ভারতকী প্রধানমন্ত্রী

হর হর মহাদেব !

নুমিৎ খুরুমম্বা শেংলবা ছত থৌরম অসিদা ইমাশিং, ইচলশিং অমসুং মীয়ামদা ঐগী য়াইফ-পাউজেল পীজরি ।

মসিগী নুমিৎ মরিনিগী কুম্মৈ অসিনা য়ুম খুদিংদা নুংঙাইবা অমসুং হরাওবা পুরক্কনি হায়না ঐনা থাজৈ ।

লাক্কদৌরিবা কুম্মৈশিং হায়বদি দিৱালী, ভাই ধুজ অমসুং গোবর্ধন পুজাগী পুন্না ময়ামদা ঐগী য়াইফ-পাউজেল পীজরি ।

ফম্বাক্তা লৈরিবা ঐগী মন্ত্রীমন্দলগী মরূপ নিতিন গাদকারীজী, য়ু পিগী মুখ্য মন্ত্রী য়োগী অদিত্যনাথজী, উপ মুখ্য মন্ত্রী কেসাব প্রসাদ মৌরয়াজী, য়ু পি সরকারগী মন্ত্রী সুরেস খান্না জি, ঐগী পর্লিয়ামেন্তগী মরূপশিং দোক্তর মহেনদ্রনাথ পান্দেজী অমসুং রামচরিত নিসাতজী , মফম অসিদা লৈরিবা অতৈ শক্নাইরবশিং অমসুং বরানসীগী ঐগী নুংশিরবা ইনাওশিং অমসুং ইচলশিং ।

মরূপশিং,

দিৱালী অমসুং দুসেরা কুম্মৈশিংগী মতুংদা , ঐনা অমুক হন্না কাসিগী মীয়ামগা উনরে । হন্দক ঐনা দিৱালী নুমিৎতা বাবা কেদরনাথ খুরুম্বগী খুদোংচাবা অমা ফংখি । হৌজীক চয়োল অমগী মনুংদা , ঐনা বাবা বিশ্বনাথ খুরুম্বগী খুদোংচাবা অমা ফংলে । ঐনা উত্তরখান্দদা ইমা ভাগিরাথি খুরুম্বা ফংলে অমসুং ইমা গঙ্গা উবা ফংলে ।

ঙসিগী নুমিৎ অসি মহানামা মালভিয়াজী লৈখিদবা নুমিৎনি । ইকায়খুম্নবগা লোয়ননা ঐনা মহাক্কী থবক  অমসুং কৎথোকপশিং নুমিৎ অসিদা তৌবীমল খঙবা উৎচরি ।

মরূপশিং,

ঙসিগী নুমিৎ অসি কাসি, পুরভানচল, নোংপোক ভারত অমসুং ভারত পুম্নমক্কী পুৱারি ওইরবা নুমিৎ অমনি । ঙসি বরানসী অমসুং লৈবাক অসিনা চহি কয়াগী মমাংদা পায়খৎপা লোইরম্লগদবা চাউখৎ-থৌরাংগী থবকশিং অদুবু লোইশিনদবা লৈবশিং উরম্লগনি । ঙসি বরানসী অমসুং লৈবাক অসিনা ৱারেপ অমগা লোয়ননা থবক অমা লোইশিনবা উরে অমসুং মসি অফবা অমসুং মাইপাকপগী খুদম অমনি ।

লৈবাক অসিগী তুংগী মীরোলগী ইনফ্রাস্ত্রকচরশিংনা মতৌ করম্না ত্রান্সপোর্ত সিস্তেম নৌনা ফগৎহনবগে হায়বদু ঙসি লৈবাক অসিগী মীয়াম অমসুং বরানসীগী মীয়ামনা উবা ফংলে ।

