ভারতকী প্রধানমন্ত্রী

ঐহাক্না ২০২৬ কী ওগস্ত ২৯দগী সেপ্তেম্বর ১ ফাওবা রিপবলিক ওফ উজবেকিস্তান অমসুং কির্গিজ রিপব্লিকতা চৎকদৌরি।

প্রেসিদেন্ত শভকত মির্জিয়োয়েবকী চেবাউ মতুং ইন্না, স্তেত ভিজিৎ অমগীদমক ঐহাক্না ওগস্ত ২৯-৩০দা তাসকেন্ততা চৎকনি। হন্দক্কী চহিশিং অসিদা, ভারত-উজবেকিস্তানগী স্ত্রেতেজিক পার্তনরশিপনা চাউনা খুমাং চাউশিল্লকপা উবা ফংখ্রে। ললোন-ইতিক অমসুং ইনভেস্তমেন্ত, দিজিতেল কনেক্তিবিতী, দিফেন্স, ইনর্জীগী লমদা ঐখোয়না খুৎশম্ননা থবক তৌমিন্নবগী থৌওং হেন্না মপাঙ্গল কনখৎহন্নবা অমসুং বিক্সিত ভারত অমসুং য়াঙ্গী উজবেকিস্তানগী ঐখোয়গী অপুনবগী মঙলানশিং মাংলোমদা পুখৎনবা প্রেসিদেন্ত মির্জিয়োয়েবকা লোইননা খন্ন-নৈননবা ঐহাক্না আশা তৌরি। ঐখোয়গী লৈবাক অনিবু শম্নহল্লিবা নক্নবা নাৎকী অমসুং মীয়ামগা-মীয়ামগগী মরক্তা লৈনবা মরীশিংবু ইকাইখুম্নবা ওইনা, ঐহাক্না শাস্ত্রী মেমোরিয়েল অমসুং তাসকেন্ত স্তেত য়ুনিভর্সিতী ওফ ওরিয়েন্তেল স্তদীজতা লৈবা মহাত্মা গান্ধী সেন্তরদসু চৎকনি।

তাসকেন্তগী, কির্গিজ রিপব্লিক্কী প্রেসিদেন্ত, হিস এক্সেলেন্সী মিস্তর সদির ঝাপারোবকী চেবাউ মতুং ইন্না, য়াম্না মরুওইবা ওর্গানাইজেসন অসিগী চহি ২৫ মপুং ফারকপগী থৌরমগা লোইননা, ২৬শুবা এস.সি.ও সমিত্তা শরুক য়ানবা ঐহাক্না বিশকেক্তা চৎকনি। ভারতনা ২০১৭ তগী হৌনা এস.সি.ও.গী এক্তিব অমসুং কন্সত্রক্তিব ওইবা মেম্বর অমা ওইদুনা লাক্লি। সেক্যুরিতী, কনেক্তিবিতী অমসুং ওপোর্চুনিতীদা য়ুম্ফম ওইবা লমদম অসিগীদমক ভারতকী মঙলান অদু মাংলোমদা পুখৎনবা, অমসুং ঐখোয়গী য়ুমলোন্নবা লৈবাকশিং অমসুং মসিগী ৱাংমদা শান্তি অমসুং তংদু লৈতাবা ফিভমদা অকিবা পীরিবা তেরোরিজম, সেপারেতিজম অমসুং এক্সত্রিমিজমগী অৱাবদগী নিংতমবা লমদম অমগীদমক ঐখোয়গী মেম্বরশিংগা লোইননা থবক তৌমিন্ননবা ঐহাক্না আশা তৌরি।

ঐহাক্না প্রেসিদেন্ত ঝাপারোব অমসুং অতৈ এস.সি.ও.গী লুচিংবশিংগা উননবা, অমসুং ভারতনা চাউনা ইকাইখুম্নবা পীরিবা সেন্ত্রেল এসিয়াগী ফজরবা হেরিতেজকী কুমহৈ অমা ওইরিবা ৬শুবা ৱার্ল্দ নোমাদ গেমসকী হৌদোকপগী থৌরমদা শরুক য়ানবা আশা তৌরি।

খোঙচৎ অসিনা সেন্ত্রেল এসিয়াদা ভারতকী স্ত্রেতেজিক পার্তনরশিপশিং মপাঙ্গল কনখৎহনগনি, লমদম অসিগা ঐখোয়গী সিভিলাইজেসনেল কনেক্ত হেন্না চেৎশিনহনগনি, অমসুং মালেমগা লোইননা ভারতনা মরী থম্বগী মরুওইবা ভেল্যুশিং ওইরিবা শান্তি, তংদু-লৈতাবা অমসুং চাউখৎ-থৌরাংগীদমক ঐখোয়গী অপুনবগী থৌরাং অদু মাংলোমদা পুখৎকনি হায়না ঐহাক্না থাজবা থম্লি।

****