও মখল কয়া হায়বদি রিফোর্মুলেতেদ ফুয়েল্স (গ্যাসোলিন অমসুং দিজল), বাইওফুয়েল্স (ইথানোল, বাইওদিজল), সিন্থেতিক ফুয়েল্স (মেথানোল, ফিসচর, ত্রোপস, দি এম ই) অমসুং গ্যাস ফুয়েল্সশিংনি। সরকারগী ওইল মার্কেতিং কম্পেনীশিং অমসুং ওতোমোবাইল তেস্তিং এজেন্সীশিং হায়বদি আরাই, সিরত, আইকেদ অসিনচিংবগী আর অমসুং দি ইন্সতিতুৎশিংগী অফবা মখলগী খুদোংচাবশিং অসিনা পেত্রোলিয়ম অমসুং নেচরেল গ্যাস মন্ত্রালয়না শরুক য়ারিবা এনেক্সশিংদা খুদোংচাবা কয়া পীরি।
উরজাসঙ্গম ২০১৫দা প্রধান মন্ত্রীনা ২০২২ ফাওবদা য়ামদ্রবদা চাদা ১০ ফাওবগী চাংদা ইনর্জী সেক্তরনা মপানদগী পুশিল্লকপা হন্থনবা খঙহল্লি। মসিগী মখা তারকপা ওইনা বাইওফুয়েল্সশিং, এদভান্স ফুয়েল্সশিং অমসুং থাও লিক্না শীজিন্নবনা মরুওইবা থৌদাং লৌনবা পেত্রোলিয়ম অমসুং নেচরেল গ্যাস মন্ত্রালয়না অকুপ্পা থৌরাং কয়া পায়খৎলে। পেত্রোলিয়ম অমসুং নেচরেল গ্যাস মন্ত্রালয়না এ.এম.এফ. তি.সি.পি.গা থবক তৌমিন্নবা অসিনা থাও লিক্না শীজিন্ননবা অমসুং মৈখু থাদোকপা হন্থনবা ত্রান্সপোর্ত সেক্তরগী চুনবা থাও মশক খঙদোকপা অমসুং শীজিন্নবদা মতেং পাংগনি।
এদভান্স বাইওফুয়েল্সশিং হায়বদি ২-জি ইথানোল, বাইও-সি এন জি, বাইওমেথানোল, দ্রোব-ইন-ফুয়েল্স, দি এম ইনচিংবগী হিরমশিংদা আর অমসুং দিগী থবকশিং পায়খৎনবা ইকুই কুইদনা ভারত সরকারনা নোতিফাইদ তৌখিবা নেস্নেল পোলিসী ওন বাইওফুয়েল্স ২০১৮দা মীৎয়েং থম্লি। হায়রিবা বাইওফুয়েল্সশিং অসি মহৈ-মরোংগী লেমহৌবশিং, শহরগী অমোৎপশিং, উদ্যোক্কী অমোৎপশিং, অমোৎপা গ্যাসশিং, অরেম্বা চিঞ্জাকশিং, প্লাস্তিক্তগী পুথোকপা য়াই। হায়রিবা এদভান্স বাইওফুয়েল্সশিং অসি লৈবাক খরদা মাইপাক্না শীজিন্নবা হৌরে, ত্রান্সপোর্ত সেক্তরদা ভারতনা মসি শীজিন্নবা হৌদ্রি। ঐখোয়গী লৈবাক্তা হায়রিবা এদভান্স বাইওফুয়েল্সশিং হৌজিক য়াম্না নৌরিবা ফিবম অমদা লৈরি অমসুং হায়রিবা ফুয়েল্সশিং অসি ঐখোয়গী দরকার ওইবা ইনর্জী মেনগৎপা ঙম্নবা অকনবা রিসর্স তৌবা মথৌ তারি। এ এম এফগা পুন্না থবক তৌমিন্নবা অসিনা পেত্রোলিয়ম অমসুং নেচরেল গ্যাস মন্ত্রালয়না তুংদা ত্রান্সপোর্ত সেক্তরদা শীজিন্ননবা চুনবা এদভান্স ফুয়েল্সশিং মশক খঙদোকপদা মতেং ওইগনি। হায়রিবা থবকশিং অসিদা এদভান্স ফুয়েল্স শীজিন্নরবা লৈবাকশিংগী লৌশিং অদু পেত্রোলিয়ম অমসুং নেচরেল গ্যাস মন্ত্রালয়দা কান্নবা ফংলগনি।
এ এম এফ তি.সি.পি.দা শরুক য়াবা অসিনা অচংবা খরচ অমসুং তেক্নিকেলগী লনশিং শরুক য়ামিন্নবগী খুদোংচাবা লৈগনি। মসিনা থবক অমা ফাংজিন্নবা লৈররোই অমসুং লৈবাক্কী রিসর্স অমসুং দিবেলপমেন্তগী থবকশিং ফগৎহল্লগনি। খ্বাইদগী ফবা থবকশিং, রিসর্স তৌবশিং অমসুং থবক ওইনা পাংথোকপগী মতাংদা ই-পাউ পীথোক পীশিন তৌনবা য়ারগনি। মেম্বর ওইরবা মতুংদা, ভারতনা মপানদগী পুশিল্লক্লিবা থাওশিং মহুৎশিন্নবা লৈবাক অসিনা পামজবা বাইওফুয়েল্সশিংদা থিজিনবগী থবক পায়খৎপা ঙম্লগনি।
নুঙগীৱারোল: এ.এম.এফ. তি.সি.পি. অসি অনানবা অমসুং য়াম্না চাদবা থাও অমসুং গারীগী তেক্নোলোজীশিংগী লমদা লৈবাকশিংগী মরক্তা মতেং পীনবা হেনগৎনবা শেম্বা মালেমগী প্লেতফোর্ম অমনি। এ.এম.এফ. তি.সি.পি.গী থবক অসি আর অমসুং দি, এদভান্স মোতোর ফুয়েল্সশিং শীজিন্নবা অমসুং ফংহনবা, ত্রান্সপোর্ত ফুয়েল্সশিং পুথোকপা, য়েন্থৌকপা অমসুং শীজিন্নবগী মতাংদা মরি লৈনবা থবকশিং য়েংশিনবনি।
২০১৮গী মে ৯দা ভারতকী পেত্রোলিয়ম অমসুং নেচরেলগ্যাস মন্ত্রালয় অসি এ.এম.এফ. তি.সি.পি.গী ১৬সুবা মেম্বর ওইনা শরুক য়াখি। এ.এম.এফ. তি.সি.পি.গী অতৈ মেম্বরশিংদি য়ু এস এ, চাইনা, জপান, কানাদা, চিলি, ইজরেল, জর্মনী, ওস্ত্রিয়া, শ্বিদেন, ফিনলেন্দ, দেনমার্ক, স্পেন, কোরিয়া, সুইজরলেন্দ অমসুং থাইলেন্দনি।
