ভারতকী প্রধানমন্ত্রী

রিপব্লিক ওফ ইন্দোনেসিয়াগী রাস্ত্রপতি ঐচ.ই. শ্রী প্রবোও সুবিয়ান্তোনা হায়রকপদগী প্রধান মন্ত্রি শ্রী নরেন্দ্র মোদী জুলাই ৬-৮, ২০২৬ ফাওবা ইন্দোনেসিয়াদা চৎকদৌরি, মসি প্রধান মন্ত্রিগী ইন্দোনেসিয়াদা চৎকদবা মরিসুবা খোঙচৎ ওইগনি অমসুং ২০১৮গী মে থাদা ভারত-ইন্দোনেসিয়াগী মরি অসি কম্প্রিহেন্সিব স্ত্রেতেজিক পার্ত্নরশিপকি থাক অদুদা ৱাংখৎলকপগী মতুংদা মহাক্কি অহানবা নাকল অনিগী খোঙচৎ ওইগনি, খোঙচৎ অসিগী মনুংদা প্রধান মন্ত্রিনা রাস্ত্রপতি প্রবোৱোগা লোয়ননা নাকল অনিগী ওইবা খন্ন-নৈনবা পাঙথোক্কনি অমসুং প্রধান মন্ত্রিনা ইন্দোনেসিয়াদা পার্ত্নরশিপ অসিদা পুরকপা খুমাং চাউশিনবা অদু য়েংশিনগনি। জাকার্তাদা প্রধান মন্ত্রিনা ইন্দিয়ন দাইসপোরাগী অচৌবা মীফম অমদা ৱা ঙাংগনি। ভারত অমসুং ইন্দোনেসিয়ানা পুৱারি ওইরবা অমসুং মীয়াম অমগা নুংশিন্না লৈমিন্নগনি । হায়রিবা অখন্নবা মরিশিং অসিগা চুশিন্ননা প্রধান মন্ত্রিনা ইন্দোনেসিয়াগী মমিং লৈরবা য়ুসকোগী মালেমগী হেরিতেজ সাইত অমা ওইরিবা য়োগ্যাকার্তাদা লৈবা প্রম্বনন তেম্পল কমপ্লেক্সতা চৎকনি।

ইন্দোনেসিয়াদগী ওস্ত্রেলিয়াগী প্রধান মন্ত্রি, ইকায় খুম্নজরবা এন্থোনি অলবানিজ এম.পি., প্রধান মন্ত্রিনা ২০২৬কি জুলাই ৮-১০ ফাওবা মেলবোর্ন্দা চৎকনি, মেলবোর্নদা প্রধান মন্ত্রিনা প্রধান মন্ত্রি অলবানিজগা নাকল অনিগী ওইবা ৱারি শানগনি। মহাক্না ওস্ত্রেলিয়াগী গবরনর জেনেরেল ইকায় খুম্নজরবা শ্রীমতি সেম মোস্তিন এ.সি.গা উন্নগনি। মহাক্কি খোঙচৎ মনুং ওইনা প্রধান মন্ত্রিনা ইন্দিয়া-ওস্ত্রেলিয়া সি.ই.ও.শিংগী ফোরমদা শরুক য়াগনি, মফম অদুদা মহাক্না লৈবাক অনিমক্কি মকোক থোঙবা বিজিনেস লিদরশিংগী মীফম অমদা ৱা ঙাংগনি। ভারত-ওস্ত্রেলিয়াগী মরিগী অচেৎপা য়ুম্বী অমা ওইরিবা ইন্দিয়ন দাইসপোরাগী অচৌবা মীফম অমদা প্রধান মন্ত্রিনা ৱা ঙাংগনি।

মেলবোর্ন্দগী ন্যু জিলেন্দগী প্রধান মন্ত্রি আর.তি. ইকাই খুম্নরবা খৃস্তোফর লুক্সোন্না হায়রকপদগী ওকলেন্দদা প্রধান মন্ত্রিনা ১০-১১ জুলাই, ২০২৬ দা চৎকনি। মসি চহী তরাগী খুদিংদা প্রধান মন্ত্রিনা ন্যুজিলেন্দা চৎপাখোংচৎ ওইগনি। ওকলেন্দা প্রধান মন্ত্রীনা ওকলেন্দগী প্রধান মন্ত্রী লুক্সনগা লোয়ননা নাকল অনিগী ওইবা খন্ন-নৈনগনি অমসুং হৌখিবা চহি অনিদা মরুওইনা ললোন-ইতিক অমসুং ললোন-ইতিক অমসুং ঙাকশেলগী লমদা চাওনা অহোঙবা পুরকপা নাকল অনিগী মরি পাক-শন্না পুম্নমক য়েংশিনগনি। ওকলেন্দদা লৈরিঙৈদা প্রধান মন্ত্রিনা মমিং লৈরবা বিজিনেস অমসুং শান্ন-খোৎনবগী পর্সোনেলিতিশিংগা ৱারি শানগনি। ভারত অমসুং ন্যু জিলেন্দগী মরক্তা লৈরিবা অচেৎপা মীগা-মীগগী মরিগী মমি অমা ওইনা প্রধান মন্ত্রিনা খোঙচৎ অসিগী মনুংদা ভারতকি দাইসপোরাগী অচৌবা মীফম অমদা ৱা ঙাংগনি।

***