বরানসীগী এম পি অমা ওইনা অমসুং নখোয় ময়ামগী মীনাই মকোক অমা ওইনা , ঙসিগী থৌরম অসিনা ঐঙোন্দা নুংঙাইবা অনিরক ফাওহল্লে । মসিগী লমদম অসিদা স্পিরিচুয়েলগী ওইবা মরি  অমা লৈনরি অমসুং ঙসিগী ওইনা লমদম অসি ঈশিং, কংফাল অমসুং অতিয়া পুম্নমক শম্নবগী অনৌবা শক্তি অমা ফংলে ।

মরূপশিং,

মতম খরগী মমাংদা, ঐনা ঈশিং লম্বীদা পুরকপা লৈবাক অসিগী অহানবা কন্তেনর ভেসেল তরাম্না ওকখি । মতম অদুদা লুপা ক্রোর ২০০ চংনা শাবা মল্তি মোদেল তরমিনেল অমা হৌদোকখি । মসিগী থবক অসি লোইশিনবদা চহি কয়া চংখি অদুবু কাসি লমদমদা লৈবাক অসিগী মঙলান অমা মঙফাওনবদা ঙসি হরাওবা পোকই । হায়রিবা কন্তেনর ভেসেলশিং অসিনা ঈশিং লম্বীদা বে ওফ বেঙ্গলগা নোংপোক থংবা য়ু পি, পুরভানচল অমসুং নোংপোক ভারতকা শম্নহল্লে ।

মরূপশিং,

বাবাতপুর এয়রপোর্তগা সহরগা শম্নবা লম্বী, রিং রোদ, কাসিগী লম্বীগী প্রোজেক্তশিং, লৈনুংদা ইলেকত্রিক ৱায়র ফুম্বগী থবকশিং , ইমা গঙ্গা পোলুসন লৈহন্দবগী থবকশিং পায়খৎনবা ঙসি উরেপ –উয়ুং তম্লে । লুপা ক্রোর ২৫০০০ রোমগী প্রোজেক্তশিং অসিনা বরানসীগী শক্তম ফগৎহল্লগনি । হায়রিবা প্রোজেক্তশিং অসিগীদমক ঐনা কাসি অমসুং পুরভানচলগী মীয়াম ঐগী থম্মোয়দগী থাগৎচরি ।

মরূপশিং,

নিংতম্বা হেক ফংবদগী ললোন-ইতিক তৌনবা য়াম্না চাউনা ঈশিং লম্বী শীজীন্নবা অসি হন্দক্কী অসিনা অহানবনি । ঙসিদগী চহি মরিগী মমাংদা ঈশিং লম্বীদা  বরনসিগা হালদিয়াগা শম্নবগী ৱাফম ঐনা পুথোকপরকদা মদু মী খুদিংমক্না নোক্নখি অমসুং মদুগী মরমদা ওইদবা কয়া হায়খি । অদুবু ঙাইহাক্কী মমাংদা কোলকাতাদগী ভেসেল থুংলখিবা অদুনা নোক্নখিবশিং অদুদা মতিক চাবা পাউখুম পীরে ।

লৈবাক অসিগী অহানবা কেন্তেন্নর ভেসেল অসি পোৎ-চৈ পুথোক-পুশিনগী শরুক অমা ওইবতা নত্তনা মসি অনৌবা ভারতকী অনৌবা অশাগী খুদম অমনি । লৈবাক অসিগী লন-থূমশি অমসুং তৌবা ঙম্বশিংদা থাজবা থম্বগী খুদম অমনি ।

মরূপশিং,

ঙসি বরানসীদা থুংলরিবা ভেসেল অসিনা কোলকাতাদগী উদোক্কী পোৎলমশিং পুরক্লি অমসুং হনখিবদা হার পুখিগনি । মসিনা য়ু পি অমসুং পুরভানচলগী ফেক্তরিশিংদগী পুথোরকপা হার নোংপোক ভারতকী হিংথাংফমশিংদা হকথেংননা য়ৌরগনি ।

