ভারতকী প্রধানমন্ত্রী

মরম খরগীদমক মীওই খরনা ভেনকৈয়জী থাগৎলি। মহাক্কী হৈনবীশিং হোংদোকপগীদমক ঐনা মহাক থাগৎলি।  ঐনা ভেনকায়াজি হাউসতা উবা মতমদা মহাক মশামক ইফা ফাজিনবা চেকশিনবা উখি। কনাগুম্বা অমনা মাইপাক্নবা মশামক চেকশিঞ্জবা মথৌ তাই হায়না ঐনা থাজৈ অমসুং মদুনা মাইপাক্নবগী অচৌবা পোৎশক অমনি। হাউসকী থবকশিং ফজনা চৎথরবদি, কনানা প্রেসাইদিং ওফিসর ওইরি হায়বা কনা অমত্তনা পুক্নিং চংদে।

নুপা নৎত্রগা নুপী অমগী তৌবা ঙম্বশিং অমসুং মীওই অমগী অখন্নবদা কাহেন্না পুক্নিং চংগনু। হেন্না মথৌ তারিবদি মেম্বরশিংগী থবক তৌবা ঙম্বা অমসুং মখোয়গী ৱাখল্লোনশিং অদুনি। অদুবু, হাউসনা থবক ফজনা পাংথোক্তবা মতমদা মীৎয়েং অসি প্রেসাইদিং ওফিসরদা থম্লকই; মহাক্না মতৌ করম্না মেম্বরশিং লাকশিনবগে হায়বা য়েংলকই। মরম অদুনা লৈবাক অসিনা হৌখিবা চহীদা ভেনকৈয়জী নকশিন্না য়েংনবগী খুদোংচাবা অমা ফংলে। করিগুম্বা হাউসনা থবক ফজনা পাংথোক্লম্লবদি মদুগী খুদোংচাবা ফংলমদবা য়াই। ঐনা ভেনকৈয়জীগা চহি কয়া থবক তৌমিন্নবগী খুদোংচাবা ফংদুনা লাক্লি অমসুং ঐখোয় চপ মান্নবা রাজনিতীগী চৎনবী অমদা হৌরকখিবনি। ভেনকৈয়জীনা আন্ধ্রা প্রদেশকী পার্তী সেক্রেতরী ওইরিঙৈদা ঐনা নেস্নেলগী সেক্রেতরী ওইখি। মহাক্না দলগী নেস্নেল প্রসিদেন্ত ওইবা মতমদা ঐনা দলগী জনরেল সেক্রেতরী অমা ওইনা মহাক্কী মতেং পাংখি। মতৌ অসুম্না ঐখোয় অমত্তা ওইনা থবক তৌমিন্নখি। ভেনকৈয়জীগী ওইনা ওফিস্তগী মহাক্কী মথৌনা হেন্না মরুওইনা লৌখি ।

রাজ্য অমখক নত্তনা ভেনকৈয়জীনা রাজ্য শীনবা থুংনা চৎলে হায়বা ঙাইহাক্কী মমাংদা খঙলে। অদুবু চিৎথহৌরিবা রাজ্য অদু থবক লৈতবদগী চৎতবা নত্তে। মফম অদু হেলিকোপ্তরনা য়ৌবা ঙমদবদগী চিৎথহৌবনি, নোং-চিংগী ফিবম্না নৎত্রবদি হায়রিবা রাজ্য অদুসু য়ৌরমগনি ।

ঐখোয়না হাউসতা লৈরিঙৈ, করিগুমবা মতমদা মীফম লোইরগা মহাক উননবা থিরকপা মতমদা মহাক হান্না চৎখিদুনা কেরালা; তামিলনাদু নৎত্রগা অন্ধ্রা য়ৌরমখি। মঙোন্দা শীন্নবা থবক খুদিংমক মতম চুপ্পদা মহাক্না ফজনা পাংথোকখি; মদুগীদমক থবক কন্না সুখি অমসুং শীন্নরকপা থবকশিং অদু লোইশিন্নবা মশামক শেম-শাখি অমসুং মরম অদুনা মহাক মখা তানা মাইপাক্লিবনি।

