ভারতকী প্রধানমন্ত্রী
প্রধানমন্ত্রী শ্রী নরেন্দ্র মোদীগী বার্তনদা জপানগী প্রধানমন্ত্রী মিস্তর শিনজো অবেনা ২০১৭কী সেপ্তেম্বর ১৩-১৪দা ভারত্তা ওফিসিয়েল খোংচৎতা লাক্কনি ।
প্রধানমন্ত্রী মোদী অমসুং প্রধানমন্ত্রী অবেনা সেপ্তেম্বর ১৪দা গুজরাতকী গান্ধিনগরদা লৈবা মহাত্মা মন্দিরদা ১২শুবা ইন্দিয়া-জপান এনুয়েল সমিত পাংথোক্কনি । লুচিংবা অনিনা মেদিয়াদা স্তেতমেন্তশিং পাথোক্কনি । নুমীৎ অদুমক্তদা ইন্দিয়া জপান বিজিনেস প্লেনরি অমা মতম লেপলে ।
মসিনা প্রধানমন্ত্রী মোদী অমসুং প্রধানমন্ত্রী অবেগী মরক্তা মরিশুবা এনুয়েল সমিত ওইরগনি । লুচিংবা অনিনা মখোয়গী ‘স্পিসিয়েল স্ত্রেতেজিক এণ্ড গ্লোবেল পার্তনরশিপকী’ ফ্রেমৱার্ককী মখাদা ভারত অমসুং জপানগী মরক্তা মায়থোং য়াম্লবা কোওপরেসনদা খ্বাইদগী নৌবা প্রোগ্রেস অদু য়েংশিনগনি অমসুং মসিগী মখা তাবা দাইরেক্সন পিগনি ।
লুচিংবা অনিনা সেপ্তেম্বর ১৪দা অহমেদাবাদ অমসুং মুম্বাইগী মরক্তা ভারতকী অহানবা হাই-স্পিদ রেল প্রোজেক্তকী হৌদোকপগী পব্লিক ফঙ্কশন অমদা শরুক য়াগনি । ত্রেন অসিনা সহর অনি অসিগী মরক্তা খোংচৎকী মতম হন্থহল্লনি । জপান অসি হাই-স্পিদ রেল নেতৱার্ককী লময়ানবনি অমসুং মসিগী শিনকানসেন বুলেত ত্রেন অসি মালেমগী খ্বাইদগী য়াংবা ত্রেনশিংগী মনুংদা অমনি ।
অহমেদবাদ সহরনা সেপ্তেম্বর ১৩দা প্রধানমন্ত্রী অবেবু তরাম্না ওক্কনি, মখল মখা কয়াগী কলচরেলগী থৌরম পাংথোক্কনি ।
প্রধানমন্ত্রী অনিমক্না সবরমতি তুরেল তোর্বানদা মহাত্মা গান্ধিনা লিংখৎলম্বা সবরমতি আশ্রমদা চৎকনি । মথংদা মখোয়না অহমেদাবাদতা লৈবা ১৬শুবা চহিচাগী মমিং চৎলবা মোক্স অমা ওইরিবা “সিদি সায়িদ নি জালি” চৎকনি । লুচিংবা অনিনা মহাত্মা মন্দিরদা লৈবা মহাত্মা গান্ধিদা কৎথোক্লবা ম্যুজম দান্দি কুতিরদশু চৎকনি ।