মসি শুপ্নগী খুদম অমা খক্নি । মনা-মশিং, মহৈ-মরোং অমসুং ঐগী বরানসীগী ফিশাবা ইচিন-ইনাওশিংগী পোৎথোকশিং অমসুং অকোয়বগী পোৎথোকশিং ঈশিং লম্বীদা পুগদবা মতম খরতা ঙাইরে । খনদুনা য়েংউ, মসিগী অচৌবা লম্বী অসিনা লমদম অসিগী অপীকপা উদোক তৌরগা হিংলিবা মীওই লাখ কয়াগী লম্বী পীরগনি । মসিগী ঈশিং লম্বী অসিনা মখোয়গী উদোকশিংগী রো মেতরিয়েলশিং পুরকপা অমসুং মখোয়গী পোৎথোকশিং য়োনবদা অচৌবা মতেং ওইরগনি ।

ময়ামগী নুংশিবা অদুগীদমক থাগৎচরি । মসিগী নুংশিবা অসি ২০১৯গী খাকতুনা থম্বীয়ু । ঐ ৱা ঙাংবা হৌবা য়াগদ্র ? নখোয়না ইংনা তাগদরা নৎত্রগা মোদী ! মোদী ! হায়না লাওগদরা ? নখোয়গী মীনুংশি অদুগীদমক ঐনা ময়াম থাগৎচরি  অদুবু কাসিগী মীয়াম্না তাবা পাম্মি অমসুং লাংলিবা অসিগী মরম খঙই। মতৌ করম্না অওনবা পুরকলে  অমসুং মতৌ করম্না অওনবা পুরক্কনি হায়বদু ঐ শন্দোক্না হায়জগে ।

লাক্কদৌরিবা নুমিৎ খরনি অসিদা ,বরানসীগী মল্তি মোদাল তর্মিনেলদগী রোরো সর্বিস হৌদোকপা মতমদা নখোয় ময়াম লাপ্না চৎনবগী অতোপ্পা খুদোংচাবা অমা ফংলগনি । হায়রিবা জাহাজশিং অসিগী মতেংদগী অচৌবা ত্রকশিং, কারশিং অমসুং বসশিং ইরাই লাইনা অতোপ্পা সহরশিংদা য়ৌবা য়ারগনি ।

মরূপশিং,

করিগুম্বা ঙসি জহাজশিংদা পুরিবা পোৎশিং অসি লম্বীদা পুরবদি মদু ত্রক ১৬ চংগনি । মরুওইনা ঈশিংগী লম্বীদা কন্তেনরশিংনা পোৎ পুবা অসিনা কন্তেনর অমদা লুপা ৪৫০০ কনবা ঙম্মি । হায়বদি, পোৎশিং অদু য়ৌবদা হকথেংননা লুপা ৭০০০০-৭৫০০০ কল্লি । মসিগী ঈশিংগী লম্বী অসিনা শেন অমসুং মতম কনগনি , লম্বী চিনবা হন্থহনগনি, থাউ কনগনি অমসুং পোলুসন হন্থগনি ।

মরূপশিং,

মতম অমদা ঐখোয়গী তুরেলশিংদা অচৌবা জাহাজশিং হোল্লম্মি । অদুবু, নিংতম্লবা মতুংদা, হায়রিবা লম্বীশিং অসিদা পুক্নিং চংবগী মহুত্তা, মখোয় মীরাইখি । লৈবাক অসি য়াম্না মাংজখি । মমাংগী সরকারশিংনা লৈবাক অসিগী তৌবা ঙম্বশিং অমসুং তুরেলশিংগী শক্তিশিং কয়া য়াম্না অরানবা তৌরম্বগে হায়বদু খনদুনা য়েংউ।