চহি ৫০ মীয়ামগা লোয়নরকপা অসি অপীকপা থবক অমা নত্তে। চহি ১০ মহৈরোই অমা ওইনা মীয়ামগা লোয়নরকখি অমসুং মদুসু একতিবিস্ত অমা ওইনা অমসুং চহি ৪০ লিশাং শিৎনা রাজনিতীগী পুন্সিদা লাক্লি। চহি ৫০গী শাংলবা মতম অসিদা মহাক লৌশিং কয়া তানশিনখি অমসুং মহাক্কী মরুপ-মপাংশিংদা লৌশিং কয়া তাকপীখি। করিগুম্বা মতমদা কনাগুম্বগা নকশিন্ননা থবক তৌমিন্নখি, অদুবু মীওই অদু মশক খঙবদা ৱানা থোকখি। করিগুম্বা মতমদা নহাক্না মীওই অমদগী ফিত ১০ লাপ্না লৈবা মতমদা নহাক্না মীওই অদু মশক খঙগনি ; করিগুম্বা নহাক্না মীওই অদু নক্না তিন্নরবদি মহাক মশক খঙবা ৱাগনি। মসিনা তাক্লিবদি, ঐখোয় নক্না তিন্নবদগী মশক খঙবা ৱাৎলে হায়বনি, অদুবু ঐখোয়গী মরুপ অসিগী তৌবা ঙম্বশিং, মগুনশিং অসি ঐখোয়না অতোপ্পদগী তাবনি। মহাক্কী অসিগুম্বা মগুনশিং লৈরম্বা অসি ঐখোয়দা হরাওবা অমসুং চাউথোকচবা পোকই অমসুং অসিগুম্বা অচৌবা মীওই অমগা থৌমী অমা ওইনা থবক তৌমিন্নবগী খুদোংচাবা ফংলে।

ভেনকৈয়জীনা থকশি-খাসিদা পুক্নিং চংখি অমসুং ঐখোয়গী লৈবাক্কী ফিবম অসি থকসি-খাসি অসি অনদেমোক্রেতিক ওই হায়না লাইনা হায়বা য়াই। কনাগুম্বা অমদা থক-খাসি লৈনবা হায়রুবা  মতমদা মহাক চৎখিগনি। মীয়াম্না মহাক ওতোক্রেতনি হায়গনি অমসুং মীয়াম্না মঙোন্দা ৱাহৈ কয়া শীজিন্নগনি। অদুবু ভেনকৈয়জীনা অতোপ্পদগী পাম্বা থকসি-খাসিশিং অদু মহাক মশামক ঙাক্না চৎলি। কনাগুম্বা অমনা ভেনকৈয় জিগা লম চৎমিন্নবা তারবদি মহাক য়াম্না মীৎশিং-নাশিংগদবনি।

অহানবদা, মহাক ঘরি শিদে অমসুং মশাদা কোলোম নৎত্রগা শেল পুদে। করিগুম্বা নহাক্না মহাক্কা লোয়ননা চৎমিন্নবা তারবদি হায়রিবা পোৎশিং অসি নহাক্না পুরক্কদবনি। মহাক্না ঘরি শিদ্রবসু মহাক অদুক্কী মতিক মতম ঙাক্না চৎলি মদুদি মহাক্না থৌরমশিং মতম চানা য়ৌরকপা অসি থাগৎনিংঙাইনি। থৌরমগীদম মতম চানা য়ৌরকপা অমসুং অপীবা মতমগী মনুংদা লোইশিন্দ্রবদি মহাক নুংঙাইতবা নহাক্না উবা ফংগনি অমসুং নহাক থৌরম অদু য়াম্না থুনা লোইশিন্নিংগনি। মরম অদুনা থকশি-খাসি অসি মহাক্কী লমচৎকী শরুক অমনি অমসুং মরম অদুনা মঙোন্দা শীন্নবা থবক খুদিংমক পান্দম অমগা লোয়ননা পাংথোক্কনি, থবক অমগীদমক মহাক্কী অচুম্বা থৌরাং লৈগনি অমসুং মদু মাইপাক্নবা হোৎনবা য়াবা হোৎনগনি।

অহানবা ওইনা মহাক মন্ত্রী হাপ্পা মতমদা, অতলজিনা মঙোন্দা অৱাংবা থাক্কী ফম অমা পীনবা থৌরাং তৌখি। মহাক্না ইংলিস ফজনা খঙই অমসুং মহাক খা-ভারতকী মহুৎ শীনবা ওইবনা মহাক মন্ত্রী মন্দলদা য়াউহন্নবা খন্নখি। ঐ মতম অদুদা জনরেল সেক্রেতরী ওইরি অমসুং মসিগী থৌরাং অদুগী পাউ ফংবদা মহাক্না ঐঙোন্দা হংখি, করিগীদমক নখোয়না ঐঙোন্দা পোৎলুম অসি থাংগৎলিবনো? ঐনা মঙোন্দা হংখি, করি তৌরে? মসি মহাক্কী থবক নত্তে হায়না মহাক্না পাউখুম পীরকখি। ঐনা মঙোন্দা হায়খি, অদুদি নহাক করি তৌগনি? মহাক্না খুম্লকখি, মসিগী মতাংদা ঐ অতলজিদা হায়গনি। ঐনা মঙোন্দা হায়খি, নহাক্না অতলজিগা উনগদবনি অমসুং নহাক্কী অপাম্বা ফোঙদোক্কদবনি। মহাক্না অতলজিগী মনাক্তা চৎলগা অসিগুম্বা অৱাংবা মন্ত্রী ফম অসি পীদনবা হায়খি। মহাক্না অতলজিদা রুরেল দিবলপমেন্ত মন্ত্রী পীনবা হায়খি। মসিগী থবক অসিদা মহাক্কী পুন্সি কৎথোকপা পামখি।

