ভারতকী প্রধানমন্ত্রী

ঐহাক্না ২০২৬কি জুলাই ৬-১১ ফাওবা ইন্দোনেসিয়া, ওস্ত্রেলিয়া অমসুং ন্যু জিলেন্দগী লৈবাক অহুমগী খোঙচৎ অমা চৎকদৌরি।

রিপব্লিক ওফ ইন্দোনেসিয়াগী রাস্ত্রপতি ঐচ.ই. শ্রী প্রবোও সুবিয়ান্তোনা হায়রকপদগী, ঐহাক জুলাই ৬-৮ ফাওবা ইন্দোনেসিয়াদা চৎকদৌরি। ২০১৮দা ঐহাক্না ইন্দোনেসিয়াদা ঐহাক্কি অহানবা খোঙচত্তা ভারত অমসুং ইন্দোনেসিয়ানা নাকল অনিগী মরি অসি কম্প্রিহেন্সিব স্ত্রেতেজিক পার্ত্নরশিপ অমদা হেনগৎহনখি, মসি ঐখোয়গী নাকল অনিগী মরি ফগৎলকপগী মতুংদা ঐহাক্কি অহানবা নাকল অনিগী খোঙচৎ ওইগনি অমসুং মসি ২০২৫গী জনুৱারি ২৬তা ঐখোয়গী রিপব্লিক দে সেলেব্রেসন্দা অথোইবা মিথুংলেন ওইখিবা রাস্ত্রপতি প্রবোৱোগী রাজ্যগী খোঙচৎকি মতুং ইন্না চৎকদবনি, ভারত অমসুং ইন্দোনেসিয়ানা অচেৎপা সিভিলাইজেসন অমসুং মীয়াম-মীয়ামগী মরিশিং সেয়র তৌরি অমসুং ঐহাক্কি খোঙচৎ অসি মখা তানা চৎকনি। আহাক্কী খোংচৎ অসিনা ঐখোয়গী মল্তিফেসেতেদ পার্ত্নরশিপকি মায়কৈ খুদিংমক হেন্না চেৎশিলহনগনি। খোঙচৎ অসিগী মনুংদা ঐহাক্না ইন্দোনেসিয়াদা লৈরিবা ভারতকি দাইসপোরাগা লোয়ননা ৱারি শান্নগনি অমসুং রাস্ত্রপতি প্রবোওগা লোয়ননা ঐখোয়গী নক্নবা কলচরেলগী মরিগী অতৈ শিংথানিংঙাই ওইবা ৱাফম অমা ওইরিবা য়োগ্যাকার্তাদা লৈবা প্রম্বনন তেম্পল কমপ্লেক্সতা চৎকনি।

ইন্দোনেসিয়াদগী ওস্ত্রেলিয়াগী প্রধান মন্ত্রি ইকায় খুম্নজরবা এন্থোনি অলবানিজগী লাক্নবা হায়রকপদগী ঐহাক মেলবোর্ন্দা চৎকনি। ঐহাক্কি খোঙচৎ অসিনা ঐখোয়গী কম্প্রিহেন্সিব স্ত্রেতেজিক পার্ত্নরশিপ অসি মপাঙ্গল কনখৎহল্লগনি অমসুং ঐহাক্না প্রধান মন্ত্রি অলবানিজগা লোয়ননা ঐহাক্না খন্ন-নৈনবদা, দিফেন্স অমসুং সেক্যুরিতি, ত্রেদ অমসুং ইনভেস্তমেন্ত, এজুকেসন অমসুং মোবিলিতি অমসুং মীয়ামগা মীয়ামগগী মরিদা ঐখোয়গী মরিশিং মাংলোমদা পুখৎকনি। মেলবোর্ন্দা ঐহাক্না ঐখোয়গী স্ত্রেতেজিক পার্ত্নরশিপকি মরুওইবা য়ুম্বী অমা ওইরিবা ভারতকি দাইসপোরাগা লোয়ননা ৱারি শানবগী খুদোংচাবা ফংগনি। মখা তানা, খোঙচৎ অসিনা ভারত অমসুং ওস্ত্রেলিয়াদা ইমর্জিং অমসুং মরুওইবা তেক্নোলোজিশিং, শান্ন-খোৎনবা অমসুং শান্ন-খোৎনবগী সাইন্সকি লমদা ঐখোয়গী নাকল অনিগী মরি হেন্না চেৎশিলহন্নবগী খুদোংচাবা অমসু পিরগনি।

মেলবোর্ন্দগী ন্যু জিলেন্দগী প্রধান মন্ত্রি আর.তি. ইকায় খুম্নজরবা খৃস্তোফর লুক্সন্না হায়রকপদগী ঐহাক্না ন্যু জিলেন্দগী ওকলেন্দদা চৎকনি। ঐহাক্কি খোঙচৎ অসিনা ২০২৫গী মার্চতা প্রধান মন্ত্রি লুক্সনগী ভারত্তা লাকখিবা খোঙচৎ অদুগী মতুং ইন্না ঐখোয়গী নাকল অনিগী মরিদা অচেৎপা খোঙজেল অদু মরু ওইনা শেমগৎলগনি, ঐহাক্কি খোঙচৎ মনুংদা ঐহাক্না প্রধান মন্ত্রি লুক্সনগা লোয়ননা ইকোনোমিক, ত্রেদ অমসুং কম্মর্সিএল এঙ্গেজমেন্তশিং মখা তানা হেঙ্গৎহনবগী মতাংদা খন্নগনি। ভারত অমসুং ন্যু জিলেন্দনা ফ্রী ত্রেদা এগ্ৃমেন্ত খুৎয়েক পিনবগা লোয়ননা নাকল অনিগী ললোন-ইতিক অমসুং ললোন-ইতিক্কী মরি হেন্না চেৎশিলহন্নবা ৱাশক লৌখ্রে। ঐখোয়গী নাকল অনিগী মরিদা ভারতকি দাইসপোরাদগী মশক থোকপা থৌদাং উবা ফংলে অমসুং খোঙচৎ অসিগী মনুংদা ঐহাক্না পুনশিগী লম খুদিংমক্তা মায় পাকাপা ভারতকি মিয়ামগী অচৌবাা মীফম অমদা ৱা ঙাংনবা থাজবা থম্লি।

ঐহাক্না মথংশিৎনা অৱাংথংবা অমসুং খা থংবা ভারতকী মহাসাগরদা ইন্দোনেসিয়া অমসুং ওস্ত্রেলিয়াদা চৎখিবা খোঙচৎ অদুগী মতুংদা ন্যু জিলেন্দগী খোঙচৎ অসিনা ভারতকি এক্ত ইস্ত পোলিশি, মহাসাগর ভিজন অদুগা লোয়ননা ফ্রী অমসুং ওপন ইন্দো-পেসিফিক অমগী মায়কৈদা ঐখোয়গী মিৎয়েং অদু হেন্না মপাঙ্গল কনখৎহনগনি।

***