লৈবাক অসিগী তৌবা ঙম্বশিংদা অরানবা তৌরিবা অসি লোইশিন্নবা ঐখোয়গী সরকারনা থবক পায়খৎলি । হৌজীক ঈশিং লম্বী ১০০ হেন্না শেমগৎলি । বরানসী-হালদিয়া ঈশিং লম্বী অসি মখোয়গী মরক্ত অমনি । বরানসী-হালদিয়াগী পরিং অসিদা ফারাক্কা, সাহিবগন্জ অমসুং বুজারদা লুপা ক্রোর ৫০০০ চংনা খুদোংচাবা কয়া শেমগৎলি ।মসিগী ঈশিং লম্বী অসিনা উত্তর প্রদেশ খক নত্তনা নোংপোক থংবা ভারত হায়বদি বিহার, ঝারখান্দ অমসুং নোংচুপ বেঙ্গালসু কান্না পীরগনি ।

মরূপশিং,

মসিগী ঈশিং লম্বী অসিনা পোৎ পুথোক-পুশিন্দা কান্নবদা নত্তনা তুরিজম হেনগৎহল্লগনি অমসুং নোংপোক থংবা ভারতকী লাইখুরমফমশিংগা নোংপোক এসিয়াগী লৈবাকশিংগা শম্নহল্লগনি । মতমগী মতুংইন্না বরানসী অমসুং নোংপোক থংবা ভারতকী শরুক অসি ক্রুইজ তুরিজমগী শকখঙনরগনি । মসি কাসিগী কলচর অমসুং সিবিলাইজেসনগা লোয়ননা চৎমিন্নগনি । চাউখৎপগী মেপ অসি মমাংঙৈগী কাসিগা অনৌবা মতম অসিগী মওংগা য়ানশিল্লগা থবক ওইনা পাংথোক্কনি ।

মরূপশিং,

অনৌবা মতমগী খুদোংচাবশিং লৈরিবা অরিবা মতমগী লম্বীশিং অসি মহৌশা, কলচর অমসুং এদভেন্জরগী অপুনবা মফম অমা ওইরগনি ।

মরূপশিং,

বরানসী, বাদোহি অমসুং মিরজাপুর অসি কার্পেত শাবগী মফমশিংনি অমসুং হৌজীক লৈবাক অসিগী ওইনা মালেগী মফম কয়াদা তেক্সতাইল থাদোক্নবগী মফম অমা ওইরে । হৌখিবা থাদা, অহানবা ওইনা , দিন দয়াল হাস্তকালা সানকুলদা ইন্দিয়া কার্পেত এক্সপো পাংথোকখি । মদুগী এক্সপো অদু ঐনা দিল্লিদগী হাংদোকখি । বরানসী অমসুং কোলকাতা অনিগী মরক্তা লৈরিবা ঈশিং লম্বী অসিনা সেক্তর অসিদা থবক তৌরিবশিংদা কান্নবা পীরগনি । মখোয়গী পোৎথোকশিং মপান্দা থাদোকপদা য়াম্না কান্নরগনি ।

মরূপশিং,

লাইনা চৎথোক-চৎশিন য়াবা অমসুং খুদোংচাবা অনি অসি হকথেংননা মরি লৈনৈ  অমসুং করিগুম্বা মতমদা খুদোংচাবা অসি চাওথোকচনবগী মরম অমা ওই । মালেমগী থাক্তা শেম্লিবা বাবাতপুর এয়রপোর্ত লম্বী অসি মসিগী খুদম অমনি । অরাপ্পা মফমদগী লাকপা মীওই কয়া লম্বী অসিদা সেলফি নম্মি হায়বা ঐ খঙলে । হৌজীক অসি কুম্মৈগী মতম্নি । ফ্লাইত তোংদুনা ময়ুমদা হল্লকপশিংনা বাবাতপুর এয়রপোর্ততগী থোরকপা মতমদা চাওথোকচবা পোক্কনি । সহর অসিদগী নুমিৎ খরনি চৎথোক্লুবা মীওইশিংনা সহর অসিদা হল্লকপদা , মখোয়না হান্নগী হরিহুয়া অমসুং তরনা-সিবপুর লম্বী ফাওদুনা চৎলি হায়বদা থাজবা ঙম্লোই । লম্বী অসি য়াম্না চিনবদগী নহাক্কী ফ্লাইত তোংবা ফংহৌদবা মতম অদু নিংশিংনবা হোৎনৌ  অমসুং ফ্লাইত তোংনবা নখোয়না নয়ুমদগী পুং কয়াগী মমাংদগী  থোরকখি । লম্বীশিংগী অকুৎপা মফমশিংনা নখোয় কপহনখি । হৌজীক ফিবম অদু য়াম্না হোংলে ।