মরম অদুনা অৱাংবা থাক্কী মন্ত্রী ফম লৌদবা অসি গুন অমনি হায়না খনখি, মহাক্না রুরেল দিবলপমেন্ত পাম্মী  হায়খি। মহাক শীনফম অমা ওইনা  লৌমী অমনি। মহাক্কী পু্ন্সি অসি লৌমী অমগুম হিংবা মরম্না মহাক্না লৌমীশিংগী  থবক খর পায়খৎপা পামখি অমসুং মসিনা মরম ওইদুনা মহাক্না রুরেল দিবলপমেন্ত পামখি। অরুনজিনা হায়খি, সরকারগী থবকশিংগী মনুংদা প্রধান মন্ত্রী গ্রামিন সরক য়োজনা অসিনা খ্বাইদগী কান্নবা থবক অমনি। এম পি খুদিংমক্না মখোয়গী লমদা প্রধান মন্ত্রী গ্রামিন সরক য়োজনা অসি পায়খৎপা পাম্মী ।এম পিশিংদা মসিগী ৱাখল খলহল্লিবসিগী মনা অসি ভেনকৈয়জীনি। খুঙ্গংদা ঈশিং ফংহনবগী থবক অসিগীদমক মহাক্না কৎথোকতুনা লাক্লি। মসিগীদমক মহাক্না মহাক্কী মতম অমসুং পাঙ্গল পুথোকতুনা লাক্লি। ঙসি ফাউবা অসিগুম্বা ৱাফমশিং সংসদতা খন্ননবা পুথোরকপা মতমদা য়ৈথোক্লবদি খ্বাইদগী শাউনিংলিবসি মহাক্নি। খুঙ্গং অমসুং লৌমীশিংগী ৱাফম পুখৎলকপা মতমদা হাউসতা ঙাইহাকতং ওইরবসু খন্নবা পামখি।

মহাক্না তেলগু ঙাংবা তাবশিংনা মহাক্কী য়াম্না থুনা ৱা ঙাংবা অসি লাম্বা তৌবা ঙম্লোই। মহাক্না অসুক্কী মতিক য়াম্না থুনা ৱা ঙাংখি মদুদি করিগুম্বা নহাক্না লোকেল ত্রেন অমদা ফম্বা ওইরবদি মহাক্না সুপরফাস্ত ত্রেন অমগুম য়াংনা চেল্লি। মহাক্না ৱা ঙাংবদা য়াম্না থুনা ঙাংই। মহাক্কী ৱারোলদা য়াম্না মরুওইবা ৱাফমশিং মহাক্না হায়রকপা অসি য়েংবা য়াবা অমনি। মহাক্কী তান্থা অসি য়াম্না মওং তাই। মসি মীতিনদা ৱা ঙাংবা মতমদা ঙাংবা নত্তে। মহাক্কা ফম্মিন্নবা মতমদসু মওং অদুদা অদুম ঙাংলক্কনি। হাওসতা মসিগী কান্নবা মীপুম খুদিংমক ফংখি। মহাক্না ওফিস পায়রকপা চহি অমা মপুংফারকপগী অপীকপা থৌরম অমা পাংথোক্লিবা কাংবু অসি ঐনা থাগৎলি। সংসদ অসি মীয়ামগী য়াইফনবা মতৌ করম্না শীজিন্নগদগে হায়বা নখোয়না খঙলে হায়না ঐনা লৌই। লাইরিক অসিনা মতৌ করম্না পরলিয়ামেন্তনা লৈবাক অসি মাংলোমদা পুখৎনবা থবক পায়খৎলিবগে হায়বদু উৎলে।

মনুং হুনজিনবা মফমশিংদা শম্নদুনা থবক তৌরিবা এম পি খরা নৎত্রগা ভি সি খরা নৎত্রগা চীফ  মিনিস্তর খরা নৎত্রগা রাজ্যপাল খরা নহাক্না মশক খঙদোকপা য়াই। ভাইস-প্রসিদেন্তনা ওফিস পায়রকপা চহি অমা মপুং ফারকপগী থৌরম পাংথোক্লিবা অসিগুম্না ঐখোয়সু মসিগী কাংলুপ অসিদা শরুক য়ানবা হোৎনগদবনি ।

ভেনকৈয়জীদা ঐনা ঐগী য়াইফ পাউজেল পীজরি। হাউসতা মপুং ফানা ৱা খন্নবা অসি অমসুং হাউনা ফজনা মথৌ তৌবা অসি মহাক্কী অপাম্বনি অমসুং লৈবাক্কী কান্নগদবা অসিগুম্বা ৱাফমশিং অসি হাউসতা পুখৎকদবনি। মহাক্না লেপ্তনা হোৎনবা অসিনা মহাক্কী মঙলানশিং অসি মঙফাওনগনি হায়না ঐনা খল্লি। ময়াম পুম্নমক থাগৎচরি।