ভারতকী প্রধানমন্ত্রী

ঐহাক ২০১৯গী সেপ্তেম্বর ৫–৬তা রুসিয়াগী ব্লাদিবোস্তোকদা চৎকনি।

রুসিয়াগী থাপ্লবা নোংপোক লমদমদা ঐহাক্কী খোংচৎ অসি, ভারতকী প্রধান মন্ত্রী অমগী অহানবা খোংচৎ অসিনা ঐখোয়গী লৈবাক অনিগী অফবা মরীশিংগী পুন্সিল্লিবা অসি খায়দোক্নবা অমসুং মখা তানা চেৎশিলহন্নবা নাকল অনিমক্না পাম্লিবা অদু খঙমিন্নগনি।

ঐহাক্কী খোংচৎ অসিগী পান্দমদি – রুসিয়াগী রাস্ত্রপতি শ্রী ব্লাদিমির পুতিনগী বার্তন্দা ৫শুবা ইস্তর্ন ইকোনোমিক ফেরমদা অথোইবা মীথুংলেন ওইনা শরুক য়াবা অমদি মহাক্কা লোয়ননা ২০শুবা ইন্দিয়া–রুসিয়া চহীগী মীফম পাংথোকপনি। ফোরম অসিনা রুসিয়াগী থাপ্লবা নোংপোক লমদমদা ললোন ইতিক অমসুং শেল থাদবগী খুদোংচাবশিং শেমগৎপনি অমসুং লমদম অসিদা ভারত অমসুং রুসিয়াগী মরক্তা নাকল অনিনা কান্নগদবা মওংদা তেংবাং পীনবনি।

ঐখোয়গী লৈবাক অনি অসিনা ঐখোয়গী অখন্নবা অমসুং স্ত্রাতেজিক পার্তনরশিপকী অচেৎপা ফাউন্দেসন্দা য়ুমফম ওইবা খ্বাইদগী ফবা মরীশিং থম্লি। লৈবাক অনিমক্না দিফেন্স, সিভিল ন্যুক্লিয়ার ইনর্জী অমসুং সুন্দ্রংবু শান্তি লৈনা শিজিন্নবগী লমশিংদা তেংবাং পীনরি। ঐখোয়না অফবা অমসুং চাউরবা ত্রেদ অমসুং ইনভেস্তমেন্তকী মরীশিং লৈরি।

ঐহাক্না ঐহাক্কী মরূপ রাস্ত্রপতি পুতিনগা লোয়ননা ঐখোয়গী লৈবাক অনিগী পার্তনরশিপকী পরিং পুম্নমক্কা লোয়ননা নাকল অনিগী ইন্তরেস্ততা রিজনেল অমসুং ইন্তর্নেস্নেল ইশুশিং খন্ন–নৈননবা মিৎয়েং থম্লি। ইস্তর্ন ইকোনোমিক ফোরমদা শরুক য়ারিবা মালেমগী অতোপ্পা লুচিংবশিং অমসুং মসিদা শরুক য়ারিবা ভারতকী ইন্দস্ত্রী অমসুং বিজিনেসকী মীহুৎশিংগসু উন্ননবা ঐহাক্না মিৎয়েং থম্লি।