মরূপশিং,

লুপা ক্রোর ৮০০ হেন্না চংনা শাখিবা বাবাতপুর এয়রোর্ত অমসুং সহর অসি শম্নবা লম্বী অসি পাকথোকপতা নত্তনা লেন মরি ওইরে, মসিনা মালেমগী মফম কয়াগী লমকোয়বশিংগী পুক্নিং চিংশিনবা হৌরে । মসিগী লম্বী অসিনা কাসিগী মীয়াম  অমসুং লমকোয়বা লাকপশিংগী মতম মাংহন্দবতা নত্তনা জাওনপুর, সুতালপুর অমসুং লখনৌদা চৎপদা খুদোংচাবা কয়া পীরে । ঙসি কাসিগী মীয়ামদা সহর অসিগী রিং রোদকী অহানবা ফেজ কৎথোক্লে । লুপা ক্রোর ৭৬০ চংনা শেমগৎপা লম্বী অসিনা গারাখপুর, লখনৌ,অজামগর অমসুং অয়োধ্যদগী লাকপা গারিশিং সহর অসি ফাউদুনা চৎলরোই ।

মসিগী লম্বী অনিগী প্রোজেক্তশিং অসি বরানসীনা চহি কয়াগী মমাংদগী দরকার ওইদুনা লাক্লবনি । প্রধান মন্ত্রী ওইরকপা থা ৬গী মনুংদা, হায়রিবা প্রোজেক্ত অনি অসি য়াংনা লোইশিন্নবা ঐনা কন্না হোৎনখি । নখোয় ময়ামগী মতেংদগী হৌজীক হায়রিবা প্রোজেক্ত অনি অসি লোইশিল্লে । মসিগী প্রোজেক্তশিং অসিনা বরানসীগী লম্বী চিনবা অমসুং পোলুসন হন্থহল্লগনি অমসুং নখোয়গী মতম মাংহল্লরোই । মসিনা লমকোয়বশিংনা সরনাথ চৎপদা খুদোংচাহল্লগনি । ঙাইহাক্কী মমাংদা রামনগরদা হেলিপোর্ত শানবগী উরেপ-উয়ুং তমখ্রে । মসিনা মফম অসিদা তুরিজমগী কান্নবা ফংহল্লগনি ।

মরূপশিং,

লম্বী-থোং ফগৎহনবা অসিনা তুরিজম চাউখৎহনবতা নত্তনা থবক ফংবা হেনগৎহল্লি অমসুং লৈবাক অসিদা থাজবা লৈহল্লি । ঙসি বরানসীদা হৌদোক্লিবা প্রোজেক্তশিং অমসুং উরেপ-উয়ুং তম্লিবা প্রোজেক্তশিং অসিনা নহারোলশিং থবক পীনবা অনৌবা খুদোংচাবা কয়া ফংহল্লগনি ।

মরূপশিং, বি জে পীগী সরকারশিং অমসুং বি জে পীনা লুচিংবা সরকারশিংগীদমক , লৈবাক অসিগী চাউখৎপা অমসুং মসিগী মীওইশিং চাউখৎহনবা হায়বসি তৌদ্রবা য়াদ্রবা অমনি। হৌজীক লৈবাক অসিনা চাউখৎপগী রাজনিতি খক পাম্লি । চাউখৎ-থৌরাংগী থবকশিংদা য়ুমফম ওইরগা মীয়াম্না ৱারেপ লৌরি অমসুং ভোৎ বেঙ্কগী রাজনিতিদা য়ুমফম ওইরগা ৱারেপ লৌদে ।

