ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ইন্সতিত্যুৎ ওফ চার্তর একাউনতেন্তস ওফ ইন্দিয়া(আই সি এ আই) অমসুং সর্তিফাইদ প্রোফসনেল একাউনতেন্তস আফগনিস্তান(সি পি এ আফগনিস্তান)গী মরক্তা এম ও য়ু  খুৎয়েক পীনবা য়ানরে । এম ও য়ু অদুনা আফগনিস্তান একাউনতেন্সি বোর্দ(এ এ বি)দা ত্রেনিং পীবা, আই তিগী থবক হেনগৎহনবা অমসুং লৌশিং পীদুনা আফগনিস্তানদা ক্বালিতি এসুরেন্স পীবা, মহৈরোইশিং অমসুং মেম্বরশিংগী একচেন্জ প্রোগ্রামশিং পাংথোকপা, সেমিনারশিং , কনফরেন্সশিং অমসুং নাকল অনিমক কান্নগদবা অপুনবা থৌরমশিং পাংথোকপা য়াউরি ।

পান্দমশিং :

1. একাউন্তিংগী শীনফমদা নৌনা থোরক্লিবা চাউখৎপশিং খঙবা ঙম্নবা মরি লৈনবা হিরমশিংদা মহৈরোইশিং অমসুং মেম্বরশিংগী মরক্তা ইস্তদি তুর নৎত্রগা নাকল অনিনগী ইন্সতিত্যুৎশিংনা য়ানবা একচেন্জ প্রোগ্রামশিং পাংথোকপা ;

2. ভারত্তা নৌনা লাকপা একাউন্তিং শীনফমগী লৌশিং কয়া খঙহবা অমসুং মালেমগী ওইনা চৎনরিবা শীনফম অসিগী খ্বাইদগী ফবা থবকশিং চৎননবা হোৎনবা;
3. আফগনিস্তানগী দরকার ওইবা ক্বালিতি কন্ত্রোলগী থবকশিং লৌশিং পীথোক–পীশিন তৌনদুনা আফগনিস্তানদা ক্বালিতি মপাঙ্গল কনখৎহনবা অমসুং চাংনাইনা য়েংশিনবা ।

অচৌবা ইথিল :

ভারত অমসুং আফগনিস্তান অনিগী মরক্তা পুৱারি অমসুং কলচরগী ওইবা অকনবা মরি লৈনরি । ইকুই কুইদনা, লৈবাক অনিগী মরক্তা লৈনরিবা মরি অসি অনৌব অৱাংবা থাক অমদা লাক্লে, আফগনিস্তানগী গনতন্ত্র অমসুং ইকনোমিদা অনৌবা থৌরাং কয়া পায়খৎলকপদগী ভারতকী আফগনিস্তানদা লৈরিবা থৌশিল অসি অনৌবা মাইকৈ অমদা হোংলকখিবনি । মসিনা কাবুলগী ঙাক–শেনগী থবক হেনগৎহনগনি অমসুং লৈবাক অদুগী চৎথোক–চৎশিন অমসুং অপুনবগী থবক ফগৎহনগনি ।

ভারত অমসুং আই সি এ আইনা ভারতকী সি এশিং নাকোইননা থবক পীবদা অফগানিস্থান্না মতেং পাংগনি । লৈবাক অনিগী মরক্তা হৌখিবা চহি খর অসিদা লৈনরিবা মরি অসি ফগৎলক্লে অমসুং নাকল অনিমক কান্নরে ।

নুংগী ৱারোল :

ইন্সতিত্যুৎ ওফ চার্তর একাউনতেন্তস ওফ ইন্দিয়া(আই সি এ আই)অসি ভারতকী পরলিয়ামেন্তগী ‘দ চার্তর একাউনতেন্তস এক্ত ১৯৪৯’গী মখাদা লিংখৎখিবা বোদি অমনি; মসিনা ভারত্তা চার্তর একাউনতেন্সিগী শীনফমদা লৈরিবা মীওইশিংগী থবকশিং য়েংশিল্লি । সি পি এ অসি আফগনিস্তানগী একাউনতেন্সিগী শীনফমদা লৈরিবা মীওইশিংগী মনিংতম্বা রিগুলেতোরি বোদি অমনি, মসি আফগনিস্তান সরকারগী ফাইনান্স মিনিস্ত্রিগী মখাদা লৈবনি ।