ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা উজবেকিস্থানগী অন্দিজান লমদমদা উজবেক–ইন্দিয়া ফ্রি ফার্মাস্যুতিকেল জোন লিংখৎপদা মতেং পীননবা ভারত অমসুং উজবেকিস্থানগী মরক্তা এম ও য়ু খুৎয়েক পীনবদা অয়াবা পীরে। ২০১৮ গী ওক্তোবর ১ দা উজবেকিস্থানগী প্রসিদেন্তনা ভারত্তা লাকপদা এম ও য়ু অদু খুৎয়েক পীনগনি।

 লৈবাক অনিগী মরক্তা ফার্মাস্যুতিকেল অমসুং বাইওফার্মাস্যুতিকেল উদোক চাউখৎহনবগী মরুওইবা অমসুং ফার্মাস্যুতিকেল অমসুং বাইওফার্মাস্যুতিকেলগী লমদা ললোন-ইতিক, উদোক অমসুং পোৎথোক পুথোকপগী মরুওইবা অদু খঙলদুনা লৈবাক অনিনা মতেং পীননবা থবক পায়খৎলকপনি। এম ও য়ু অদুনা উজবেকিস্থানগী অন্দিজান লমদমদা উজবেক–ইন্দিয়া ফ্রি ফার্মাস্যুতিকেল জোন লিংখৎপদা মতেং পীননবা ফ্রেমৱার্ক অমা শেমগৎকনি। মসিনা ভারতকী ফার্মাস্যুতিকেল অমসুং বাইওফার্মাস্যুতিকেল কম্পেনিশিংনা শেন থাদবদা খুদোংচাহনগনি অমসুং অন্দিজানগী উজবেক-ইন্দিয়া ফ্রি ফার্মা জোনদা ফার্মাস্যুতিকেল পোৎলমশিং শানবা ফেক্তরিশিং লিংখৎপদা মতেং ওইগনি।