হৌখিবা চহী মরি অসিদা অনৌবা ইনফ্রস্ত্রকচরশিং শেমগৎপা ঐখোয়না উবা ফংলে । খুদোংচাদবা মফমশিংদা অনৌবা এয়রপোর্তশিং শেমগৎলে, অহানবা ওইনা অৱাং-নোংপোক ভারতকী মনুংহুনজীনবা মফমশিং অমসুং ত্রাইবেলশিংগী লমদা ত্রেনশিং য়ৌরে অমসুং অচৌবা হায়ৱেজশিং অমসুং এক্সপ্রেসৱেশিংনা ঐখোয়গী সরকার অসিগী অনৌবা মশক অমা  ওইরে ।

মরূপশিং,

ঐখোয়না লন-থুম চাওখৎনবা থবক পায়খৎপদা নত্তনা মীচম মীয়ামগী দরকার ওইবা লু-নানবা অমসুং হকশেলগী খুদোংচাবশিং ফংহন্নবা থবক পায়খৎলি । ২০১৪গী মমাংদা খুঙ্গংগী লু-নানবগী চাং চাদা ৪০গী মখাদা লৈরম্বা অদু হৌজীক চাদা ৯৫গী মথক্তা লৈরে । অয়ুসমান ভারত য়োজনাগী মখাদা হৌজীক লায়রবশিংগী মরক্তগী খ্বাইদগী লায়রবশিং অরুবা অনাবশিং হোস্পিতালশিংদা লায়েংবা ফংলে । য়োজনা অসিগী মখাদা হৌজীক ফাওবদা মীওই লাখ ২ হেন্না লেম্নবা লায়েংবগী খুদোংচাবা ফংখ্রে । মসি স্কিম অসি হৌদোকপা নুমিৎ ৪০ য়ৌদ্রিঙৈদা ফংবা ঙমখিবনি ।

মরূপশিং,

ঐখোয়না মীয়ামগী হকচাং ফহন্নবা মীৎয়েং থম্বতা নত্তনা ঐখোয়গী থৱায় ওইরিবা তুরেলশিংগী ফিবম ফগৎনবা থবক কয়া পায়খৎলি । মসিগীদমক, ইমা গঙ্গা লু-নান্না থম্নবা নামামি মিসন গঙ্গা মিসন হৌদোকতুনা হৌজীক অনৌবা থাক অমদা য়ৌরে ।

মতম খরগী মমাংদা, গঙ্গাদা তাবা সিৱেরেজগী ঈশিং শেংদোক্নবা প্লান্তশিং শানবা লুপা ক্রোর ৪০০ হেনবগী প্রোজেক্ত মরি হৌদোকপা অমসুং উরেপ-উয়ুং তম্বগী খুদোংচাবা ঐনা ফংখি । মসিগী দিনাপুরদা লৈরিবা  সিৱরেজ ত্রিদমেন্ত প্লান্তশিং অসিনা লাক্কদৌরিবা চহিশিংদা সহর অসিগী ফত্তবা ঈশিং ইমা গঙ্গাদা তাবদগী কনবা ঙমগনি । মসিগা চপ মান্ননা, রামনগরগী প্লান্ত অসিনসু  ইমা গঙ্গাগী য়াইফনবা থবক তৌনবা শেম-শারি ।

মরূপশিং, ঐখোয়গী সরকার অসিনা গঙ্গা জীগী শেন লেম্না মাংহন্দে অদুগা শেনফম অদু গঙ্গাদা তিল্লক্কদবা অমোৎপা ঈশিং শেংদোকপদা শীজীন্নরি । নামামি গঙ্গে প্রোজেক্কী মখাদা হৌজীক ফাওবদা লুপা ক্রোর ২৩০০০গী প্রোজেক্তশিং অয়াবা পীরে ।লুপা ক্রোর ৫০০০গী প্রোজেক্তশিং হৌজীক থবক পায়খৎলি । হৌজীক গঙ্গা তুরেলগী মপান্দা খুন্দারিবা খুঙ্গং পুম্নমক লমহাংদা খোঙহামদ্রে । হায়রিবা প্রোজেক্তশিং অসি গঙ্গোত্রিদগী গঙ্গাসাগর ফাওবদা গঙ্গা অসি লু-নান্না থম্নবা ঐখোয়না লৌখিবা ৱারেপ অদুগী শরুক অমনি ।

ঙসি, মসিগী মিসন অসি য়াংনা চাওখৎলক্লিবা অসি মীয়াম্না শরুক য়াবদগীনি অমসুং তুরেলশিংদা মীয়াম্না মখোয়গী থৌদাংশিং খঙনা থবক তৌরকপদগীনি । মমাংগী সরকারশিংনা গঙ্গা তুরেল শেংদোকপগী মিংদা লুপা ক্রোর লিশিং কয়া চাদিং তৌখিবা অদু ঐখোয়না খঙলে  ।

মরূপশিং,

ঙসি বরানসীদা মৈগী মতাংদা অওনবা পুরক্নবা থবক কয়া হৌদোক্লে । অরিবা কাসিগী মথক্তা , অতোপ্পা মফমশিংদসু আই পি দি এসগী মখাদা থবক মপুং ফানা পায়খৎলে । মথক্তা য়ানলগা লৈরিবা ইলেকত্রিক ৱায়রশিং লৈনুংদা ফুম্লে ।মসিসু ঐখোয়গী অচৌবা কাসি অমা ওইনবগী মঙলানগী শরুক অমনি । লাক্কদৌরিবা নুমিৎ খরনিদা,মসিগী থবক অসি সহর অসিগী অতৈ মফমশিংদসু য়ৌরগনি ।

মরূপশিং,

নখোয় ময়াম্না হোৎনবদগী,ঙসিদি লৈবাক অসিগী অমসুং মালেমগী মমাংদা অরিবা কাসিগী অনৌবা মশক অমা উবা ফংলে । হৌজীক মসি ঐখোয়না ঙাক-শেন্দুনা থমগদবনি অমসুং ঐখোয়গী ফজরবা সহর অসি মালেমগী মমাংদা ইকায়খুম্নবা লৈহনগদবনি ।

মথং চহিগী জনৱারিদা কাসিদা প্রবাসি ভারতিয়া দিৱাস পাংথোক্কনি । নখোয় ময়ামগুম, ঐসু বরানসীদা লৈদুনা থৌরম অসি শরুক য়ানবা লাক্কদৌরিবা মালেমগী মীয়ামগী তরাম্না ওক্কনি । হায়রিবা মতম অদুদা প্রায়াগ্রাজদা আর্ধা-কুম্ভা পাংথোক্কনি । মফম অদুদগী মীওই কয়া বরানসীদা লাক্কনি ।

মালেমগী খ্বাইদগী লিরবা সহর অসিগী ফজবা অমসুং মফম অসিগী খ্বাইদগী ফবা খুদোংচাবশিং অসি পুনশিন্দুনা লমকোয়বা লাকপশিংগী ৱাখলদা কাসিগী মুৎনাইদ্রবা মমি তাখিদুনা সহর অসিদা মখোয় হনজীন-হনজীন লাকপা ওইরসনু ।

হায়রিবা খুদোংচাবা কয়া অমসুং অনৌবা চাউখৎ-থৌরাংগী প্রোজেক্তশিং অসিগীদমক ঐনা অমুক হন্না ময়াম থাগৎপা পাম্মি । পুরবানচল অমসুং নোংপোক থংবা ভারতকী মীয়ামদা ছত পুজাগীদমক ঐগী য়াইফ-পাউজেল পীজরি ।

জয় ছাতি মাইয়া ! হর হর মহাদেব !